Levítico 10:1 - Bible in Tzeltal Bachajón

¹ Te Nadab soc Abiú, te snich'nab Aarón, ta jujutuhl la stsaquic te schic'ojibal pom yu'unic, la ya'beyic sc'ahc'al soc spomil, la ya'beyic smahtanin Jehová yan c'ahc' te ma hichuc halbibilic ya spasique.

Bible in Tzeltal de Oxchuc y Tenejapa

¹ Te Nadab soc Abiú, ja' te snich'nab Aarón, ta juju-jtul la stsac te yawil yac'alic, la yac'beyic c'ajc' soc spomil, la yac'beyic smajt'anin te Cajwaltique, pero te c'ajc' la yaq'uique, ma ja'uc smandal te Cajwaltique.

Levítico 10:1 ပူးပေါင်းရင်းမြစ်များ

1 Reyes 18:38

Hich co tal c'ahc' ta stojol Jehová, la schic' te mahtanil, te si', te tonetic, ts'ubil lum soc la slajin te ha' ay ta sch'acomal.

Salmos 141:2

Ac'a mohuc bahel ta atojol hich te bin ut'il pom te bin ya calbat; te jc'ab te jachoj mohel ta atojol hich ac'a c'ohtuc te bin ut'il milbil mahtanil ta tibiltic.

Éxodo 24:1

Te Jehová hich la yalbe te Moisés: Mohan tal ta stojol Jehová soc te Aarón, Nadab, Abiú, soc lajuneb schanwinic (70) mamaletic yu'un Israel; soc namal to ayex a yac ach'uhuntayic.

Éxodo 24:9

Hich te Moisés mo bahel soc Aarón, Nadab, Abiú soc lajuneb schanwinic (70) ta tuhl mamaletic yu'un Israel;

Éxodo 27:3

Pasbeya yawil tan banti ya yich' stsobel, soc palahetic, muc'ul tazahetic, trinchehetic, soc yawil ac'al; ya me apas ta bronce spisil te bintic ya xtuhun yu'une.

Éxodo 28:1

Ac'a taluc ta atojol te abanquil Aarón soc snich'nab scuenta yu'un ha sacerdotehetic ya xc'ohtic cu'un ta yohlil te snich'nab Israel; te Aarón soc snich'nab, ha te Nadab, Abiú, Eleazar soc Itamar.

Éxodo 31:11

te aceite yu'un ch'ultesel, soc te pom te sumet yic' te ya xtuhun ta ch'ul awilal. Ya me spasic spisil hich te bin ut'il la jcalbat, xchi.

Éxodo 37:29

La spas te ch'ultesbil aceite yu'un ch'ultesel soc te lequil pom te buen sumet yic', hich te bin ut'il ya spas te mach'a ya spas perfume.

Éxodo 38:3

Soc la spas spisil te bintic ya xtuhun ta scajtajib ta chiq'uel mahtanil: ha te calderohetic, palahetic, muc'ul tazahetic, trinchehetic, soc yawilic ac'al; spisil la spasticlan ta bronce.

Éxodo 40:27

soc tey la schic' a te pom te sumet yic', hich te bin ut'il halbot yu'un Jehová te Moisés.

Éxodo 6:23

Te Aarón la yic' yihnamin te Elisabet te yantsil-nich'an Aminadab, te ha swix Naasón, te la yalatay te Nadab, Abiú, Eleazar soc Itamar.

Éxodo 8:27

Ya xbehenotcotic bahel oxeb c'ahc'al ta jochol taq'uin q'uinal, tey ya ca'becotic milbil smahtan a te Jehová te Dios cu'uncotic, hich te bin ut'il ya yalbotcotique, xchi.

Jeremías 19:5

La spasbeyic toyol awilaletic yu'un Baal yu'un ya schiq'uic te snich'nabic scuenta chic'bil mahtaniletic yu'un Baal; te mayuc calbeyej mandar o te la jta ta halel, soc mayuc hich tal ta co'tan.

Jeremías 32:35

La spasbeyic toyol awilaletic yu'un Baal ta sjuclej yu'un Ben-hinom, yu'un ya yaq'uic scuenta chic'bil mahtaniletic te queremetic soc ach'ixetic yu'unic ta stojol Moloc, ha te bin ma ba la jpas ta mandar. ¡Mayuc banti tal ta co'tan te hich ya spasic te bin c'ax ilobtic sba, te hich ya ya'be sta smul a te Judá!

