Levítico 2:13 - Bible in Tzeltal Bachajón

¹³ Ya me awa'be yats'amul spisil te mahtanil harina yac awac'; ma me ayuc bin ora ya spas falta ta mahtanil awu'un te ats'am yu'un te chapbil-c'op yu'un te Dios awu'une. Ta spisil te mahtaniletic awu'un ya me awa'be yats'amul.

Bible in Tzeltal de Oxchuc y Tenejapa

¹³ “Ta spisil te jmajt'an harina awu'unique, ya me awac'bey yats'amul. Te harina ya awac'bon jmajt'anin, ma me ayuc bi ora te ya spas falta te ats'am swenta trato yu'un te Dios awu'une. Ta spisil te jmajt'an ya awaq'ue, ya me awac'bey yats'amul ta puersa.

Levítico 2:13 ပူးပေါင်းရင်းမြစ်များ

Ezequiel 43:24

Ya me awac' ta stojol Jehová, te sacerdotehetic ya ya'beyic ats'am soc ya yaq'uic scuenta scohtol chic'bil mahtanil ta stojol Jehová.

San Mateo 5:13

Ha'ex yats'amulex te bahlumilal; pero teme laj schi'il te ats'am, ¿bin ut'il c'an chi'ubuc xan? Mayuc bin ya xtuhunix a, ha xanix ya yich' ch'ojel loq'uel soc ya yich' ts'o'el ta teq'uel yu'un ants-winiquetic.

Colosenses 4:6

Bayeluc me yutsil ac'opic ya xc'opojex, ayuc me yats'amul, scuenta yu'un yac ana'ic bin ut'il yac ajac'beyic sc'opic ta jujutuhl.

2 Crónicas 13:5

¿Yu'un bal ma ba yac ana'ic te Jehová te Dios yu'un Israel la ya'be ya'tel ta ajwalil te David soc te sts'umbal ta stojol Israel sbahtel q'uinal ta scuenta chapbil-c'op te ma xhu' ta ch'ayel?

Números 18:19

Spisil te ch'ul mahtaniletic ya ya'beyic Jehová te snich'nab Israel la jca'bat ha'at soc te ach'iex-queremetic awu'un scuenta mandaril te ma xlaj sc'oblal. Ha chapbil-c'op yu'un ats'am te ma xlaj sc'oblal ta stojol Jehová te ha awu'un soc yu'un ats'umbal, xchi te Jehová.

Esdras 7:22

ha to c'alal ho'winic (100) talento plata, ho'winic (100) coro trigo, ho'winic (100) bato vino, ho'winic (100) bato aceite, soc ats'am te ma ba p'isbil.

Éxodo 30:35

ya me apas ta pom te sumet yic', capbil ta lec, hich te bin ut'il mach'a ya sna' spasel perfume, mayuc ya'baquil, soc ch'ultesbil.