Levítico 18:9 - Bible in Tzeltal Bachajón

⁹ Ma me xwayat soc awix o awihts'in, teme yantsil-nich'an atat o yantsil-al anan, teme ayinem ta ana o ayinem ta yan lugar, ma me xwayat soc.

Bible in Tzeltal de Oxchuc y Tenejapa

⁹ “Ma me xwayat soc awix soc awijts'in-ach'ix, manchuc me awix awijts'in ta swenta te atate, o ta swenta te ame'e, manchuc me ay ta ana, manchuc ainem ta yan parte, pero ma me xju' jich ya apasbey.

Levítico 18:9 ပူးပေါင်းရင်းမြစ်များ

Ezequiel 22:11

Ay mach'atic la spasic te bin ilobtic sba soc te yihnam spat-xuhc, ay mach'atic la yantsin yalib te mero q'uexlaltic sba, ay mach'a la yuts'in te yihts'in, ha te yantsil-nich'an te state.

Levítico 18:10

Ma me xwayat soc te yantsil-nich'an te aquerem-nich'an o te yantsil-al te awantsil-nich'an, como ha'at nix yac abohlobtes ac'oblal a.

Levítico 18:11

Ma me xwayat soc te yantsil-al te yihnam atat, te ha nix yantsil-nich'an te atate, como ha nix awihts'in.

Levítico 20:17

Teme ay winic ya yic' yihnamin swix o yihts'in, teme yantsil-nich'an stat o yantsil-al snan, teme la sjoquin sbahic ta wayel, mero q'uexlaltic sba; ha yu'un ya me yich'ic milel ta stojol te slumale; ha way soc swix o yihts'in, ya me scuch te smule.

Deuteronomio 27:22

Chopol sc'oblal te mach'a ya xway soc swix o yihts'in, teme ha yantsil-nich'an stat o ha yantsil-al snan, xchihic. Hichuc, xchihic me spisil te pueblo.