Levítico 10:3 - Bible in Tzeltal Bachajón

³ Ha yu'un te Moisés la yalbe te Aarón: Hich ay te bin yaloj te Jehová: Te mach'atic ya xnohpojic ta jtojol, ya ca'be yil te ho'on Ch'ul Dioson; ta stojol spisil te pueblo ya me x'ich'oton ta muc', xchi. Mayuc bin la yal yu'un te Aarón.

Bible in Tzeltal de Oxchuc y Tenejapa

³ Patil te Moisés jich la yalbey te Aarón: —Ja' ay ta yo'tan Cajwaltic te c'alal jich la yale: “Te mach'atic ya xnoptsajic ta jtojol, ya me cac'bey yilic te jo'on te Ch'ul Diosone; ta spisil te israeletic ya me cac'bey yilic te xojobil cutsilale”, te xie —la yut. Te Aarón, ma ba c'opoj yu'un.

Levítico 10:3 ပူးပေါင်းရင်းမြစ်များ

Génesis 18:25

Ma hichuc ay ta pasel awu'un te pajal yac awac' lajuc soc te mach'a chopol yo'tan te mach'a toj yo'tan, te pajal bin ya xc'oht ta stojol te mach'a toj yo'tan soc te mach'a chopol yo'tan. ¡Mayuc bin ora te hich yac apas! Te Jchahpanwanej yu'un swohlol te bahlumilal ¿ma bal ha'uc ya spas te bin toj ta pasele? xchi.

Job 2:10

La yal te Job: Pajal ya xc'opojat soc antsetic te ma sna'ic q'uinal. Teme ya quich'tic te bintic lec yu'un Dios, ¿ma bal ha'uc nix hich ya quich'tic te bintic ma lecuc? xchi. Ta spisil ini ma ba la sta smul te Job yu'un te bin la yal.

Salmos 119:120

Te jbaq'uetal ya xnihc yu'un xiwel ta atojol; ya quich' ta muc' te bin chapal awu'une.

Salmos 148:14

Ha stoybeyej yip te pueblo yu'une; ¡halbeyahic yutsil sc'oblal spisil mach'atic yu'un te ch'uhltesbilic, ha te snich'nab Israel, te pueblo te nopol ay ta stojol! ¡Aleluya!

Salmos 39:10

Loq'uesa ta jtojol te jwocol awu'une; lajemonix yu'un te majel yu'un te ac'abe.

Salmos 39:9

Ch'abon, ma ba la jam que, como ha'at la apas ini.

Salmos 46:10

Lahmana me abahic, na'ahic me te ho'on Dioson; ya me xtohy jc'oblal ta yohlil te nacionetic, ya me xtohy jc'oblal ta bahlumilal, xchi te Diose.

Salmos 89:7

Ay ta xi'el te Dios ta muc'ul tsoblej yu'un mach'atic ch'uhltesbilic; c'ax hich smuc'ul yu'el a te bin ut'il spisil te mach'atic ayic ta sjoyobal.

Salmos 93:5

Te halbil mandariletic awu'un ma xch'ayic; ha mero yu'un Ana te sbahtel q'uinal ch'ultesbil, Jehová.

Éxodo 14:17

Ya jtulanubtesbe yo'tanic te egipciohetic yu'un ya snutsex; hich ya jtohytes jc'oblal ta scuenta faraón soc spisil te soldadohetic, te carretahetic soc cawuhetic yu'un.

Éxodo 14:4

Ya jtulanubtesbe yo'tan te faraón yu'un ya snutsex. Ya xtohy jc'oblal ta scuenta faraón soc spisil te soldadohetic yu'un, soc ya me sna'ic te egipciohetic te ho'on Jehovahon, xchi. Hich la spasic.

Éxodo 19:22

Soc ac'a sch'ultes sbahic te sacerdotehetic te ya xnohpojic tal ta stojol te Jehová scuenta yu'un ma ba ya xlajinotic yu'un, xchi.

Éxodo 19:24

Pero hich halbot yu'un Jehová: Bahan, cohan bahel, ya me xtalat soc Aarón; yan te sacerdotehetic soc te pueblo ma me xc'axic ta seña sti'il yu'un ya xmohic tal ta stojol Jehová, scuenta yu'un ma ba ya xlajinot yu'un, xchi.

Éxodo 30:30

Ya me amal ta aceite te Aarón soc te snich'nab, a'beya yich' ya'telic scuenta yu'un sacerdotehetic cu'un ya xc'ohtic.

