Levítico 22:4 - Bible in Tzeltal Bachajón

⁴ Mach'ayuc winiquil te sts'umbal Aarón te yich'oj c'a'el-chamel o ay bin ya xmal loq'uel ta sbaq'uetal, ma me swe' te bin ch'ultesbil ha to c'alal lecubenix a. Te mach'a ya spic te bin chamen, o te winic te mahlem loq'uel snich'an,

Bible in Tzeltal de Oxchuc y Tenejapa

⁴ “Te patil alnich'anetic yu'un Aarón ma me xju' ya swe'ic te bila ch'ultesbil teme ay ta c'a'el-chamel, soc teme ay bila ya xmal loq'uel ta sjol sbaq'uetale. Ja' to teme la yich'ix lecubtesel sc'oplale, ja' to me ya xju' ya swe' a. “Te mach'a ya spic te bila ma lecuc sc'oplal ta scaj te animae, teme ya spic te mach'a ay bila mal loq'uel ta sjol sbaq'uetal,

Levítico 22:4 ပူးပေါင်းရင်းမြစ်များ

Levítico 11:39

Teme ay ya xcham chambahlametic te lec ta we'el, teme ay mach'a ya spicbe te sbaq'uetal, ma me lecuc sc'oblal ya xhil c'alal ta yihc'ubel q'uinal.

Levítico 15:17

Biluc c'u'ulil o nuhcul te banti c'oht te snich'an ya me yich' saq'uel ta ha', soc bohloben sc'oblal ya xhil c'alal yihc'ubel q'uinal.

Levítico 2:10

Te jayeb ya xhil yu'un te mahtanil, ha yu'un Aarón soc te snich'nabe. Ha te bin mero ch'ultesbil yu'un te mahtaniletic ya yich'ic chiq'uel ta stojol Jehová.

Levítico 2:3

Te jayeb ya xhil yu'un te mahtanil, ha yu'un Aarón soc te snich'nabe, ha mero ch'ultesbil mahtanil te ya yich' chiq'uel ta stojol Jehová.

Levítico 21:1

Te Jehová la yalbe te Moisés: Halbeya te sacerdotehetic, ha te snich'nab Aarón, te ma ba ya sbohlobtes sbahic ta scaj te ay jtuhl slumal te cham.

Levítico 21:22

Ya xhu' ya swe' te we'elil yu'un Dios, te bin mero ch'ultesbil soc te bintic ch'ultesbile.

Hageo 2:13

Hich la yal te Hageo: Teme ay mach'a bohloben sc'oblal ta scaj spiquel chamen baq'uet, teme ay ya spic biluc we'elil ini, ¿ya bal xbohlob sc'oblal yu'un? xchi. Ya xbohlob sc'oblal, xchihic te sacerdotehetique.

Números 18:19

Spisil te ch'ul mahtaniletic ya ya'beyic Jehová te snich'nab Israel la jca'bat ha'at soc te ach'iex-queremetic awu'un scuenta mandaril te ma xlaj sc'oblal. Ha chapbil-c'op yu'un ats'am te ma xlaj sc'oblal ta stojol Jehová te ha awu'un soc yu'un ats'umbal, xchi te Jehová.

Números 18:9

Ha awu'un ya xc'oht te mahtanil yu'un te bintic ch'ultesbil te ma ba ya xlaj ta chiq'uel, spisil te mahtaniletic ya yaq'uic, ha te mahtanil harina, te mahtaniletic yu'un stojel mulil, soc mahtaniletic yu'un stahel falta, ha mero ch'ultesbil awu'un soc anich'nab ya xc'oht.

Números 19:20

Te mach'a bohloben sc'oblal te ma ba la slecubtes sba, ya me yich' loq'uesel ta yohlil te pueblo, yu'un la sbohlobtesbe sc'oblal te ch'ul awilal yu'un Jehová; bohloben me sc'oblal ta scaj te ma ba tsihtsinot ta ha' scuenta lecubtesel.