Levítico 3:2 - Bible in Tzeltal Bachajón

² Ya scajan sc'ab ta sjol te mahtanil yu'une, ya smil ta yochibal Nahilpac' Templo yu'un tahojibal. Te snich'nab Aarón, te sacerdotehetic, ya stsihtsimbeyic sch'ich'el ta sjoyobal ta sba te scajtajib ta chiq'uel mahtanil.

Bible in Tzeltal de Oxchuc y Tenejapa

² Te mach'a ya yac'bon jmajt'an, ya me scajan sc'ab ta sjol te chambalam ya yac'bon jmajt'anin, ya me sbojbey snuc' ta stojol te yochibal Nailpac' te banti ya quich' c'oponele. Jich te sacerdoteetic ya me stsijts'anbeyic xch'ich'el ta sjoyobal ta spat te scajtijib ta chiq'uel jmajt'ane.

Levítico 3:2 ပူးပေါင်းရင်းမြစ်များ

Éxodo 29:10

Patil ya me awic' tal te jcolel toro ta Nahilpac' Templo yu'un tahojibal, te Aarón soc te snich'nab ya me yac' sc'abic ta sjol te jcolel toro.

Éxodo 29:11

Ya me amil te jcolel toro ta stojol Jehová, ta yochibal te Nahilpac' Templo yu'un tahojibal.

Éxodo 29:15

Ha nix hich ya me atsac jcohtuc te tat tuminchij, te Aarón soc te snich'nab ya scajan sc'abic ta sjol te tat tuminchije.

Éxodo 29:16

Ya me amil te tat tuminchij soc ya me atsihtsimbe sch'ich'el ta sjoyobal te scajtajib ta chiq'uel mahtanil.

Éxodo 29:19

Patil ya me atsac te yan tat tuminchij, te Aarón soc te snich'nab ya scajan sc'abic ta sjol te tat tuminchije.

Isaías 53:6

Jpisiltic howiyemotic hich te bin ut'il tuminchijetic, jujutuhl la jt'untic bahel te be cu'untique; pero te Jehová la ya'be scuchbotic jmultic ta jpisiltic.

Levítico 1:11

Ya smil ta stojol norte yu'un te scajtajib ta chiq'uel mahtanil, ta stojol te Jehová. Te snich'nab Aarón, te sacerdotehetic, ya stsihtsimbeyic sch'ich'el ta sjoyobal te scajtajib ta chiq'uel mahtanil.

Levítico 17:3

Mach'ayuc winiquil ta Israel te ya smil scuenta milbil mahtanil jcoht toro, jcolel tuminchij o tentsun ta campamento o ta fuera yu'un te campamento,

Levítico 17:4

teme ma ba ya yic' tal ta yochibal te Nahilpac' Templo yu'un tahojibal scuenta ya'beyel smahtan Jehová ta stojol te nahilpac' yu'un Jehová, la sta smul te winic yu'un te la smal ch'ich'. Ya me yich' loq'uesel ta yohlil te slumal,

Levítico 3:3

Ta banti te milbil mahtanil scuenta lamal q'uinal, ya me ya'be Jehová scuenta chic'bil mahtanil te sjuhp'el macal sbiquil a soc te sjuhp'el ta yutil sch'uht,

Levítico 3:8

Ya scajan sc'ab ta sjol te mahtanil yu'un, ya smil ta stojol te Nahilpac' Templo yu'un tahojibal. Te snich'nab Aarón ya stsihtsimbeyic sch'ich'el ta sjoyobal ta sba te scajtajib ta chiq'uel mahtanil.

Levítico 8:22

Patil te Moisés la yac' ta iq'uel tal te yan tat tuminchij, ha te tat tuminchij scuenta mach'a ya x'a'bot yich' ya'tel. Te Aarón soc te snich'nab la scajan sc'abic ta sjol te tuminchij.

Zacarías 12:10

Ya jmal cohel jun espíritu yu'un yutsil-o'tanil soc yu'un sc'oponel Dios ta stojol te sna David soc te mach'atic nahinemic ta Jerusalén. Ya me yilonic, ho'on te la slowonic, ya me smel yo'tanic hich te bin ya smel yo'tanic yu'un hip jtuhl nich'anil te chame, ya me x'oq'uic yu'un hich te bin ya x'oq'uic yu'un te cham ba-nich'anil.

Números 18:17

Yan te sba-al wacax, tuminchij soc tentsun ma me xajeltay stuquel, yu'un ch'uhltesbilic. Yac atsihtsimbe sch'ich'el ta scajtajib ta chiq'uel mahtanil, soc yac achic'be sjuhp'el scuenta chic'bil mahtanil te sumet yic' ta stojol Jehová.

Hechos 3:15

la amilic te J'ac'-cuxlejal, pero Dios la scha'cuxajtes tal ta yohlil mach'atic chamenic, ho'otcotic testigohotcotic yu'un.

Hechos 3:26

Te c'alal Dios la scha'cuxajtes te a'bat yu'un, ha nahil la sticon tal ta atojolic yu'un ya ya'beyex bendición scuenta yu'un jujutuhl ya yihquitay hilel te schopolile, xchi te Pedro.

2 Corintios 5:21

Te mach'a mayuc smul, a'bot te ha mulil c'oht ta jcuentatic, scuenta yu'un toj ya yilotic Dios ta scuenta.