Jeremías 44:15

Ha yu'un spisil te mach'atic sna'ojic te ya'beyejic pom te yantic diosetic te antsetic yu'unic, soc spisil te antsetic te tey ayic a, c'ax tsobolic, soc spisil te ants-winiquetic te nahinemic ta Patros ta sq'uinal Egipto, hich la sjac'beyic sc'op te Jeremías:

Jeremías 44:8

¿Bin yu'un yac awac' ilinucon yu'un te ya'tel ac'abic, ha te yac awa'beyic pom te yantic diosetic ta sq'uinal Egipto ta banti talemex ta nahinel, te yac alehic ajihnelic, te ya xc'atp'ujex ta bin chopol sc'oblal soc ta bin p'ajbil ta stojol spisil te nacionetic ta bahlumilal?

Jeremías 7:31

La spasic scajtajib ta chiq'uel mahtanil ta Tofet ta sjuclej yu'un Ben-hinom yu'un ya schiq'uic tey a te squerem-nich'anic soc yantsil-nich'anic, te bin ma hichuc calbeyej ta mandar, soc mayuc talem ta co'tan.

Levítico 16:1

Te Jehová la sc'opon te Moisés te c'alal chamenix a te cheb snich'nab Aarón, te chamic c'alal nohpojic bahel ta stojol Jehová.

Levítico 16:12

Ya stsac jun schic'ojibal pom nojel ta ac'al te talem ta scajtajib ta chiq'uel mahtanil ay ta stojol Jehová, soc cha'johp juch'bil te bin sumet yic', ya yich' bahel ta spat te tsalul pac'.

Levítico 22:9

Ya me sch'uhumbonic spasel te bintic caloj ta mandar scuenta yu'un ma ba ya scuch smul a, yu'un hich ma ba ya xchamic yu'un te la sbohlobtesbe sc'oblale. Ho'on, Jehovahon, te ya jch'ultes.

Levítico 9:24

Loc' tal c'ahc' ta stojol Jehová, la slajin te scohtol chic'bil mahtanil soc te sjuhp'el ayic ta scajtajib ta chiq'uel mahtanil. C'alal hich la yilic spisil te pueblo, awonic soc la squejan sbahic ta lum.

Números 16:46

Te Moisés la yalbe te Aarón: Ich'a tal te schic'ojibal pom, a'beya tey a te sc'ahc'al te scajtajib ta chiq'uel mahtanil soc a'beya pom ta sba, bahan ta ora ta banti ay te pueblo, pasbeya te stojel mulil, yu'un loq'uemix tal ilimba ta stojol Jehová, hahchemix jmilawal-chamel, xchi.

Números 26:61

Pero te Nadab soc Abiú lajic te c'alal la yaq'uic yan c'ahc' ta stojol Jehová.

Números 4:18

Ma xawac' te ya xch'ay sts'umbal Coat ta yohlil te levitahetique.

Deuteronomio 12:32

Tsahtaya me ta spasel spisil bintic ya jpasat ta mandar; ma me xawa'be xan smohlol soc ma me ayuc bin yac aloq'uesbe.

Deuteronomio 17:3

teme baht sch'uhuntay yantic diosetic soc la squejan sba ta stojolic, o ta stojol te c'ahc'al, u, o spisil bintic ay ta ch'ulchan, ha te la jcal te ma hichuc ay ta pasele;

Deuteronomio 4:2

Ma me xawa'beyic smohlol te c'op ya calbeyex ta mandar, soc ma me ayuc bin yac atup'ic tey a, scuenta yu'un yac apasic te mandariletic yu'un Jehová te Dios awu'unic te ya ca'beyexe.

Hebreos 9:4

te banti ay te schic'ojbil pom pasbil ta oro soc te scaxahul te chapbil-c'op te swohlol potsbil ta oro, ta banti q'uejticlambil jun oxom pasbil ta oro te yich'oj te maná, soc tey ay a te snahbate' Aarón te nichin soc te cha'pehch ton yu'un te chapbil-c'ope.