Levítico 7:11 - Bible in Tzeltal Bachajón

¹¹ Hich ay te mandaril yu'un te milbil mahtanil scuenta lamal q'uinal te ya yich' a'beyel ta stojol Jehová.

Bible in Tzeltal de Oxchuc y Tenejapa

¹¹ “Ja' sc'oplal te majt'anil swenta lamal-o'tanil te ya quich' aq'uel ta jtojole:

Levítico 7:11 ပူးပေါင်းရင်းမြစ်များ

2 Crónicas 29:31

Patil hich la yal te ajwalil Ezequías: Yo'tic, ha'ex ach'ultesejix abahic ta stojol te Jehová; nohpojanic tal hiche, ac'ahic milbil mahtaniletic soc mahtaniletic scuenta yalel wocol, xchi. Hich te pueblo la yaq'uic milbil mahtaniletic soc mahtaniletic scuenta yalel wocol; soc spisil te mach'atic ay sc'anojel yo'tanic la yiq'uic tal scohtol chic'bil mahtaniletic.

2 Crónicas 33:16

Patil la scha'pas xan te scajtajib ta chiq'uel mahtanil yu'un Jehová, soc tey la yac' a te milbil mahtaniletic scuenta lamal q'uinal soc scuenta yalbeyel wocol. La spas ta mandar te Judá te ac'a yac' sbahic ta a'batinel ta stojol Jehová te Dios yu'un Israel.

Proverbios 7:14

Caloj te ya cac' milbil mahtanil scuenta lamal-o'tanil, nax to c'oht ta pasel cu'un te bin caloj ta jamal.

Ezequiel 45:15

Ta lajlajunwinic ta coht tuminchij ya me awaq'uic jcoht ta lequil aquetic yu'un Israel. Ha ya xtuhun ta mahtanil harina, scohtol chic'bil mahtanil soc ta mahtanil scuenta lamal-o'tanil, yu'un ya yich' tojel mulil yu'unic a, xchi te Jehová, te Ajwalil.

Levítico 19:6

Ya me yich' we'el te bin c'ahc'alil yac awaq'uic, soc ta schebal c'ahc'al, pero te bin ya xhil ta yoxebal c'ahc'al, ya yich' chiq'uel.

Levítico 22:29

Te c'alal yac awa'be smahtan Jehová ta scuenta yalbeyel wocol, stojil me xawac' scuenta yu'un ich'bil ta cuenta ya xc'oht a.

Levítico 7:10

Soc spisil te mahtanil harina wots'bil ta aceite, o teme taquin, ha ya xc'oht yu'un spisil te snich'nab Aarón, pajal me ya yich'ic.

Levítico 7:29

Halbeya te snich'nab Israel: Te mach'a ya yac' milbil mahtanil scuenta lamal q'uinal ta stojol Jehová, ya me yich'be tal ta stojol Jehová.

Amós 5:22

Teme yac awa'bonic te chic'bil mahtaniletic soc te mahtaniletic harina, ma ba ya jtsacbeyex, soc ma ba ya quil te mahtaniletic scuenta lamal q'uinal yu'un te juhp'en chambahlametic awu'unique.

Números 7:23

soc scuenta mahtanil yu'un lamal q'uinal: ha cha'coht j'a'tel-wacax, ho'coht tat tuminchij, ho'coht tat tentsun, soc ho'coht tat tuminchij te jujun ya'bilal. Ha te mahtanil yu'un Natanael snich'an Zuar.