Isaías 39:8

Te Ezequías la yalbe te Isaías: Lec te sc'op Jehová te la awale, xchi. Yu'un hich la yal ta yo'tan: Ay me lamal q'uinal soc jun me co'tan te jayeb xan c'ahc'al cuxulone, xchi.

Isaías 49:3

Hich la yalbon: Ha'at a'batat cu'un, Israel, ha'at ta acuenta ya cac' ta ilel te cutsilale, xchi.

Isaías 52:11

¡Loc'anic, loc'anic bahel tey a, ma me xapiquic te bin bohloben sc'oblale! ¡Loc'anic bahel ta yohlil, poca abahic, ha'ex te yac awich'ic bahel te bintic ay yu'un te Jehová!

Ezequiel 20:41

Lec ya xc'ohex ta jtojol hich te bin ut'il pom te sumet yic', te c'alal ya jloq'uesex tal ta yohlil te pueblohetic, te c'alal ya jtsobex tal ta q'uinaletic te banti puhquemex bahele; soc ya cac' ta ilel ta stojol te nacionetic te ho'on Ch'ul Dioson ta awohlilic.

Ezequiel 28:22

Hich xawalbe: Hich yaloj te Jehová, te Ajwalil: Jcontrahinejat, Sidón, ya xhalbot yutsil jc'oblal ta awohlil. Ya me sna'ic te ho'on Jehovahon te c'alal ya ca'be castigo, soc ya cac' ta ilel tey a te ho'on Ch'ul Dioson.

Ezequiel 38:16

ya xmohat tal ta scontrahinel te pueblo Israel cu'un hich te bin ut'il tocal te ya smac te q'uinale. C'alal ya sts'acay te sc'ahc'alel, ya quic'at tal ta jq'uinal scuenta yu'un ya me sna'bonic jba te nacionetic te c'alal ha'at ta acuenta, Gog, ya cac' ta ilel ta stojolic te Ch'ul Dioson.

Ezequiel 40:46

Soc te jtsahl te ya yil bahel ta stojol norte ha yu'un te sacerdotehetic te ya scuentahinic te scajtajib ta chiq'uel mahtanil; ha te sts'umbal Sadoc, ha'ic nax te sts'umbal Leví te ya xhu' ya xnohpojic ta a'tel ta stojol Jehová, xchi.

Ezequiel 42:13

Hich la yalbon te winique: Te tsahlaltsahl te ayic ta stojol norte soc te ayic ta stojol sur, te snuhp'usitayej sba soc te shahchibal amac', ha ch'ul stsahluletic te banti ya swe'ic te ch'ul mahtaniletic te sacerdotehetic te ya xnohpojic ta stojol Jehová; tey ya yaq'uic a te ch'ul mahtaniletic, ha te mahtanil harina, te mahtanil yu'un stojel mulil, soc te mahtanil yu'un stahel falta, como ch'ultesbil te tsahlaltsahl.

Levítico 21:15

scuenta yu'un ma ba ya xbohlob sc'oblal a te sts'umbal ta yohlil te slumale, como ho'on, Jehovahon, te ya jch'ultes, xchi.

Levítico 21:17

Halbeya te Aarón: Ni jtuhluc te ats'umbal ta cajalcaj bahel te ay banti ma lecuc sbaq'uetal te ya xnohpoj tal ta yaq'uel te we'elil yu'un te Dios yu'une.

Levítico 21:21

Ma me ayuc jtuhluc te sts'umbal sacerdote Aarón te ay bin jihnem yu'un te ya xhu' ya xnohpoj tal ta yaq'uel te chic'bil mahtaniletic ta stojol Jehová. Ay bin jihnem yu'un, ma me xnohpoj tal ta yaq'uel te we'elil yu'un te Dios yu'une.

Levítico 21:6

Ch'uhltesbilic me ta stojol te Dios yu'unic, ma me xyac' bohlobuc sc'oblal te sbihil te Dios yu'unic, como ha ya yaq'uic te chic'bil mahtaniletic ta stojol Jehová, ha te we'elil yu'un te Dios yu'unique. Ha yu'un ya sc'an te ch'ultesbilique.

Levítico 21:8

Ch'ultesbiluc me ya xc'oht awu'un, como ha ya yac' te we'elil yu'un te Dios awu'une. Ch'ultesbiluc me ta atojol, como ho'on, Jehovahon, ch'ul Dioson te ya jch'ultesex.

