San Lucas 1:11 - Bible in Tzeltal Bachajón

¹¹ Chicnaj ta stojol Zacarías ch'ul a'bat yu'un te Cajwaltic, teq'uel ta wa'el ta schic'ojibal pom.

Nuevo Testamento Tzeltal de Amatenango

¹¹ ay jtul chꞌul ángel yuꞌun te Kajwaltik chiknaj ta stojol te Zacarias teꞌae. Tekꞌel ta sbatsꞌil skajanibal xchijkꞌil pom.

Bible in Tzeltal de Oxchuc y Tenejapa

¹¹ Chicnaj jtul ch'ul abat yu'un te Cajwaltic ta stojol te Zacariase. Teq'uel c'oel ta swa'el scajtijib xchic'jibal pom la yil.

San Lucas 1:11 ပူးပေါင်းရင်းမြစ်များ

Levítico 16:13

Ya yotses te pom ta sba ac'al ta stojol Jehová, te sch'ahilel pom ya spots te yawil stahel perdón ay ta sba te yawil Testigo-c'op, scuenta yu'un ma ba ya xcham a.

San Lucas 1:19

La sjac' te ch'ul a'bat: Ho'on Gabrielon te teq'uelon ta stojol te Diose, soc ticombilon yu'un ya calbat te lequil ach' c'op ini.

San Lucas 1:28

Te ch'ul a'bat och bahel ta banti ay te ach'ix, hich la yal: ¡Ya jpatbat awo'tan, ha'at te c'uxultaybilat yu'un Dios! Sjoquinejat te Cajwaltic, bayel awutsil ta yohlil te antsetique, xchi.

San Lucas 2:10

Pero halbotic yu'un te ch'ul a'bat: Ma xiwex, ya calbeyex awa'iyic bin yach'il c'ohem ta pasel te bayel yutsil-o'tanil yu'un, te ha yu'un spisil ants-winiquetic:

San Lucas 2:9

Chicnaj ta stojolic jtuhl ch'ul a'bat yu'un Dios, te sts'anabul Dios hul stihltes sba ta sjoyobalic; bayel xiwic yu'un.

Hechos 5:19

Pero te ch'ul a'bat yu'un te Cajwaltic la sjam ta ahc'abal te puertahetic yu'un te cárcel, la yic'ticlan loq'uel, hich la yalbe:

Hebreos 1:14

¿Ma bal meleluc te spisil te ch'ul a'batetic ha espírituhetic te ayic ta a'batinel, te ticombilic ta scoltayel te mach'atic ya yich'ic te colele?

Apocalipsis 9:13

Te swaquebal ch'ul a'bat la yoq'uesin te scorneta; la jca'iy ay loc' c'op ta yohlil te chaneb xulubiletic yu'un te scajtajib ta chiq'uel pom pasbil ta oro te ay ta stojol te Diose.

Jueces 13:3

Chicnaj ch'ul a'bat yu'un Jehová ta stojol te ants, hich la yalbe: Te ha'ate, jma'alat, mayuc ayinem awal; pero ya me xhahch awal, ya me x'ayin aquerem-al.

Jueces 13:9

Dios la ya'iybe sc'op te Manoa. Te ch'ul a'bat yu'un Dios tal ta stojol te ants yan buelta te c'alal ay ta aquiltic a; pero te Manoa te smamalal ma ba tey ay a.