San Lucas 1:17 - Bible in Tzeltal Bachajón

¹⁷ Ha ya xnahilij bahel ta stojol Dios ta scuenta te espíritu soc te yip te Elías, yu'un ya yac' suhtuc yo'tanic te me'iltatiletic ta stojol te yal-snich'anic, soc te jc'axun-c'opetic ta stojol te p'ijil-o'tanil yu'un te mach'atic toj yo'tanic, scuenta yu'un ya schahpambe te Cajwaltic jun pueblo te chapale, xchi sc'oblal.

Nuevo Testamento Tzeltal de Amatenango

¹⁷ Te Juane ya me xnalaj ta yalel skꞌoplal te Kajwaltike. Jich me yoꞌtan te tutꞌil te jꞌElias te antibo jꞌalwaneje, y pajal me yaꞌtel sok. Ya me yakꞌ jelonuk xkuxlejalik te meꞌil-tatiletike sok te yuntikilike, sok ya me yaꞌbe snopik xchꞌuunel mantal te jkꞌaxintayej-mantaliletike. Jich me chapalix yoꞌtanik a te jtejklume te ya smaliyik a te Kajwaltike —xchi te chꞌul ángele.

Bible in Tzeltal de Oxchuc y Tenejapa

¹⁷ Ya me xneelaj ta yalel sc'oplal te Cajwaltique. Ja' me ya spajbey yo'tan soc yip yat'el te j'alwanej Eliase, swenta yu'un ya yac' junajuc yo'tanic te sme'-static ta stojol te alnich'anetique, soc swenta yu'un ya me yac'bey snopic xch'uunel mandal te jc'axintayej-c'opetique. Jich me chapalix yo'tanic ta lec a te lume te ya yic' ta stojolic te Cajwaltique c'alal ya xtale —xi' te ch'ul abate.

San Lucas 1:17 ပူးပေါင်းရင်းမြစ်များ

1 Reyes 17:1

Te Elías te talem ta Tisbe, te nahinem ta Galaad, hich la yalbe te Acab: ¡Yiloj Jehová, te Dios yu'un Israel, te yacon ta a'batinel yu'un, ma ba ya xtal ha'al o ts'ujul ta ha'biletic bahel, ha to teme ho'on ya cal! la yut.

1 Reyes 18:18

La sjac' te Elías: Ho'on ma ba yac ca'bebel swocol te Israel; ha'at soc te mach'atic ay yu'un te atate. La awihquitayic te mandariletic yu'un Jehová, la at'unic te baaletique.

1 Reyes 21:20

Te Acab la yalbe te Elías: ¿La bal atahonix, jcontrahat? xchi. La yal te Elías: La jtahat, como la awac' aba ta spasel te bin chopol ta stojol Jehová.

2 Reyes 1:16

Hich c'oht yalbe te ajwalil: Hich ya yal te Jehová: Te bin ut'il la aticon bahel a'batetic ta sjoc'obeyel Baal-zebub te dios yu'un Ecrón, te hich c'ohem te bin ut'il mayuc Dios ta Israel te yac ajoc'obe te sc'ope, ha yu'un ma ba ya xhahchatix ta awayib, ya me xchamat, xchi.

1 Crónicas 29:18

Jehová, Diosat yu'un Abraham, Isaac soc Israel te jtatcotic, ac'a te staleluc hich ay sc'anojel yo'tanic te pueblo awu'un, soc ac'a te junuc yo'tanic ta atojol.

2 Crónicas 29:36

Tse'el yo'tanic te Ezequías soc spisil te pueblo yu'un te bin la spas Dios ta stojol te pueblo, como ora nax la yich' pasel.

Salmos 10:17

Jehová, yac awa'iybe bin ya sc'an yo'tanic te mach'atic peq'uelic, ha'at yac awa'be yip yo'tanic soc yac awa'iybe te sc'opique.

Salmos 111:10

Te shahchibal te p'ijil-o'tanil ha te yich'el ta muc' te Jehová; spisil te mach'atic ya spasic te mandariletic yu'un ya sna'ic q'uinal ta lec. ¡Ay ta halbeyel yutsil sc'oblal sbahtel q'uinal!

Salmos 78:8

te ma hichuquix te bin ut'il te sme'static, te jcaj ts'umbalil te tulan yo'tanic soc jtoybahetic, te mayuc yip yo'tanic ta stojol Dios soc ma ba jun yo'tanic ta stojol.

Isaías 29:24

Te mach'atic howiyem yo'tanic ya snopic te bin ay ta na'el, te mach'atic muquen ya xc'opojic ya snopic te bin ay ta nopele, xchi te Jehová.

