Levítico 2:1 - Bible in Tzeltal Bachajón

¹ Teme ay mach'a ya ya'be smahtanin harina te Jehová, ya me yac' lequil harina; ya ya'be aceite soc pom ta sba,

Bible in Tzeltal de Oxchuc y Tenejapa

¹ “Teme ay mach'a ya yich'bon tel jmajt'anin harina jo'on te Ajwalilon, ya me sc'an te ja' ya yich' tel harina te mero lec, soc ya me yac'bey aceite soc pom ta sba.

Levítico 2:1 ပူးပေါင်းရင်းမြစ်များ

Éxodo 29:2

soc ich'a panetic te ma ba yich'oj levadura, pimil pan te ma ba yich'oj levadura te wots'bil soc aceite, soc jayal pan te ma ba yich'oj levadura te jaxbil ta aceite; ya me apasticlan ta lequil harina yu'un trigo.

Isaías 43:23

Ma ba la awic'bon tal tuminchijetic scuenta scohtol chic'bil mahtaniletic, ma ba la awich'on ta muc' a te ta chic'bil mahtaniletic awu'une. Ma ba la jcuts'inat yu'un sc'anel mahtaniletic soc ma ba la jluhbtesat yu'un sc'anel pom.

Isaías 66:20

Ya me yiq'uic tal spisil te awermanotac ta bayuc ta nacionetic scuenta mahtanil ta stojol Jehová ta ch'ul wits cu'un; ya xtalic ta cawuhetic, carretahetic, sillahetic te q'uechbilic, ta mula soc camellohetic, xchi te Jehová. Ya me yiq'uic tal hich te bin ut'il te israeletic ya yich'ic tal mahtaniletic yu'un harina ta pocticlambil yawiletic ta sna te Jehová.

Ezequiel 46:20

Hich la yalbon: Ha te banti te sacerdotehetic ya sta'ajtesic te mahtanil yu'un stahel falta soc te mahtanil yu'un stojel mulil; soc tey ya spayic a te mahtanil harina, scuenta yu'un ma ba ya yich' loq'uesel bahel ta shahchibal amac', te hich ya yich' ch'ultesel a te ants-winiquetique, xchi.

Joel 1:9

Ch'ay bahel ta sna Jehová te mahtanil harina soc te malbil mahtanil; te sacerdotehetic te ya x'a'tejic ta stojol Jehová ayic ta mel-o'tan.

Joel 2:14

¡Ya wan suht sc'op soc ya wan yac' hilel bendición: ha te mahtanil harina soc malbil mahtanil yu'un Jehová, te Dios awu'unique!

Levítico 14:10

Ta swaxaquebal c'ahc'al ya me stsac cha'coht jcolel tat tuminchijetic te mayuc bin jihnem yu'unic, jcoht jcolel yantsilel tuminchij te jun ya'bilal te mayuc bin jihnem yu'un, oxeb ta slajunebal efa lequil harina wots'bil ta aceite scuenta mahtanil, soc jun log aceite.

Levítico 24:7

Soc yac awa'be lequil pom ta jujuchohl, te ha ya sjoquin te pan scuenta sna'ojibal yu'un mahtanil ya yich' chiq'uel ta stojol Jehová.

Levítico 5:11

Teme ma xhu' yu'un te cheb xpuliwoc o cheb jcolel stsuhmut, ya me yich' tal scuenta mahtanil yu'un te smul stahoj jun ta slajunebal efa lequil harina; ma ba ya ya'be aceite soc ma ba ya ya'be pom ta sba, como ha milbil mahtanil yu'un stojel mulil.

Levítico 6:7

Te sacerdote hich ya spasbe te stojel mulil yu'un ta stojol Jehová, hich ya sta perdón yu'un te biluc mulil te la sta falta yu'une, xchi te Jehová.

Levítico 9:17

Soc la yac' te mahtanil harina, la sjohp johp ta sc'ab, la schic' ta scajtajib ta chiq'uel mahtanil soc te scohtol chic'bil mahtaniletic scuenta sacubel q'uinal.

