San Lucas 1:20 - Bible in Tzeltal Bachajón

²⁰ Yo'tic uma' ya xhilat, ma xhu' ya xc'opojatix ha to c'alal ya xc'oht ta pasel bin la jcalbat, como ma ba la ach'uhumbon te jc'op te ya xc'oht ta pasel ta mero yorahil, xchi sc'oblal.

Nuevo Testamento Tzeltal de Amatenango

²⁰ Pero ma la achꞌuun. Jaꞌ yuꞌun ya me xkꞌajtajat ta umaꞌ. Ma xlokꞌ akꞌop jaꞌ to te tut ora ya sta skꞌaalel te tuti kalixe —xchi te chꞌul ángele.

Bible in Tzeltal de Oxchuc y Tenejapa

²⁰ Te bit'il ma la ach'uun te bila la calbate, jich yu'un ya me xc'atp'ujat ta uma'. Ma xju' xc'opojat ja' to te c'alal ya sta yorail ya xc'ot ta pasel te bila la calixe —xi' te ch'ul abate.

San Lucas 1:20 ပူးပေါင်းရင်းမြစ်များ

2 Reyes 7:19

Te príncipal hich la sjac'be sc'op te winic yu'un Dios: Teme Jehová ya sjamticlan ventanahetic ta ch'ulchan, ¿hich bal ya xc'oht ta pasel? xchi. La yalix te Eliseo: Ya me awil ta asit pero ma ba yac awe', xchi.

2 Reyes 7:2

Te príncipal te banti ya yich' yip sc'ab te ajwalil hich la sjac'be sc'op te winic yu'un Dios: Aunque Jehová ya sjamticlambe te ventanahetic yu'un ch'ulchan, ¿hich bal ya xc'oht ta pasel? xchi. Ya me awil ta asit, pero ma ba yac awe', xchi te Eliseo.

Éxodo 4:11

Hich la sjac' te Jehová: ¿Mach'a la spasbe ye te ants-winic? ¿Mach'a ya spas te uma' soc te cohc, te mach'a ya yil q'uinal soc te ts'o'sit? ¿Ma bal ho'ucon te Jehovahon?

Isaías 7:9

Te jolal yu'un Efraín, ha te Samaria, te jolal yu'un Samaria, ha te snich'an Remalías. Teme mayuc sch'uhunel awo'tanic, ma ba ya xhilex, xchi.

Ezequiel 24:27

Ta hich ora ya xjahm awe, ya xc'opojat soc te mach'a loc' ta ahnel, ya xc'opojat, ma ba uma' ya xhilatix. Hich seña ya xc'ohat ta stojolic, soc ya me sna'ic te ho'on Jehovahon, xchi.

Ezequiel 3:26

Ya cac' te ya slap' sba awac' ta apajaj, hich uma' ya xc'ohat, ma ba ya xhu' yac atsitsticlan, como ha jun pueblo te stoyoj sbahe.

Daniel 10:15

C'alal hich yac yalbelon a, nijilon ta yilel te lum soc uma'ubenon.

Números 20:12

Pero te Jehová la yalbe te Moisés soc Aarón: Te bin ut'il ma ba la ach'uhunonic, te ma ba la awich'ic ta cuenta te Ch'ul Dioson ta stojol te snich'nab Israel, ma ba yac awiq'uic ochel ta q'uinal te ca'beyej te pueblo ini, xchi.

San Marcos 16:14

Ta slajibal la yac' sba ta ilel yu'un te buluchtuhl (11) te c'alal ayic ta mesa a; la yuticlan yu'un te mayuc sch'uhunel yo'tanic soc tulan te yo'tanique, como ma ba la sch'uhunic te mach'atic la yilic te cha'cuxajemixe.

San Marcos 9:19

La yal te Jesús: ¡Mayuc sch'uhunel yo'tanic te jcaj ts'umbalil ini! ¿Jayeb xan c'ahc'al ya sc'an te ya joquinex? ¿Jayeb xan c'ahc'al ya xcuhch cu'un te bin ut'il ayexe? Ic'bonic tal, la yut.

San Lucas 1:19

La sjac' te ch'ul a'bat: Ho'on Gabrielon te teq'uelon ta stojol te Diose, soc ticombilon yu'un ya calbat te lequil ach' c'op ini.

San Lucas 1:21

Te pueblo yac smahliybelic te Zacarías, soc yaquic na'etel yu'un te halajix ta ch'ul awilal.

San Lucas 1:22

Pero c'alal loc' talel ma ba hu' te ya sc'opon te pueblo; hich la sna'ic te ay bin la yil ta nahalsitil ta ch'ul awilal. La sc'oponlan ta seña ta sc'ab, uma' a hil.

San Lucas 1:45

Bayel me yutsil te mach'a la sch'uhun te ya xc'oht ta pasel te bin halbot yu'un te Cajwaltique, xchi.

San Lucas 1:64

Ora jahm ye soc tojob yac' te Zacarías, hahch yalbe bayel yutsil te Diose.

Romanos 3:3

¿Ha xan teme ay mach'atic ma ba sch'uhunejic? Te bin ut'il mayuc sch'uhunel yo'tanic ¿ya bal slajimbe sc'oblal te jun yo'tan ay te Diose?

2 Timoteo 2:13

teme ma junuc co'tantic, stalel jun yo'tan stuquel, como ma xhu' ya smuc sba ta yo'tan stuquel.

Tito 1:2

te ha ya yac' smuc'ul co'tantic ta smahliyel te cuxlejal scuenta sbahtel q'uinal. Te Dios, te ma xya'iy lot, te c'alal ma to ayuc bintic ay a la yal ta jamal te ya me xchicnaj te cuxlejal ini,

Hebreos 6:18

Ha yu'un ta scuenta te cheb ini te ma xyanij sc'oblal, te ma xhu' ya spas lot yu'un te Diose, te ho'otic te jnohpojemotic bahel ta stojol ay bayel yip co'tantic te ya cu'untaytic te smuc'ul-o'tanil te ay ta jtojoltique.

Apocalipsis 3:19

Ya jtsits soc ya ca'be castigo scuenta tojobtesel spisil mach'atic c'ux ta co'tan; ha yu'un pasa tulan, suhtesa awo'tan.