Levítico 14:3 - Bible in Tzeltal Bachajón

³ te ha ya xloc' bahel ta campamento, tey ya xc'oht stsahtay yil ta lec a. Teme ya yil te ch'ayemix te sc'a'el te yich'oje,

Bible in Tzeltal de Oxchuc y Tenejapa

³ Te sacerdote ya me xloc' bael ta campamento, tey me ya xc'o stsajtay yil ta lec a. Teme ya yil te sacerdote te ch'ayemix te chamel yich'oje,

Levítico 14:3 ပူးပေါင်းရင်းမြစ်များ

2 Reyes 5:14

Ha yu'un co bahel te Naamán, la smul sba huqueb buelta ta muc'ul-ha' Jordán, hich te bin ut'il yaloj te winic yu'un Dios. Lecub te sbaq'uetal, hich c'oht te bin ut'il sbaq'uetal alal, mero lec hilel.

2 Reyes 5:3

Te ach'ix hich la yalbe te yajwal: Te yacuc xbaht ta stojol te jalwanej te ay ta Samaria te cajwal, ya xch'aybot te sc'a'el-chamel yu'un te hichuque, xchi.

Job 5:18

Como ha nix te mach'a ya yac' ehchen, soc ha nix te ya spots; ya yehchentes, ha nix ya spoxtay ta sc'ab.

Éxodo 15:26

hich la yal: Teme yac awa'iybe ta lec te sc'op Jehová te Dios awu'unic, teme yac apas te bin toj ta pasel ta stojol, teme yac awich' ta cuenta te mandariletic yu'un soc teme yac ach'uhun spasel spisil te chahpambil mandariletic yu'une, ma ba ya ca'bat junuc te chamel te la jca'be te egipciohetic, como ho'on Jehovahon te jpoxtaywanejon awu'unic, xchi.

Levítico 13:2

Teme ay mach'a ay bin siht'em ta snuhculel, o ay chin o saclep'lep', te hich yilel te bin ut'il c'a'el-chamel, ya me yich' iq'uel bahel ta stojol te sacerdote Aarón o te snich'nab ay ta sacerdotehil.

Levítico 13:46

Te jayeb c'ahc'al yich'oj te c'a'ele, bohloben sc'oblal ya xhil. Stuquel ya xnahin ta fuera yu'un te campamento.

Levítico 14:48

Yan teme ya x'och bahel te sacerdote ta stsahtayel yil ta lec, teme ya yil te ma ba puhquemix bahel te c'alal yich'ojix yach'il spahc'ul, ya yal te lequix ay te nahe, como ch'ayix te stotol ya xlajinwane.

San Mateo 10:8

Ya me alecubteslanic jchameletic soc jc'a'el-chameletic, ya me acha'cuxajtesic mach'a chamenic, soc ya me aloq'ueslanic pucujetic. Ta mahtanil la awich'ic, hich ni me ta mahtanil yac awaq'uic.

San Mateo 11:5

Ya yiliquix q'uinal te ts'o'sitetic, ya xbeheniquix te coxo'etic, lecubtesbiliquix te jc'a'el-chameletic, ya ya'iyiquix q'uinal te cohquetic, la yich'iquix cha'cuxajtesel mach'atic chamenic, soc yaquix ta halbeyel ya'iy te lec yach'il c'op te pobrehetique.

San Lucas 4:27

Soc ay tsobol jc'a'el-chameletic ta Israel c'alal cuxul a te jalwanej Eliseo, pero mayuc mach'a lecubtesot yu'un, ha nax te Naamán te talem ta Siria, xchi.

San Lucas 7:22

Hich halbotic yu'un te Jesús: Bahanic, a'beyahic sna' te Juan te bintic la awilic soc te la awa'iyique: ha te ya yiliquix q'uinal ts'o'sitetic, ya xbeheniquix coxo'etic, ya yich'iquix lecubtesel jc'a'el-chameletic, ya ya'iyiquix q'uinal cohquetic, ya yich'ic cuxajtesel mach'atic chamenic soc yaquix ta halbeyel ya'iyic te lec yach'il c'op te pobrehetique.