Levítico 8:7 - Bible in Tzeltal Bachajón

⁷ La ya'be slap te smuc'ul-c'u', la schuc ta schuhquil sch'uht, la ya'be slap te snahtil-c'u', ta sba la ya'be te efod, la schuc ta schuhquil scuenta lec chucbil c'oht.

Bible in Tzeltal de Oxchuc y Tenejapa

⁷ Patil te Aarón la yac'bey slap te najt'il c'u'ile, la yac'bey xchujq'uil xch'ujt' soc la yac'bey slap te xchebal snajt'il c'u'e; ta sba la yac'bey te efod, soc ja' nix la xchucbey ta lec a te xchujq'uil efod.

Levítico 8:7 ပူးပေါင်းရင်းမြစ်များ

Éxodo 28:2

Ya me apasbe ch'ul c'u'uletic yu'un te abanquil Aarón scuenta yutsil soc yich'el ta muc'.

Éxodo 28:4

Te c'u'uletic ya spasic, ha te bolsa pac' ya xc'oht ta stahn, te efod, nahtil-c'u'ul, muc'ul c'u'ul te ch'albil ta ts'isel, spixjol pac', soc te schuhquil sch'uhte. Ya me spasic te ch'ul c'u'uletic yu'un te abanquil Aarón soc te snich'nab scuenta yu'un ha me sacerdotehetic ya xc'ohtic cu'un.

Éxodo 28:6

Ya me spasic te efod ta oro, yax, chi'in-yax soc tsajal estambre, soc lequil ts'otbil lino, buen ch'albil ta ts'isel.

Éxodo 29:5

Ya me atsac te c'u'uletic, ya me awa'be slap te Aarón te muc'ul c'u'ul, te nahtil c'u'ul ay ta ye'tal te efod, te efod soc te bolsa pac' ya xc'oht ta stahn, soc ya me achuc ta schuhquil sch'uht te efod.

Isaías 61:10

Bayel yutsil co'tan ta stojol Jehová, ay yutsil yo'tan jch'uhlel ta stojol te Dios cu'une; como la ya'bon jlap sc'u'ulel colel soc la sjoytayon yu'un pac' scuenta bin stojil ta pasel, hich te bin ut'il lecolil te ya xnuhpun te ya sch'ahl sjol ta corona, hich te bin ut'il ach'ix te ya xnuhpun te ya sch'ahl sba ta sch'ahlelaletique.

Isaías 61:3

ta yalel mandar ta stojol mach'atic ay swocolic ta Sión, te ya x'a'botic t'ujbil corona scuenta sjelol stanul c'ahc', te ya x'a'botic aceite yu'un tse'el-o'tanil scuenta sjelol mel-o'tan, soc te ya x'a'botic nahtil-c'u'ul yu'un yutsil q'uinal ya ya'iyic scuenta sjelol pich'il-o'tanil. Hich ya x'a'bot sbihilinic: Jihte'etic yu'un bin stojil ta pasel, Te bin ts'umbil yu'un Jehová, xchi, scuenta yu'un ya yac' ta ilel yutsilal a.

Ezequiel 42:14

C'alal ya x'ochic bahel te sacerdotehetic ma ba ya xloq'uic ta ch'ul lugar yu'un ya xbahtic ta shahchibal amac', ya sc'an te nahil ya scholic hilel tey a te sc'u'ic yu'un spasel te ya'telic, como ch'uhltesbilic. Ya slapic yan sc'u'ic, hich ya xnohpojic bahel ta banti ay te ants-winiquetique, xchi.

Romanos 13:14

Ha me xawac' yu'untayex te Cajwaltic Jesucristo, ma me xanopic spasel mulil te ya smulan spasel te abaq'uetalique.

Romanos 3:22

ha te toj ya x'ilotic yu'un Dios ta scuenta sch'uhunel yo'tantic ta stojol Jesucristo, spisil mach'atic ya sch'uhunic, yu'un mayuc mach'a yan yilel,

Gálatas 3:27

como apisilic te awich'ojic ha' ta scuenta Cristo, ac'u'inejic te Cristo.

1 Samuel 2:28

Ha la jtsa loq'uel ta yohlil spisil te jchahp yu'un Israel scuenta sacerdote cu'un ya xc'oht, yu'un ya yac' chic'bil mahtanil ta scajtajib cu'un, ya schic' pom, soc ya slap efod ta jtojol. La jca'be te mach'atic ay yu'un atat spisil te mahtaniletic chic'bilic ta c'ahc' te ya yaq'uic te snich'nab Israel.