Levítico 7:12 - Bible in Tzeltal Bachajón

¹² Teme ya yich' aq'uel ta scuenta yalel wocol, ha ya yich' aq'uel soc pimil pan ma ba yich'oj levadura te wots'bil ta aceite, soc jayal pan ma ba yich'oj levadura te jaxbil ta aceite, soc pimil pan pasbil ta lequil harina wots'bil ta aceite.

Bible in Tzeltal de Oxchuc y Tenejapa

¹² Teme ja' te milbil majt'anil swenta yalel wocol ta jtojol jo'on te Ajwalilone, ya me yich' aq'uel soc te pimil waj ma ba yich'oj levadura te ya yich' wots'el soc aceite; soc te jayal waj ma ba yich'oj levadura te tsijts'anbil nax ta aceite; soc pimil waj pasbil ta harina, ja' me te mero leque, ya me yich' wots'el soc aceite.

Levítico 7:12 ပူးပေါင်းရင်းမြစ်များ

2 Crónicas 29:31

Patil hich la yal te ajwalil Ezequías: Yo'tic, ha'ex ach'ultesejix abahic ta stojol te Jehová; nohpojanic tal hiche, ac'ahic milbil mahtaniletic soc mahtaniletic scuenta yalel wocol, xchi. Hich te pueblo la yaq'uic milbil mahtaniletic soc mahtaniletic scuenta yalel wocol; soc spisil te mach'atic ay sc'anojel yo'tanic la yiq'uic tal scohtol chic'bil mahtaniletic.

2 Crónicas 33:16

Patil la scha'pas xan te scajtajib ta chiq'uel mahtanil yu'un Jehová, soc tey la yac' a te milbil mahtaniletic scuenta lamal q'uinal soc scuenta yalbeyel wocol. La spas ta mandar te Judá te ac'a yac' sbahic ta a'batinel ta stojol Jehová te Dios yu'un Israel.

Nehemías 12:43

Ta hich ora la yaq'uic bayel milbil mahtaniletic, mero tse'el yo'tanic yu'un, como Dios ya'beyej bayel yutsil yo'tanic. Ha nix hich tse'el yo'tanic te antsetic soc te alaletic. Namal chican ta a'iyel xjuyetic ta Jerusalén.

Salmos 107:8

¡Ac'a yalbeyic bayel wocol te Jehová yu'un te sc'uxul yo'tan soc te yutsil ya'tel ta stojol te ants-winiquetique!

Salmos 116:17

Ya me ca'bat milbil mahtanil scuenta yalel wocol soc ya jc'opon te Jehová ta scuenta sbihil.

Salmos 50:23

Te mach'a ya yalbon wocol te ha jmahtan yu'un, ha ya yich'on ta muc'; te mach'a toj ya xbehen, ya ca'be yil te colel yu'un Dios, xchi te Jehová.

Jeremías 33:11

ya me xchicnaj sc'op yutsil-o'tanil soc tse'el-o'tanil, te sc'op mach'atic slecolinej sbahic, soc sc'op te mach'atic ya yich'ic tal ta sna Jehová mahtaniletic yu'un yalel wocol, te hich ya yalic: ¡Halbeyahic wocol te Jehová te scuentahinej spisil, como lec yo'tan te Jehová, te sc'uxul yo'tan stalel ay sbahtel q'uinal! xchihic. Yu'un ya ca'be xan yutsil slequil te lumq'uinal hich te bin ut'il ay ta nahil to, xchi te Jehová.

Oseas 14:2

Ich'a bahel c'opetic scuenta suhtesel-o'tanil, suhtan tal ta stojol Jehová soc hich xawalbe: Loq'uesa spisil bintic chopol, ich'a te bintic lec, ya ca'batcotic ta mahtanil te bin ya xloc' ta quecotic.

Levítico 2:4

C'alal yac awac' mahtanil harina te ta'ajem ta horno, ha me pimil pan te pasbil ta lequil harina te ma ba yich'oj levadura soc wots'bil ta aceite, o jayal pan ma ba yich'oj levadura te jaxbil nax ta aceite.

Levítico 2:5

Teme yac awac' mahtanil harina pasbil ta samet, ha me te pasbil ta lequil harina te mayuc slevadurahil soc te wots'bil ta aceite.

Levítico 22:29

Te c'alal yac awa'be smahtan Jehová ta scuenta yalbeyel wocol, stojil me xawac' scuenta yu'un ich'bil ta cuenta ya xc'oht a.

Levítico 6:16

Te jayeb ya xhil, ha ya swe' te Aarón soc te snich'nabe. Mayuc slevadurahil ya swe'ic ta lugar te ch'ultesbil; ha ya swe'ic ta yamaq'uil te Nahilpac' Templo yu'un tahojibal.

Levítico 7:15

Te ti'bal yu'un te milbil mahtanil scuenta lamal q'uinal yu'un yalel wocol, ya me yich' we'el ta sc'ahc'alel nix te ya yich' aq'uele; ma me ayuc bin ya xhil ta yan c'ahc'al.

Amós 4:5

Ac'a pan te yich'oj levadura scuenta mahtanil ta yalel wocol, soc pucbeyahic ta bayuc sc'oblal te mahtaniletic te sc'anojel awo'tan yac awaq'uique, como hich yac ac'anic, snich'nabex Israel, xchi te Jehová, te Ajwalil.

Números 6:15

Soc jun moch pan ma ba yich'oj levadura pasbil ta harina wots'bil ta aceite, jayal pan te ma ba yich'oj levadura te jaxbil ta aceite, mahtanil harina soc malbil mahtaniletic yu'un.

San Lucas 17:16

tal spahcan sba c'alal lum ta ye'tal yoc Jesús ta yalbeyel wocol yu'un. Ha samaritano-winic.

San Lucas 17:18

¿Ma bal ayuc yan suht tal ta yalbeyel wocol Dios, hip bal a ha'i jyanlum winic ini? xchi.

Romanos 1:21

Aunque la sna'beyic sba te Diose, ma ba la yich'ic ta muc' te bin ut'il ha Dios soc ma ba la yalbeyic wocol, pero bohlob spensaric soc ihc'ub te sonso yo'tanique.

Efesios 5:20

spisil ora halbeyahic wocol te Jtatic Dios yu'un spisil, ta scuenta sbihil te Cajwaltic Jesucristo.

Hebreos 13:15

Ha yu'un ta scuenta Jesús spisiluc me ora ac'a calbetic yutsil sc'oblal te Diose, te ha milbil mahtanil cu'untic c'ohem, ha te jc'optic te ya yalbe ta jamal te sbihile.

1 Pedro 2:5

Ha nix hichex, te bin ut'il cuxul tonex, ac'a abahic ta pasel ta na scuenta espíritu soc ta ch'ultesbil sacerdotehil, scuenta yu'un yac awaq'uic mahtaniletic scuenta espíritu te ich'bilic ta cuenta yu'un Dios ta scuenta te Jesucristo.