Levítico 7:7 - Bible in Tzeltal Bachajón

⁷ Te bin ut'il ay te milbil mahtanil yu'un mulil, hich nix ay te milbil mahtanil yu'un stahel falta, junax mandaril ta schebal. Ha ya xc'oht ta scuenta te sacerdote te ya spas te stojel mulil.

Bible in Tzeltal de Oxchuc y Tenejapa

⁷ “Te majt'anil yu'un te mach'a ay sfalta scaj te la yu'unin te bila ma yu'unuque, pajal nix soc te majt'anil yu'un te mach'a ya sta smule, pajal me ya yich' pasel ta xchebal: te majt'anile ja' me yu'un te sacerdote ya x'at'ej ta sc'anel te perdone.

Levítico 7:7 ပူးပေါင်းရင်းမြစ်များ

2 Reyes 12:16

Te taq'uin yu'un te mahtaniletic yu'un stojel mulil soc yu'un te mahtaniletic yu'un stahel falta ma ba la yich'ic tal ta sna Jehová, como ha yu'unic te sacerdotehetique.

2 Reyes 12:17

Ha ta yorahil a te Hazael ajwalil yu'un Siria la ya'be guerra te Gat soc la stsal. Patil la snop te ya xmo bahel ta ya'beyel guerra te Jerusalén.

Levítico 14:13

Ya me smil te jcolel tat tuminchij ta ch'ultesbil yawil te banti ya yich' milel te mahtanil yu'un mulil soc te scohtol chic'bil mahtanil, como te mahtanil yu'un stahel falta ha me yu'un te sacerdote, hich nix te bin ut'il te mahtanil yu'un mulil; mero ch'ultesbil.

Levítico 2:10

Te jayeb ya xhil yu'un te mahtanil, ha yu'un Aarón soc te snich'nabe. Ha te bin mero ch'ultesbil yu'un te mahtaniletic ya yich'ic chiq'uel ta stojol Jehová.

Levítico 2:3

Te jayeb ya xhil yu'un te mahtanil, ha yu'un Aarón soc te snich'nabe, ha mero ch'ultesbil mahtanil te ya yich' chiq'uel ta stojol Jehová.

Levítico 6:17

Ma ba ya yich' ta'ajtesel soc levadura. Ha ca'beyej te Aarón soc te snich'nab te jayeb hilem yu'un te chic'bil mahtanil cu'une; ha mero ch'ultesbil, hich te bin ut'il te milbil mahtanil yu'un mulil soc te milbil mahtanil yu'un stahel falta.

Levítico 7:8

Te sacerdote te ya yac' te scohtol chic'bil mahtanil ta scuenta yan, ha yu'un ya xhil te snuhculel te mahtanile.

Números 5:8

Teme mayuc mach'a ay yu'un te ya yich'be te sjelol, ha ya yich' a'beyel Jehová te sjelol, ha ya yich' te sacerdote, soc ya yac' te tat tuminchij te ya yich' aq'uel scuenta stojel mulil, te ha ya yich' tojbeyel smul a.

1 Corintios 10:18

Ilawil te Israel ta scuenta ch'ich'-baq'uet: Te mach'atic ya swe'ic te milbil mahtaniletic, ¿ma bal ha'uc jun yo'tan ya xc'ohtic soc a te scajtajib ta chiq'uel mahtanil?

1 Corintios 9:13

¿Ma bal ana'ojic, te mach'atic ya x'a'tejic ta templo tey nix ya sta swe'elic a, soc te mach'atic ya x'a'tejic ta scajtajib ta chiq'uel mahtanil ay bin ya stahic tey a?