Levítico 3:9 - Bible in Tzeltal Bachajón

⁹ Ta banti te milbil mahtanil scuenta lamal q'uinal, ya ya'be Jehová scuenta chic'bil mahtanil te sjuhp'el, sch'ixil te sne ya yich' set'el ta banti colem tal, te sjuhp'el macal sbiquil a soc te sjuhp'el yutil sch'uht,

Bible in Tzeltal de Oxchuc y Tenejapa

⁹ “Te mach'a ya yac' chambalam te milbil jmajt'an swenta lamal-o'tanile, ya me sc'an ya yac'bon ta jtojol swenta me chic'bil jmajt'an te xepuile, xch'ixil te sne c'alal to ta banti mero loq'uem tel te ya yich' set'ele, te xepuil macal a te sbiquile,

Levítico 3:9 ပူးပေါင်းရင်းမြစ်များ

2 Samuel 6:17

La yotsesic te scaxahul te chapbil-c'op yu'un Jehová ta yawil ta nahilpac' te chahpambil yu'un David. Te David la yac' scohtol chic'bil mahtaniletic soc milbil mahtaniletic scuenta lamal q'uinal ta stojol Jehová.

1 Reyes 3:15

C'alal cux yo'tan te Salomón, la sna' te yac ta wayich. Patil baht ta Jerusalén, la stehc'an sba ta stojol te scaxahul te chapbil-c'op yu'un Jehová soc la yac' scohtol chic'bil mahtaniletic soc mahtaniletic scuenta lamal q'uinal. Soc la spasbe bayel we'elil spisil te a'batetic yu'une.

1 Reyes 8:63

Te Salomón la yac' milbil mahtaniletic scuenta lamal q'uinal ta stojol Jehová cha'pic soc ho'lajunbahc' (22,000) ta coht torohetic soc ho'lajunpic (120,000) ta coht tuminchijetic. Hich te ajwalil soc spisil te snich'nab Israel la yaq'uic ta stojol Dios te na yu'un Jehová.

1 Reyes 8:64

Ha nix ta yorahil a, te ajwalil la sch'ultes te yohlil te amac' te ay ta stojol te sna Jehová, yu'un tey la ya'be a te scohtol chic'bil mahtaniletic soc te mahtanil harina soc te sjuhp'el te mahtanil scuenta lamal q'uinal, como tut te scajtajib smahtan Dios pasbil ta bronce te ay ta stojol Jehová, ma ba och tey a spisil te scohtol chic'bil mahtaniletic, te mahtaniletic harina soc te sjuhp'el te mahtaniletic scuenta lamal q'uinal.

1 Crónicas 16:1

Hich la yich'ic tal te scaxahul te chapbil-c'op yu'un Dios, la yaq'uic ta nahilpac' te tehc'ambil yu'un David. La yaq'uic scohtol chic'bil mahtaniletic soc milbil mahtaniletic scuenta lamal q'uinal ta stojol Dios.

Éxodo 29:22

Ya me awich'be sjuhp'el te tat tuminchij, soc sjuhp'el sne, te sjuhp'el ta sba sbiquil, sjuhp'el sehcub, schebal sriñon soc sjuhp'el, soc te swa'el cub, como ha tat tuminchij scuenta ch'ultesojibal.

Proverbios 23:26

Jnich'an, a'bon awo'tan, ilbon te behetic cu'une.

Isaías 53:10

Pero te Jehová la sc'an te ya yac' ta uts'inel, te ya ya'be swocol. Te c'alal yac'ojix sba scuenta milbil mahtanil yu'un mulil, ya me yil te sts'umbal soc ya me xcuxaj bayel c'ahc'al, soc te bin ya sc'an yo'tan te Jehová ya me xc'oht ta pasel ta scuenta.

Levítico 17:5

scuenta yu'un te snich'nab Israel ya me yiq'uic tal ta stojol Jehová te milbil mahtaniletic te yac yac'belic ta yohl q'uinal, ha ya ya'beyic te sacerdote ta yochibal te Nahilpac' Templo yu'un tahojibal, hich ya ya'beyic smahtanin Jehová te milbil mahtanil yu'un lamal q'uinal.

Levítico 7:3

Ya yich' aq'uel ta mahtanil spisil te sjuhp'el sne, te sjuhp'el macal a te sbiquil,

Levítico 8:25

Patil la yich'be te sjuhp'el, te sne, spisil te sjuhp'el ay ta sbiquil, te sjuhp'el ay ta sba te sehcub, schebal te sriñon soc te sjuhp'el, soc te swa'el ya'.

Levítico 9:19

Soc la ya'beyic te sjuhp'el te toro soc sjuhp'el te tuminchij, te sne, te sjuhp'el macal a te sbiquil, te riñonetic soc te sjuhp'el ay ta sehcub,

Números 7:88

Ta spisil te chambahlametic yu'un mahtanil scuenta lamal q'uinal, ha chaneb scha'winic (24) ta coht torohetic, oxwinic (60) ta coht tat tuminchij, oxwinic (60) ta coht tat tentsun, soc oxwinic (60) ta coht tat tuminchij te jujun ya'bilale. Ha te mahtanil la yich' aq'uel scuenta yaq'uel ta stojol Dios te scajtajib ta chiq'uel mahtanil ta patil te la yich' malel ta aceite scuenta ch'ultesel.

1 Samuel 10:8

Patil ya me xnahilijat cohel cu'un ta Gilgal; ya xtal joquinat ta yaq'uel scohtol chic'bil mahtaniletic soc milbil mahtaniletic scuenta lamal q'uinal. Mahliyawon huqueb c'ahc'al ha to teme ya xc'ohon ta atojol soc ya ca'bat ana' te bin ya sc'an yac apas, xchi.