Levítico 5:6 - Bible in Tzeltal Bachajón

⁶ soc ya me yic' tal ta stojol Jehová jcoht yantsilel tuminchij o tentsun scuenta mahtanil yu'un stojel smul te stahoje. Hich te sacerdote ya spasbe te stojel smul te stahoje.

Bible in Tzeltal de Oxchuc y Tenejapa

⁶ soc ya me yac'bon ta jtojol jo'on te Ajwalilon jcojt' sme' chambalam, swenta milbil jmajt'an yu'un te mulil la stae; teme me' chij, o teme me' tentsune, pero ta swenta nax te milbil majt'anile, te sacerdote ya me stabey perdón yu'un smul te mach'a la sta smule.

Levítico 5:6 ပူးပေါင်းရင်းမြစ်များ

Ezequiel 40:39

Ta yutil te slehch te ochibal, ta jujujehch ay cheb mesahetic te banti ya yich'ic milel te chambahlametic yu'un scohtol chic'bil mahtanil, mahtanil yu'un stojel mulil, soc mahtaniletic yu'un stahel falta.

Ezequiel 42:13

Hich la yalbon te winique: Te tsahlaltsahl te ayic ta stojol norte soc te ayic ta stojol sur, te snuhp'usitayej sba soc te shahchibal amac', ha ch'ul stsahluletic te banti ya swe'ic te ch'ul mahtaniletic te sacerdotehetic te ya xnohpojic ta stojol Jehová; tey ya yaq'uic a te ch'ul mahtaniletic, ha te mahtanil harina, te mahtanil yu'un stojel mulil, soc te mahtanil yu'un stahel falta, como ch'ultesbil te tsahlaltsahl.

Ezequiel 44:27

Te bin c'ahc'alil te ya x'och ta ch'ul awilal, ta amac' ta yutil, yu'un ya spas ya'tel, ya me yac' milbil mahtanil scuenta stojel mulil, xchi te Jehová, te Ajwalil.

Levítico 4:20

Hich ya spasbe te jcolel toro te bin ut'il la spasbe te jcolel toro yu'un stojel mulil. Te sacerdote hich ya spasbe te stojel mulil yu'un te pueblo, hich ya stahic perdón a.

Levítico 4:28

C'alal ya sna' ta patil te stahoj smul, ya me yac' scuenta mahtanil jcoht yantsilel tentsun te mayuc bin jihnem yu'un, scuenta mahtanil yu'un stojel smul stahoj.

Levítico 4:31

Soc ya me sloq'uesbe spisil te sjuhp'el, hich te bin ut'il la yich' loq'uesbeyel sjuhp'el te milbil mahtanil scuenta lamal q'uinal; te sacerdote ya schic' ta scajtajib ta chiq'uel mahtanil scuenta sumet yic' ta stojol Jehová. Te sacerdote hich ya spasbe te stojel mulil yu'un, soc hich ya sta perdón a.

Levítico 4:32

Teme ha ya yac' jcoht jcolel tuminchij scuenta mahtanil yu'un mulil, ya me yic' tal te yantsilel te mayuc bin jihnem yu'un.

Levítico 4:35

Ya sloq'uesbe spisil te sjuhp'el, hich te bin ut'il ya yich' loq'uesbeyel sjuhp'el te milbil mahtanil scuenta lamal q'uinal; te sacerdote ya schic'be te sjuhp'el ta scajtajib ta chiq'uel mahtanil ta sba te chic'bil mahtanil ta stojol Jehová. Te sacerdote hich ya spasbe te stojel mulil yu'un te smul stahoj, hich ya sta perdón a.

Levítico 6:6

Scuenta mahtanil yu'un stojel smul te sfalta stahoj ya me yic' tal ta stojol Jehová jcoht tat tuminchij o tentsun te mayuc bin jihnem yu'un, te hich stojol te yac awale, ya me ya'be ta stojol te sacerdote scuenta mahtanil yu'un stojel mulil.

Números 6:12

parte ya yac' sba ta stojol Jehová te jayeb tiempo schapoj te ha nazareo, soc ya yic' tal jcoht tat tuminchij te jun ya'bilal scuenta mahtanil yu'un stahel falta. Te jayebix tiempo te c'axix tale mayuc ta ich'el ta cuenta, como bohlob sc'oblal c'oht te tiempo te parte yac'oj sbahe.