Levítico 9:5 - Bible in Tzeltal Bachajón

⁵ Hich la yich'ic bahel ta stojol te Nahilpac' Templo yu'un tahojibal te bin halbotic yu'un Moisés. Tal spisil te pueblo, la stehc'an sbahic ta stojol te Jehová.

Bible in Tzeltal de Oxchuc y Tenejapa

⁵ Te israeletic la yich'ic bael c'alal ta banti ay te Nailpac' te banti ya yich' c'oponel te Cajwaltic, ja' te bila albot stsobic yu'un Moisés. Ta spisilic la slaman sbaic ta tejc'lej ta stojol te Cajwaltique.

Levítico 9:5 ပူးပေါင်းရင်းမြစ်များ

1 Crónicas 15:3

Te David la stsob spisil Israel ta Jerusalén yu'un sc'asesel tal te scaxahul te chapbil-c'op yu'un Jehová ta banti chahpambil yu'un.

Nehemías 8:1

Junax la tsob sbahic spisil te pueblo ta plaza te snuhp'usitayej sba soc te Yochibal Ha', la yalbeyic te maestro Esdras te yacuc yich' tal te libro yu'un te ley yu'un Moisés, te a'botic yu'un Jehová te Israel.

Éxodo 19:17

Te Moisés la yic' loq'uel ta campamento te pueblo yu'un ya stahic te Diose; c'oht stehc'an sbahic ta ye'tal te witse.

Levítico 9:4

soc jcoht toro soc jcoht tat tuminchij scuenta milbil mahtanil yu'un lamal q'uinal, te yac amilic ta stojol Jehová, soc ich'ahic tal mahtanil harina wots'bil ta aceite, como ya xchicnaj ta atojolic yo'tic te Jehová, xchi.

Levítico 9:6

Hich la yal te Moisés: Ha ini te bin la yal ta mandar te Jehová; pasahic, hich ya xchicnaj ta atojolic a te yutsilal Jehová, xchi.

Deuteronomio 31:12

Tsoba tal te pueblo, winiquetic, antsetic, alaletic soc jyanlumetic te ayic ta pueblohetic awu'un, scuenta yu'un ya ya'iyic soc ya snopic yich'el ta muc' te Jehová te Dios awu'unic, soc tsahtaybil yu'unic ya spasic spisil te bin ya yal te Ley ini.