Levítico 15:5 - Bible in Tzeltal Bachajón

⁵ Mach'ayuc a te ya spicbe swayib ya me sac' sc'u' spac' soc ya me x'atin; bohloben sc'oblal ya xhil c'alal yihc'ubel q'uinal.

Bible in Tzeltal de Oxchuc y Tenejapa

⁵ “Mach'auc a te ya spic te banti way te winique, ya me sc'an te ya sac' te sc'u'-spaq'ue, soc ya me spoc sba ta ja', soc ma ba lec sc'oplal ya xjil c'alal yijc'ubel q'uinal.

Levítico 15:5 ပူးပေါင်းရင်းမြစ်များ

Salmos 26:6

Ya jpoc jc'ab ta scuenta te mayuc jmul, hich ya xbehenon ta sjoyobal te scajtajib ta chiq'uel mahtanil awu'un, Jehová,

Salmos 51:2

¡Pocbon loq'uel spisil te bin chopol jpasoj, lecubtesawon yu'un te jmule!

Salmos 51:7

Pocawon ta hisopo, hich pocbil ya xc'ohon a; pocawon, yu'un c'ax hich sac ya xc'ohon a te bin ut'il me'sic.

Éxodo 19:10

hich halbot yu'un te Jehová: Bahan ta stojol te pueblo, ch'ultesa yo'tic soc pajel; soc ac'a sac' sc'u'-spaq'uic

Isaías 1:16

Poca abahic, lecubtesa abahic, loq'uesa bahel ta jsit te chopol awa'telic; ihquitayahic hilel spasel te bin ma lecuc,

Isaías 22:14

Te Jehová te scuentahinej spisil, hich la yalbon ca'iy: Ma ba ya xpasbotex perdón yu'un te mulil ini, ha to c'alal ya xchamex, xchi te Jehová te scuentahinej spisil.

Ezequiel 36:25

Ya jtsihtsinex ta lequil ha', hich pocbil ya xc'ohex yu'un spisil abohlilic, soc ya jpocbeyex ta spisil te loc'ombahetic awu'unique.

Ezequiel 36:29

Ya caq'uex ta libre yu'un spisil te bintic chopol ay awu'unic. Ya quic' tal te trigo soc ya cac' p'ohluc, ma ba ya cac' te ya xc'axix awocolic ta wi'nal.

Levítico 11:24

Ha ini te ya xbohlob ac'oblalic yu'un: Mach'ayuc a te ya spic te schamen baq'uet yu'un te chambahlametic ini ma me lecuc sc'oblal ya xhil yu'un c'alal ta yihc'ubel q'uinal.

Levítico 11:25

Mach'ayuc a te ya yich' bahel te schamen baq'uetalic ya me sac' sc'u' spac' soc ma me lecuc sc'oblal ya xhil c'alal ta yihc'ubel q'uinal.

Levítico 11:28

Te mach'a ya yich' bahel te schamen baq'uetal, ya me sac' sc'u' spac' soc ma me lecuc sc'oblal ya xhil c'alal ta yihc'ubel q'uinal. Ma me lecuc sc'oblal awu'unic.

Levítico 11:32

Soc bohloben sc'oblal ya xhil spisil biluquetic teme ay chamen ya xch'ayic cohel tal ta sba, aunque pasbil ta te', c'u'ul, nuhcul, costal, o biluc a'tejibalul yu'un a'tel, ya me yich' otsesel ta ha', ma me lecuc sc'oblal ya xhil c'alal ta yihc'ubel q'uinal, hich me lecubenix sc'oblal ya xhil a.

Levítico 13:34

Ta shuquebal c'ahc'al te sacerdote ya me stsahtay xan yil ta lec te c'ahc'al chin; teme ma ba puhquem ta snuhculel soc teme ma ba lohmajem cohel yu'un te snuhculel, te sacerdote ya yal te lequix ay sc'oblal; ya me sac' sc'u' spac', hich me lec sc'oblal ya xhilix a.

Levítico 13:6

Ta shuquebal c'ahc'al te sacerdote ya me stsahtay xan yil ta lec; teme yac ta c'un ch'ayel bahel te c'a'ele, soc teme ma ba puhquem bahel ta snuhculel, ya me yal te lequix ay, ha nax schinuben; te jchamel ya me sac' sc'u' spac', hich lec sc'oblal ya xhil.