Amós 4:12

Ha yu'un, ha nix hich ya jpasbat, Israel; soc te bin ut'il hich ya jpasbat, ¡chahpan aba te yac ata aba soc te Dios awu'un, Israel!

San Mateo 11:14

Te yacuc ac'an yac ach'uhunic, te Juan ha nix te Elías te sc'oblal ya xtale.

San Mateo 14:4

como bayel buelta hich halbot yu'un te Juan: Ma lecuc te awic'oj te antse, xchi.

San Mateo 3:3

Ha nix te mach'a halbot sc'oblal yu'un te jalwanej Isaías: Ha sc'op te mach'a hich ya x'awon ta jochol taquin q'uinal: ¡Chahpambeyahic sbe te Cajwaltic, tojobtesbeyahic te behetic yu'une! xchi.

San Mateo 3:4

Te Juan sc'u'inej stsotsel camello, soc nuhcul schucoj sch'uht a; ha swe'el te c'ulub soc chab.

San Lucas 1:16

Ya me ya'be suhteslan yo'tanic ta stojol Dios tsobol te al-nich'anetic yu'un Israel.

San Lucas 1:76

Ha'at, alal, jalwanejat yu'un te Mach'a mero toyol ay, ya xc'oht abihil; yu'un ya me xnahilijat ta stojol te Cajwaltic yu'un yac achahpambe te behetic yu'une,

San Juan 1:13

Ma ha'uc ya x'ayinic ta scuenta ch'ich'-baq'uet, o ta scuenta sc'anojel yo'tan winic, ha ya x'ayinic ta scuenta te Diose.

San Juan 1:34

Ho'on la jquil soc ya cal ta testigo te ha te Snich'an Dios, xchi te Juan.

San Juan 3:28

Ha'ex nix testigohex cu'un te hich la jcal: Ma ho'ucon te Cristohon, ho'on ticombilon tal ta nahil yu'un, te xchihone.

Hechos 10:33

Ha yu'un ora la jticonat ta iq'uel, ha lec te talate. Yo'tic, jpisilcotic jtsoboj jbahcotic ta stojol Dios yu'un ya ca'iycotic spisil bintic la spasat ta mandar te Diose, xchi.

Romanos 9:23

¿Ha xan teme hich la spas scuenta yu'un ya yac' ta na'el te sc'uhlejal te yutsilal ta stojol te vasohetic c'uxultaybilic yu'un, te schapojix te ya yich'ic yutsilalic,

Colosenses 1:12

soc tse'el awo'tanic yac awalbeyic wocol te Tatil, te la yac' te pajal ya xhu' yac awich'ic hilel te bin ay yu'un Dios soc te mach'atic ch'uhltesbilic te ayic ta sacal q'uinale.

2 Timoteo 2:21

Ha yu'un te mach'a ya spoc sba yu'un te bintic chopol ini, ha ya yich' tuhunel yu'un spasel te bin bayel sc'oblal, ch'ultesbil ya xc'oht, ya xtuhunot yu'un te Cajwaltic soc chapal ta spasel spisil lequil a'telil.

1 Pedro 2:9

Yan te ha'exe tsahbil pueblohex, sacerdotehex yu'un ajwalil, ch'ul nacionex soc pueblohex yu'un Dios, scuenta yu'un yac apuquic ta halel te yutsilal te Mach'a la yiq'uex loq'uel ta yihc'al q'uinal soc la yaq'uex ta sacal q'uinal yu'un te bayel yutsil.

1 Juan 2:28

Cal-jnich'nab, jc'axel ayinanic me ta stojol, scuenta yu'un te c'alal ya xchicnaj ay me yip co'tantic a, soc ma ba q'uejel ya cac' jbahtic ta stojol yu'un q'uexlal te c'alal ya xtale.

Apocalipsis 20:4

La jquil muc'ul-huctajibaletic, soc huculic tey a te mach'atic a'bot ya'telic ta chahpanwanej. Soc la jquilbe sch'uhlelic te mach'atic xot'bot sjolic ta scaj te testigo-c'op yu'un Jesús soc ta scaj te sc'op Dios, ha te mach'atic ma ba la sch'uhuntayic te chambahlam te xiweltic sba o te sloc'ombahil, soc ma ba la yich'beyic smarca ta sti'bahic o ta sc'abic; la yich'ic scuxlejalic soc la sjoquinic Cristo ta cuentahinwanej lajunwinic yoxbahc' (1,000) ha'bil.

1 Samuel 7:5

Patil hich la yal te Samuel: Tsobahic spisil Israel ta Mizpa, ya jc'opombeyex te Jehová, xchi.