Levítico 7:23 - Bible in Tzeltal Bachajón

²³ Halbeya te snich'nab Israel: Ma me xawe'beyic sjuhp'el wacax, tuminchij o tentsun.

Bible in Tzeltal de Oxchuc y Tenejapa

²³ —Albeya te israeletic: “Ma me xju' ya slo'beyic xepuil wacax, chij soc tentsun.

Levítico 7:23 ပူးပေါင်းရင်းမြစ်များ

Éxodo 22:30

Ha nix hich yac apas soc awacax soc atuminchij; huqueb c'ahc'al ya sjoquin sme', ta swaxaquebal c'ahc'al ya me awa'bon.

Levítico 17:6

Te sacerdote ya stsihtsin te ch'ich' ta sba te scajtajib ta chiq'uel mahtanil yu'un Jehová te ay ta stojol yochibal te Nahilpac' Templo yu'un tahojibal, soc ya schic'be te sjuhp'el scuenta sumet yic' ta stojol Jehová.

Levítico 7:22

Te Jehová la yalbe te Moisés:

Hechos 28:27

como tonoben yo'tanic ha'i pueblo ini, wocol ya x'och c'op ta schiquinic, soc smuts'oj sitic; scuenta yu'un ma ba ya yil ta sitic soc ma ba ya ya'iy ta schiquinic, soc ma ba ya xc'oht ta yo'tanic, te hichuc ya suhtes yo'tanic soc hich ya jlecubtes, te xchihe.

Romanos 13:13

Lecuc me ac'a ayinucotic ta q'uinal, hich te bin ut'il ya sc'an ta c'ahc'alel; ma me ha'uc ya xbaht ta co'tantic puro we'el soc yacubel, ma me xca'iytic antsiwej soc ma me xawac' abahic ta antsinel, ma me xca'iytic chijil-o'tanil, ma me xca'iytic hach-c'op soc ti'ti'o'tantaywanej.

Romanos 8:13

como teme ha yac awa'telinic spasel te bin ya smulan stuquel, ya me xlajex yu'un; yan teme ta scuenta te Espíritu yac awac' ta lajel te ya'tel te jmulawil baq'uet, ya me xcuxajex yu'un.

Deuteronomio 32:38

te la swe'beyic sjuhp'el te milbil mahtaniletic yu'unic, soc te la yuch'beyic te vino yu'un te malbil mahtanil yu'unique? ¡Ac'a hahchuquic, ac'a scoltayex! ¡Ac'a tal scanantayex!

1 Samuel 2:29

¿Bin yu'un te mayuc sc'oblal ta awo'tanic te chic'bil mahtaniletic soc te yantic mahtaniletic cu'un te la jpas ta mandar te ya yich' aq'uel ta Nahilpac' Templo; soc te c'ax hich yac awich' ta muc' a te anich'nab te bin ut'il te ho'one, ha te yac ajup'teslambel ta banti c'ax lec yu'un te mahtaniletic ya yaq'uic te pueblo Israel cu'un? xchi te Jehová.