Jueces 7:4 - Bible in Tzeltal Bachajón

⁴ La yal xan te Jehová: Mero bayelic to; ic'ticlana bahel ta ha', tey ya jpas ta prueba quil a. Te mach'a hich ya calbat sc'oblal: Ac'a sjoquinat bahel ini, teme xchihone, ha me ya sjoquinat bahel; pero te mach'a ya calbat sc'oblal: Ma ba ya sjoquinat bahel ini, teme xchihone, ma ba ya xbaht stuquel, xchi.

Bible in Tzeltal de Oxchuc y Tenejapa

⁴ Ja'uc me to, la yal xan te Cajwaltique: —Mero bayal to ta jyalel. Ic'a bael ta yuch'el ja', tey me ya cac'bey prueba quil a. Tey me ya calbat a te mach'atic ya ajoin bael, soc te mach'atic ma ba ya ajoin baele —xi' te Cajwaltique.

Jueces 7:4 ပူးပေါင်းရင်းမြစ်များ

Génesis 22:1

Ta patil te Dios la stsaj te Abraham, hich la yalbe: Abraham, xchi. Li' ayoni, xchi te Abraham.

Job 23:10

Pero ha ya sna' te be cu'une: teme ya spason ta prueba, lec ya xloc'on hich te bin ut'il oro.

Salmos 33:16

Te ajwalil ma ba ya xcoltayot ta scuenta bayel soldadohetic yu'un, soc te mach'a ma xiw ma xhu' ya xloc' ta ahnel ta scuenta bayel yip.

Salmos 66:10

Como ha'at la apasotcotic ta prueba, Dios cu'untic, ha'at la alecubtesotcotic hich te bin ut'il ya yich' lecubtesel plata.

Salmos 7:9

Lajimbeya schopolil te mach'atic chopol yo'tanic, pero a'beya yich' yip te mach'a toj yo'tan, como toj yo'tan stuquel te Diose, ya stsahtay pensaril soc o'tanil.

Jueces 7:5

Ha yu'un te Gedeón la yic' bahel te winiquetic ta ha', hich halbot yu'un te Jehová: Mach'ayuc a te ya slec' ha' ta yac' hich te bin ut'il ts'i', parte me xawac'. Ha nix hich parte xawac' mach'ayuc a te ya squejan sbahic ta yuch'el ha', xchi.

1 Samuel 14:6

Hich te Jonatán la yalbe te jcuch-a'tejibal yu'un: La' me, sohlucotic bahel ta banti ay te jchahp soldado yu'un te mach'atic ma ba yich'ojic circuncisión; ay wan bin ya spasbotic te Jehová, como ma ba wocol ya ya'iy stuquel te ya yac' tsalaw, teme ay tsobolic o teme mayuc tsobolic, xchi.

1 Samuel 16:7

Pero halbot yu'un Jehová te Samuel: Ma me ha'uc xawil te bin yilel o te bin yilel snahtil, como ch'aybil cu'un. Como te Jehová ma ha'uc ya yil te bin ya yil te ants-winic, como te ants-winic ha ya yil te bin chican ta sit, yan te Jehová ha ya yil te bin yilel te o'tanile, xchi.