Jueces 7:9 - Bible in Tzeltal Bachajón

⁹ Ta ahc'abal nix, te Jehová hich la yalbe: Hahchan, cohan bahel ta ya'beyel guerra te campamento, yu'un la jca'batix ta ac'ab.

Bible in Tzeltal de Oxchuc y Tenejapa

⁹ Ta ajc'ubal a, te Cajwaltic la yalbey mandal te Gedeón: —Jajch'an, coan bael ta yochintayel te madianetique, ya cac'beyex ta ac'abic.

Jueces 7:9 ပူးပေါင်းရင်းမြစ်များ

2 Crónicas 20:17

Ma ba yac awa'beyic guerra ha'ex. Lahmana abahic ta tec'lej, ya me awilic te colel yu'un Jehová ta atojolic. Judá soc Jerusalén, ma me xiwex soc ma me xpehc'aj awo'tanic; bahan, tahahic pajel, como te Jehová ya me sjoquinex, xchi.

Job 4:13

Ta wayichil ta ahc'abal, ha te bin ora ya x'och swayel ants-winiquetic,

San Mateo 1:20

Te c'alal hich yac sna'bel a, chicnaj ch'ul a'bat yu'un Cajwaltic ta swayich, hich halbot yu'un: José, sts'umbalat David, ma me xaxi' te yac awic' awihnamin te María, como te bin ut'il ayix yal, ha ta scuenta te Ch'ul Espíritu.

San Mateo 2:13

Te c'alal suhtemiquix bahel a te p'ijil winiquetic, te ch'ul a'bat yu'un Cajwaltic chicnaj ta swayich te José, hich la yalbe: Hahchan, ic'a bahel te alal soc te snan, ahnan bahel ta Egipto. Tey me ya x'ayinex a ha to c'alal ya calbat. Como te Herodes ya me sle te alal yu'un ya smil, xchi sc'oblal.

Hechos 27:23

Yu'un ahc'abe la stehc'an sba ta jtojol jtuhl ch'ul a'bat yu'un Dios, ha te ayon ta scuenta soc te ayon ta a'batinel yu'un,

Josué 10:8

Te Jehová la yalbe te Josué: Ma me xiwat ta stojolic, como ho'on la jca'batix ta ac'ab, mayuc jtuhluc ya stsalat, xchi.

Josué 11:6

Pero te Jehová la yalbe te Josué: Ma me xaxi', como ta hichilan ora pajel spisilic lajemic a ya cac'ticlan ta stojol Israel; yac abojbe schihal yacan scawuhic soc yac achic'be te scarretahic yu'un guerra, xchi.

Josué 2:24

Hich la yalbeyic te Josué: Te Jehová ya'beyejotiquix ta jc'abtic spisil te q'uinale; soc spisil te mach'a nahinemic tey a lajemiquix ya ya'iyic yu'un xi'belotic, xchihic.

Jueces 20:28

soc te Finees snich'an Eleazar, te snich'an Aarón, tey yac ta a'tel a), hich la yalic: ¿Ya to bal suhtotcotic xan ta ya'beyel guerra te snich'nab Benjamín te quermanocotic, o ma'uquix? xchihic. La yal te Jehová: Mohanic bahel, yu'un pajel ya ca'beyex ta ac'abic, xchi.

Jueces 3:10

Te Otoniel u'untayot yu'un te espíritu yu'un Jehová, ha juez c'oht yu'un Israel soc loc' bahel ta guerra. Te Jehová la ya'be ta sc'ab Otoniel te Cusan-risataim ajwalil yu'un Siria, la ya'be stsal te Cusan-risataim.

Jueces 3:28

Hich halbotic yu'un: T'unawonic, como te Jehová la ya'beyexix ta ac'abic te moabetic, te acontrahique, xchi. Hich la st'unic bahel. La yich'beyic te Moab te lugar banti ya xhu' ta teq'uel te muc'ul-ha' Jordán, mayuc mach'a la yaq'uic sohlel.

Jueces 7:10

Teme ya xiwat te ya xcohat bahel, cohan bahel soc te awa'bat Fura,

Jueces 7:8

Hich te Gedeón la yich'be hilel te biluquetic soc te xulubiletic yu'unic, la sticonlan bahel spisil te snich'nab Israel ta snahilpaq'uic, pero la yac' ya xhilic te ho'lajunwinic (300) ta tuhl winiquetic. Te campamento yu'un te madianetic hil ta ahlan ta spamlej.

1 Samuel 14:8

Ha yu'un la yal te Jonatán: Ya sohlotic bahel ta stojol te winiquetic scuenta yu'un ya yilotic.

1 Samuel 23:4

Ha yu'un te David baht sjoc'obe xan te Jehová. Te Jehová hich la yalbe: Hahchan, cohan bahel ta Keila, ho'on ya ca'bat ta ac'ab te filisteohetique, xchi.