Levítico 2:12 - Bible in Tzeltal Bachajón

¹² Ya xhu' yac awa'beyic smahtanin Jehová scuenta sba sit, pero ma me xachiq'uic ta scajtajib ta chiq'uel mahtanil scuenta sumet yic'.

Bible in Tzeltal de Oxchuc y Tenejapa

¹² Ya xju' ya awac'bonic jmajt'anin levadura soc chab swenta sba sit awawal-ats'unubic, pero ma me xachiq'uic ta scajtijib jmajt'an swenta bujts'an yic' ta jtojol jo'on te Ajwalilone.

Levítico 2:12 ပူးပေါင်းရင်းမြစ်များ

Génesis 23:17

Ha yu'un te sq'uinal Efrón te ay ta Macpela, ta stojol banti ya xloc' tal c'ahc'al yu'un Mamre, te q'uinal soc te ch'en tey ay a, soc spisil te'etic tey ayic a,

2 Crónicas 31:5

C'alal puhc bahel te mandar ini, te snich'nab Israel la yaq'uic bayel sba sit trigo, vino, aceite, chab, soc spisil te sit awal-ts'unubiletic. Soc bayel la yich'ic tal te jun ta slajunebal ta spisil bintic ay yu'unique.

Éxodo 22:29

Ma me patiluc yac awa'bon jmahtanin te sit ats'unub-awawal soc te ya'lel ats'usub. Ya me awa'bon te ba-alal querem awu'une.

Éxodo 23:19

Te banti mero lec te sba sit ya yac' te aq'uinal ya me awich' tal ta sna Jehová te Dios awu'une. Ma me xapay alal tentsun ta ya'lel schu' te sme'e.

Éxodo 34:22

Soc ya me apas te Q'uin yu'un te Semanahetic, ha te sba sit te trigo, soc te Q'uin yu'un C'ajoj te ay ta slajel te ha'bile.

Levítico 23:10

Halbeya te snich'nab Israel: Te c'alal ya x'ochex bahel ta q'uinal te ya ca'beyex, te c'alal yac awa'iyic c'ajoj, ya me awich'be tal ta stojol sacerdote te sba tohmol yu'un te ac'ajoje.

Levítico 23:17

Ta banti anahic yac awich'ic tal cha'pehch pan pasbil ta cheb ta slajunebal efa lequil harina, ta'ajtesbil soc levadura, scuenta mahtanil sba sit ta stojol Jehová.

Levítico 7:13

Ta milbil mahtanil ya yich' aq'uel scuenta lamal q'uinal soc yalel wocol ya me awac' sjoquin pimil pan te yich'oj levadura.

Números 15:20

Ta banti te shahchibal te harina yac awots'ic, ya me awaq'uic jun pimil pan; ha yac awac' scuenta mahtanil yu'un te sq'uiyojibal trigo.

Números 18:12

Spisil te lequil aceite, lequil vino, trigo soc te sba sit te ya ya'beyic Jehová, ho'on la jca'bat.

1 Corintios 15:20

Pero cha'cuxajemix tal Cristo ta yohlil mach'atic chamenic, ha sba sit c'ohem yu'un te mach'atic wayem sbaq'uetalique.

Deuteronomio 26:10

Yo'tic, Jehová, la jquich' tal te sba sit te jts'unub-cawal te loc' tal ta q'uinal la awa'bon, xchihat. Ya me apahchambe ta stojol Jehová te Dios awu'un soc ya me aquejan aba ta stojol.

Apocalipsis 14:4

Ha'ic te ma ba la sbohlobtes sc'oblalic ta scuenta antsetic, yu'un la stsahtay sbahic. Ha'ic te ya st'unic ta bayuc ya xbaht te Jcolel Tuminchij. Mambil scolelic ta yohlil ants-winiquetic scuenta sba sit ya xc'oht ta stojol Dios soc ta stojol te Jcolel Tuminchij.