Levítico 14:27

soc ta yal swa'el-c'ab ya stsihtsin ta stojol Jehová huqueb buelta te aceite ay ta stahn sc'abe.

Levítico 15:18

Te c'alal ya sjoquin sbahic ta wayel te winic soc ants, teme loc' te snich'an, ya me x'atinic, bohloben sc'oblal ya xhilic c'alal yihc'ubel q'uinal.

Levítico 15:4

Bayuc banti ya xway te mach'a ay bin ya xmal yu'une, bohloben sc'oblal ya xhil; soc bayuc a te banti ya xhuhcaj, bohloben sc'oblal ya xhil yu'un.

Levítico 15:6

Mach'ayuc a te ya xhuhcaj ta banti huhcaj te mach'a ay bin ya xmal yu'une, ya me sac' sc'u' spac' soc ya me x'atin; bohloben sc'oblal ya xhil c'alal yihc'ubel q'uinal.

Levítico 16:26

Te mach'a c'oht scoltay bahel ta stojol Azazel te tentsun, ya me sac' sc'u' spac' soc ya me x'atin; patil ya xhu' ya x'och tal ta campamento.

Levítico 16:28

Te mach'a ya schic' ya sc'an ya sac' sc'u' spac' soc ya x'atin, patil ya xhu' ya x'och tal ta campamento.

Levítico 17:15

Mach'ayuc a, teme ha nix slumal o jyanlum, teme ya swe'be sbaq'uetal chamen chambahlam o te ixtalambil yu'un ti'awal chambahlam, ya me sac' sc'u' spac' soc ya me x'atin, bohloben sc'oblal ya xhil c'alal ta yihc'ubel q'uinal; patil lec sc'oblal ya xhil.

Números 19:10

Te mach'a la sjopbe stanul te wacax, ya me sac' sc'u', soc bohloben sc'oblal ya xhil c'alal ta yihc'ubel q'uinal. Ha mandaril te ma xlaj sc'oblal yu'un te snich'nab Israel soc te jyanlum te nahinem ta yohlilic.

Números 19:22

Spisil te bin ya spic te mach'a bohloben sc'oblal, ya xbohlob sc'oblal. Te mach'a ya spic, bohloben sc'oblal ya xhil c'alal ta yihc'ubel q'uinal, xchi te Jehová.

Hebreos 10:22

Ha yu'un jun co'tantic ac'a nohpojucotic bahel ta stojol Dios soc lec sch'uhunel co'tantic, pocbiluc me loq'uel spisil sbohlil co'tantic soc pocbiluc ta lequil ha' te jbaq'uetaltique.

Hebreos 9:14

¿ha'uc to balix a te sch'ich'el te Cristo, te ha ta scuenta te Espíritu sbahtel q'uinal ay la yac' sba ta lajel ta stojol Dios scuenta milbil mahtanil te mayuc bin jihnem, ya spocbeyex awo'tanic yu'un awa'telic scuenta lajel, scuenta yu'un yac awac' abahic ta a'batinel ta stojol te cuxul Diose?

Hebreos 9:26

Te hichuque, la sc'an te bayel buelta ya xc'ax swocol te Cristo yalel c'alal ta shahchibal to tal bahlumilal. Pero yo'tic te slajibalix ha'biletic, jmehl nax xtaluc yac' sba ta lajel ta sch'ayel mulil.

Santiago 4:8

Nohpojanic ta stojol Dios, hich ya xnohpoj ta atojolic. Jmulawiletic, poca ac'abic; soc ha'ex te cheb awo'tanique, poca awo'tanic.

Apocalipsis 7:14

La jcalbe: Tatil, ha'at yac ana', la jcut. Hich la yalbon: Ha'ic ini te c'axem yu'unic te tulan uts'inel; sac'ojiquix sc'u' spaq'uic, ha la sacubtesic te ta sch'ich'el te Jcolel Tuminchij.

1 Samuel 20:26

Pero mayuc bin la yal te Saúl ta yorahil, como la yal ta yo'tan: Ay wan bin la spas te ma ba lec sc'oblal yu'un; ma to ba slecubtesej sba, xchi.