Levítico 22:9

Ya me sch'uhumbonic spasel te bintic caloj ta mandar scuenta yu'un ma ba ya scuch smul a, yu'un hich ma ba ya xchamic yu'un te la sbohlobtesbe sc'oblale. Ho'on, Jehovahon, te ya jch'ultes.

Levítico 8:35

Ya x'ayinex huqueb c'ahc'al soc huqueb ahc'abal ta stojol te yochibal te Nahilpac' Templo yu'un tahojibal soc ya me ach'uhunic spasel te bin la yal ta mandar te Jehová, scuenta yu'un ma ba ya xchamex; como hich pasbilon ta mandar yu'un, xchi.

Números 16:5

La yalbe te Coré soc spisil te mach'a sjoquinejic: Pajel te Jehová ya me yac' ta ilel mach'a a te ha yu'un soc te ch'ultesbil, ha ya yac' te ya xnohpoj tal ta stojol. Te mach'a tsahbil yu'un, ha ya yac' ya xnohpoj tal ta stojol.

Números 20:12

Pero te Jehová la yalbe te Moisés soc Aarón: Te bin ut'il ma ba la ach'uhunonic, te ma ba la awich'ic ta cuenta te Ch'ul Dioson ta stojol te snich'nab Israel, ma ba yac awiq'uic ochel ta q'uinal te ca'beyej te pueblo ini, xchi.

San Mateo 10:37

Te mach'a c'ax hich c'ux ta yo'tan a te sme'stat te bin ut'il te ho'one, ma xtuhun cu'un. Te mach'a c'ax hich c'ux ta yo'tan a te yal-snich'anic te bin ut'il te ho'one, ma xtuhun cu'un.

San Juan 12:28

Jtat, ac'a ta ich'el ta muc' te abihile, xchi te Jesús. Tal c'op ta ch'ulchan te la yal: Cac'ojix ta ich'el ta muc', soc ya cac' xan ta ich'el ta muc', xchi.

San Juan 14:13

Spisil te bin yac ac'ambeyic te Tatil ta scuenta jbihil, ya jpasbeyex, scuenta yu'un hich ya x'ich'ot ta muc' a te Tatil ta scuenta te Nich'anile.

Deuteronomio 32:51

Ha ta scaj te achebalic ma junuc awo'tanic la awac' abahic ta jtojol ta stojol te snich'nab Israel, ta ha'etic ta Meriba-cades ta jochol taquin q'uinal Zin, ma ba la awich'onic ta muc' ta yohlil te snich'nab Israel.

2 Tesalonicenses 1:10

c'alal ya sta sc'ahc'alel te ya xtal yu'un ya xhalbot yutsil sc'oblal ta scuenta te mach'atic yu'un te ch'uhltesbilic soc ya x'ich'ot ta muc' yu'un spisil te mach'atic sch'uhunejic. Te ha'ex la ach'uhunic te bin la jcalcotic ta testigo c'op ta awohlilique.

1 Pedro 4:17

Como yorahilix te ya xhahch ta ich'el ta c'op te mach'atic yu'un Dios; teme ha nahil ya xhahch ta jtojoltic, ¿bin ut'il ya xc'ohtic ta loq'uel te mach'atic ma sch'uhunic te lec yach'il c'op yu'un te Diose?

1 Samuel 2:30

Ha scuentahil te hich ya yal te Jehová te Dios yu'un Israel: Calojix ta jamal te mach'atic ay awu'un soc te mach'atic ay yu'un atat ya me x'a'tejic ta jtojol spisil ora, te xchihe. Pero yo'tic ya yal te Jehová: Mayuc bin ora te hich ya jc'ohtes ta pasel, como ha ya quich' ta muc' te mach'atic ya yich'onic ta muc', yan te mach'atic mayuc jc'oblal ta yo'tanic, mayuc sc'oblal ya xc'oht cu'un.

1 Samuel 3:18

Ha yu'un te Samuel la yalbe ya'iy spisil te bintic halbot, mayuc bin la smuc ta yo'tan. La yal te Elí: Ha Jehová stuquel; ac'a spas te bin lec ya ya'iy, xchi.

1 Samuel 6:20

Hich la yalic te mach'atic ayic ta Bet-semes: ¿Mach'a ya xhu' ya stehc'an sba ta stojol te Jehová, te ch'ul Diose? ¿Mach'a ya yich'botic loq'uel ta jtojoltic te scaxahul te chapbil-c'op? xchihic.