Levítico 9:4

soc jcoht toro soc jcoht tat tuminchij scuenta milbil mahtanil yu'un lamal q'uinal, te yac amilic ta stojol Jehová, soc ich'ahic tal mahtanil harina wots'bil ta aceite, como ya xchicnaj ta atojolic yo'tic te Jehová, xchi.

Malaquías 1:11

Como c'alal banti ya xloc' tal c'ahc'al c'alal banti ya xmahl c'ahc'al muc' te jbihil ta yohlil te nacionetique, ta bayuc ya yich' chiq'uel pom ta scuenta jbihil soc ya yich' aq'uel mahtaniletic te mayuc yabacul. Muc' te jbihil ta yohlil te nacionetic, xchi te Jehová te scuentahinej spisil.

Números 18:9

Ha awu'un ya xc'oht te mahtanil yu'un te bintic ch'ultesbil te ma ba ya xlaj ta chiq'uel, spisil te mahtaniletic ya yaq'uic, ha te mahtanil harina, te mahtaniletic yu'un stojel mulil, soc mahtaniletic yu'un stahel falta, ha mero ch'ultesbil awu'un soc anich'nab ya xc'oht.

Números 28:5

soc jun ta slajunebal efa lequil harina wots'bil soc jun ta schanebal hin aceite yu'un pits'bil oliva.

Números 29:18

soc te mahtanil harina soc malbil mahtanil te ya sjoquin te jcolel torohetic, tat tuminchijetic, soc jcolel tuminchijetic hich te bin ut'il jayeb halbil ta mandaril;

Números 7:13

Te smahtan, ha jun plato pasbil ta plata te lajuneb shucwinic (130) siclo yalal; jun jarra pasbil ta plata te lajuneb schanwinic (70) siclo yalal, ha te siclo yu'un te ch'ul awilal, schebal nojelic ta lequil harina wots'bil soc aceite scuenta mahtanil harina;

Números 7:19

La yac' jun plato pasbil ta plata, lajuneb shucwinic (130) siclo yalal; jun jarra pasbil ta plata, lajuneb schanwinic (70) siclo yalal, ha te siclo yu'un te ch'ul awilal, schebal nojelic ta lequil harina wots'bil soc aceite scuenta mahtanil harina;

Números 8:8

Patil ya me yiq'uic tal jcoht jcolel toro soc mahtanil harina wots'bil ta aceite; soc ha'at yac awic' tal jcoht xan jcolel toro scuenta mahtanil yu'un stojel mulil.

San Juan 6:35

Halbotic yu'un Jesús: Ho'on te panon scuenta cuxlejal. Te mach'a ya xtal ta jtojol, mayuc bin ora ya xwi'najix, soc te mach'a ya sch'uhunon, mayuc bin ora ya xtaquijix yo'tan.

1 Juan 2:20

Yan te ha'exe, la awich'iquix malel yu'un te Ch'ul Espíritu, hich apisilic yac ana'ic te bintic smelelil.

1 Juan 2:27

Pero te malel yu'un te Espíritu te awich'ojic ya xhil ta atojolic, ma fuersahuc te ay mach'a ya snohptesex. Te malel yu'un te Espíritu te awich'ojic ya ya'beyex anopic spisil, soc smelelil te malel, ma lotiluc, ha yu'un jc'axel ayinanic ta stojol Cristo, hich te bin ut'il ya'beyejex anopique.

Judas 1:20

Yan te ha'ex te c'uxex ta co'tan, ac'a yipin awo'tanic te sch'uhunel awo'tanic te mero ch'ultesbil; c'oponahic Dios ta scuenta te Ch'ul Espíritu,

Apocalipsis 8:3

Soc ay yan ch'ul a'bat tal stehc'an sba ta sts'ehl te scajtajib ta chiq'uel pom, yich'oj schic'ojibal pom pasbil ta oro. A'bot bayel pom yu'un ya scap soc te bintic ya yalic ta sc'oponel Dios spisil te mach'atic ch'uhltesbilic, yu'un ya yac' ta scajtajib ta chiq'uel pom pasbil ta oro te snuhp'usitayej sba soc te muc'ul-huctajibale.