Levítico 26:4 - Bible in Tzeltal Bachajón

⁴ ya jticombeyex tal ha'al ta yorahil, soc te awal-ts'unubil soc te te'etic ya me yac'ticlan sit.

Bible in Tzeltal de Oxchuc y Tenejapa

⁴ jo'on me ya jticunbeyex tel ta yorail te ja'ale, te lumq'uinal ay me bitic ya yac' sit tey a, soc te te'etic ya me yac' sitic.

Levítico 26:4 ပူးပေါင်းရင်းမြစ်များ

1 Reyes 17:1

Te Elías te talem ta Tisbe, te nahinem ta Galaad, hich la yalbe te Acab: ¡Yiloj Jehová, te Dios yu'un Israel, te yacon ta a'batinel yu'un, ma ba ya xtal ha'al o ts'ujul ta ha'biletic bahel, ha to teme ho'on ya cal! la yut.

Job 5:10

Ha ya yac' tal ha'al ta sba te bahlumilal, ya sticon tal ha' ta q'uinal.

Salmos 104:13

C'alal ta sna ta toyol ya ya'be tal ya'lel te witsiltic; te sit te ya'tel nojel ta lumq'uinal.

Salmos 67:6

Ya me yac' sit te bin ya xcol ta q'uinal; ya me ya'botic bendición te Diose, ha te Dios cu'untique.

Salmos 67:7

Ac'a ya'botic bendición te Diose, soc ac'a ich'otuc ta muc' yu'un spisilic c'alal ta sti'il bahlumilal.

Salmos 68:9

Dios cu'un, la awac' tal bayel ha'al; la awa'be xan yip te q'uinal awu'une.

Salmos 85:12

Te Jehová ya me yac' te bin lec, hich ya sitin te lumq'uinal cu'untique.

Salmos 85:13

Te toj-o'tanil ya xnahilij bahel ta stojol, ya schahpambe te sbe te Diose.

Isaías 30:23

Te Cajwaltic ya yac' tal ha'al ta awawal-ts'unub c'alal yac ats'unic, soc te we'elil ya ya'bat te q'uinal ha bayel soc buhts'an. Ta hich ora te wacaxetic awu'un ya me sta swe'elic ta jamal q'uinal.

Isaías 5:6

Ya cac' te jochol taquin q'uinal ya xc'oht; ma ba ya yich' c'abayel o aq'uintayel, ya xcol ch'ixetic soc ha'maletic tey a. Ya jpas ta mandar te tocaletic te ma me xyaq'uic ha'al ta stojol.

Jeremías 14:22

¿Ay bal loc'ombahetic yu'un te nacionetic te ya xhu' ya yac' tal ha'al? ¿Ya bal sticon tal ha'al te ch'ulchan ta stuquel nax? ¿Ma bal ha'ucat, Jehová, te Diosat cu'untique? Ha'at nax atuquel te yac aticon talel, ha yu'un ya jmahliyatcotic como ha'at yac apas spisil ini.

Ezequiel 36:30

Ya cac' te bayel ya sitin te te'etic soc bintic ts'unticlambil ta q'uinal, scuenta yu'un ma ba yac atahiquix q'uexlal yu'un wi'nal ta yohlil te nacionetique.

Joel 2:22

Ma me xiwex, ha'mal chambahlametic, como ya xyaxubix xan te aquiltic ta jochol taquin q'uinal; ya xcha'ac' xan sit te te'etic, te higuera soc te ts'usubil ya me yac' xan sitic.

Levítico 25:19

Ya me sitin te lumq'uinal, ya xwe'ex ha to c'alal ya xnoj ach'uhtic yu'un, soc jun awo'tanic ya xnahinex tey a.

Levítico 25:21

Ya ca'beyex bendición ta swaquebal ha'bil, te jayeb ya yac' tic' ya xtuhun awu'unic scuenta oxeb ha'bil.

Zacarías 8:12

Yu'un ya yich' ts'umbeyel lamal q'uinal: ya me yac' sit te sts'usubilic, ya sitin te awal-ts'unubil ta q'uinal, soc ya yac' sts'ujulel te ch'ulchan; ya ca'be yu'untayic spisil ini te mach'atic hilemic yu'un te pueblo.

San Mateo 5:45

scuenta yu'un yal-snich'an ya xc'ohex a te Atatic ay ta ch'ulchan, te pajal ya yac' loc'uc tal c'ahc'al ta stojol mach'atic chopol yo'tanic soc ta stojol mach'atic lec yo'tanic, soc pajal ya yac' taluc ha'al ta stojol mach'atic toj yo'tanic soc ta stojol mach'atic ma tojuc yo'tanic.

Hechos 14:17

ma yu'unuc te mayuc testigo yu'un, lec bin ya spas, ha te ya ya'botic tal ha'al ta ch'ulchan soc ya yac' sitinuc awal-ts'unubiletic ta yorahil, hich ya ya'botic jwe'eltic soc stse'elil co'tantic, xchihic.

Deuteronomio 11:13

Teme spisil awo'tanic yac ach'uhunic spasel te mandariletic yacon ta yalel ta atojolic ta ora ini, teme c'ux yac awa'iy ta awo'tanic te Jehová te Dios awu'unic soc te yac awac' abahic ta a'batinel yu'un ta spisil awo'tanic soc ta spisil ach'uhlelic,

Deuteronomio 11:14

ya cac' taluc ha'al ta aq'uinalic ta yorahil, ha te nahil ya xtal soc te patil ya xtale, hich yac atsobe sit a te trigo soc cebada, vino, soc te aceite awu'une.

Deuteronomio 28:12

Te Jehová ya sjambat te yawil lequil c'ulejalil yu'un, ha te ch'ulchan, scuenta yu'un ya yac' tal ha'al ta aq'uinal ta yorahil, soc yu'un ya ya'be bendición spisil te a'tel yac apas. Yac awa'be smajan abiluc bayel nacionetic, pero te ha'ate mayuc bin yac amajambe stuquel.

Santiago 5:7

Quermanotac, junuc me awo'tanic ta smahliyel ha to c'alal ya xtal te Cajwaltique. Ilawil bin ut'il te j'a'tel ta q'uinal ya smahliybe sit te sts'unub yawal, jun yo'tan ya smahliy te sba yahlelan ha'al soc te slajibal syahlel ha'ale.

Apocalipsis 11:6

Te cheb testigohetic ini ay yu'elic yu'un ya smaquic te ch'ulchan scuenta yu'un ma xtal ha'al te jayeb c'ahc'al yacalic ta yalel te sc'op-jalwanej; soc ay yu'elic yu'un sc'atp'unel ta ch'ich' te ha'etic, soc yu'un ya yac' spisil ta chahp jlajinwanej ta bahlumilal, ha chican jayeb buelta ya sc'anic.