Levítico 26:3 - Bible in Tzeltal Bachajón

³ Teme yac at'unic te bintic caloj ta mandar soc teme yac atsahtayic ta pasel te mandariletic cu'une,

Bible in Tzeltal de Oxchuc y Tenejapa

³ “Teme ya ach'uunbonic spasel te mandaliletic cu'une, teme ya apasic ta spisile, soc teme jich ya apasic spisil ora te bit'il ya cale,

Levítico 26:3 ပူးပေါင်းရင်းမြစ်များ

Nehemías 1:9

pero teme ya suhtex tal ta jtojol soc teme yac ach'uhumbonic te mandariletic cu'un, teme yac awaq'uic c'ohtuc ta pasele, aunque ya xpuhquex bahel ta sjehch sti'il ch'ulchan, tey ya jtsobex tal a, ya quiq'uex ta lugar te tsahbil cu'un te banti ya cac' nahinuc te jbihile, te xchihate.

Éxodo 23:25

Ya me awac' abahic ta stojol Jehová te Dios awu'unic, ha ya ya'be bendición te awe'el soc awa'al. Ya jloq'ues chamel ta awohlil,

Isaías 1:19

Teme yac ac'anic soc teme yac ach'uhunique, ya me awe'ic te bintic lec ya xloc' ta q'uinal;

Isaías 30:23

Te Cajwaltic ya yac' tal ha'al ta awawal-ts'unub c'alal yac ats'unic, soc te we'elil ya ya'bat te q'uinal ha bayel soc buhts'an. Ta hich ora te wacaxetic awu'un ya me sta swe'elic ta jamal q'uinal.

Jeremías 11:4

ha te la jcalbe ta mandar te ame'atatic te c'alal la jloq'ueslan tal ta sq'uinal Egipto, ta horno yu'un yuhltesel taq'uin, te hich la jcalbe: Ch'uhumbonic jc'op, pasahic spisil te bintic ya calbeyex ta mandar, hich pueblohex cu'un ya xc'ohex soc ho'on Dioson awu'unic ya xc'ohon.

Levítico 19:25

Pero ta yo'ebal ha'bil ya xhu' yac alo'beyiquix a te site, hich bayel sit ya ya'beyex a. Ho'on, Jehovahon, te Dioson awu'unique.

Zacarías 8:12

Yu'un ya yich' ts'umbeyel lamal q'uinal: ya me yac' sit te sts'usubilic, ya sitin te awal-ts'unubil ta q'uinal, soc ya yac' sts'ujulel te ch'ulchan; ya ca'be yu'untayic spisil ini te mach'atic hilemic yu'un te pueblo.

Malaquías 3:10

Ich'ahic tal spisil te jun ta slajunebal ta yawil, hich me ay we'elil ta jna. Tsajawon awilic a, xchi te Jehová te scuentahinej spisil, ilawil teme ma ba ya jambeyex te ventanahetic ta ch'ulchan soc ya jmal cohel ta atojolic c'ax bayel bendicionetic.

Deuteronomio 7:12

Teme yac awa'iy te bintic halbil ta mandar ini, teme yac acanantay soc yac apase, te Jehová te Dios awu'un ya me yac' c'ohtuc ta pasel ta atojol te chapbil-c'op soc ya ya'bat awil te sc'uxul yo'tan te jc'axel la yalbe ta jamal te ame'atatique.

Apocalipsis 22:14

Bayel me yutsilic te mach'atic ya sac' sc'u' spaq'uic, scuenta yu'un hich ya xhu' ya slo'beyic sit a te te' scuenta cuxlejal soc hich ya xhu' ya x'och bahel ta ti'ts'ahc yu'un te muc'ul pueblo.