Jueces 7:2 - Bible in Tzeltal Bachajón

² Te Jehová hich la yalbe te Gedeón: Mero bayel winiquetic sjoquinejat yu'un te ya ca'beyex ta ac'abic te madianetic, ya wan stoy sbahic ta jtojol te Israel, hich wan ya yalic: Hu' cu'untic la jcoltay jbahtic, xchihic wan.

Bible in Tzeltal de Oxchuc y Tenejapa

² Te Cajwaltic la yalbey te Gedeón: —Mero bayal ta jyalel te israel-winiquetic te awic'oj tele. Te yacuc cac'bey stsal te madianetic, repente ya yalic ta swenta stoybailic te ju' yu'unic scoltayel sbaic ta stuquelique.

Jueces 7:2 ပူးပေါင်းရင်းမြစ်များ

Génesis 46:2

Ta swayich c'oponot yu'un Dios ta ahc'abal te Israel, hich halbot: Jacob, Jacob, xchi. Li' ayoni, xchi te Jacob.

2 Crónicas 14:11

Te Asa la yawtay te Dios, hich la yal: Jehová, pajal yac awa'iy teme yac acoltay te mach'a ay yip o te mach'a mayuc yip. Coltayawotcotic, Jehová, Diosat cu'uncotic, como quich'oj quipcotic ta atojol, soc ta scuenta abihil ya ca'becotic guerra te soldadohetic ini. Jehová, ha'at Diosat cu'uncotic; ma me xawac' stsalat te winique, xchi ta sc'oponel Dios.

Isaías 10:13

Yu'un hich yaloj: Ho'on la jpas ta scuenta yip jc'ab soc ta scuenta sp'ijil co'tan, como ya jna' q'uinal. La jloq'ues te mojonetic yu'un te pueblohetic, la jpojbe te sc'ulejalic, soc hich la jin cohel ajwaliletic te bin ut'il mach'a ay yip.

Isaías 2:11

Ya xpehc'anot te stoybahil te sit te ants-winic, te stoybahil te ants-winic ya me yich' pehc'anel. Ha nax ya xtoybot sc'oblal te Jehová ta hich ora.

Isaías 2:17

Te stoybahil te ants-winic ya yich' pehc'anel, ya xpehc'anot te muc' scuyoj sbahic; ha nax stuquel te Jehová te ya xtohybot sc'oblal ta hich ora.

Jeremías 9:23

Hich ya yal te Jehová: Te mach'a ay sp'ijil ma me stoybe sba ya'iy q'uinal yu'un te sp'ijile, soc te mach'a ay yip ma me stoybe sba ya'iy q'uinal yu'un te yipe, te mach'a ay sc'ulejal ma me stoybe sba ya'iy q'uinal yu'un te sc'ulejale.

Ezequiel 28:17

La atoy aba ta scaj t'ujbilat, la ajin te p'ijil-o'tanil awu'un ta scaj te xojobil awutsilal; la jch'ojat cohel ta lum, la jcac'at te ya x'ilotat yu'un ajwaliletic.

Ezequiel 28:2

Snich'anat winic, halbeya te ajwalil yu'un Tiro: Hich yaloj te Jehová, te Ajwalil: La atoyba aba soc awo'tan, hich la awal: Ho'on dioson, huculon ta smuc'ul huctajib dios ta yohlil te mar, xchihat; pero ha'at winicat, ma diosucat, acuyoj aba te pajal awo'tan soc jun dios.

Daniel 4:30

hich la yal: ¿Ma bal ha'uc ini te muc'ul Babilonia te la jpas ta scuenta bayel quip banti ya xnahin ajwalil, soc scuenta yich'el ta muc' te cutsilale? xchi.

Habacuc 1:16

Ha yu'un ya ya'be milbil mahtaniletic te stsacojibal soc ya schic'be pom te jtsaco-chay, como ha ta scuentahic te bayel bintic ay yu'un, soc buhts'an te swe'ele.

Zacarías 12:7

Te Jehová nahil ya yac' ta libre te nahilpaq'uetic yu'un Judá, scuenta yu'un te yutsilal te sna David soc te mach'atic nahinemic ta Jerusalén ma ba c'ax hich ya xtohy sc'oblalic a te bin ut'il te sna Judá.

Zacarías 4:6

Ha yu'un hich la yalbon: Ha te sc'op Jehová ini ta stojol Zorobabel, te hich ya yal: Ma ta scuentahuc soldadohetic soc ma ta scuentahuc yipic, ha ta scuenta te espíritu cu'un, xchi te Jehová te scuentahinej spisil.

Números 31:4

Ta jujuchahp te snich'nab Israel ya me aticon lajunwinic yoxbahc' (1,000) ta tuhl winiquetic ta yaq'uel guerra, xchi.

Romanos 11:18

ha yu'un ma me xatoy aba ta stojol te sc'abc'abe; yan teme yac atoy aba, na'a me te ma ha'ucat yac awa'be swe'el te slohp', ha ya ya'bat awe'el stuquel.

Romanos 3:27

Ha yu'un ¿banti ay te toybahil? Mayuc. ¿Banti yich'oj yip, ha bal ta banti sch'uhunel spasel te Ley? Ma'uc, ha yich'oj yip ta banti sch'uhunel-o'tanil.

2 Corintios 4:7

Pero quich'ojcotic te c'uhlejalil ini ta vaso pasbil ta ahch'al, scuenta yu'un ya xchicnaj te ha nix yu'un Dios te yutsil yu'el, te ma cu'uncoticuc.

Efesios 2:9

ma ha'uc ta scuenta awa'telic, scuenta yu'un mayuc mach'a ya xhu' ya stoy sba yu'un.

Deuteronomio 32:27

pero ma ba la jc'an te labanel yu'un te contra, te yanuc ya xc'oht ta yo'tan te scontratac, te hichuc ya yalic: Ta scuenta quiptic la jpastic spisil ini; ma ha'uc la spas te Jehová, te xchihuquic.

Deuteronomio 8:17

te yac awal ta awo'tan: Ta scuenta quip soc ta scuenta yip jc'ab la jta te c'ulejalil ini, te xchihate.

Deuteronomio 8:18

Pero ya me ana' te Jehová te Dios awu'un, como ha nax stuquel te ya ya'bat awip ta stahel te c'ulejaliletic, scuenta yu'un hich ya xc'oht ta pasel yu'un a te chapbil-c'op te jc'axel la yalbe ta jamal te ame'atatic, hich te bin ut'il ta ora ini.

Santiago 4:6

Pero c'ax bayel xan yutsil-o'tanil ya yac' te Diose. Ha scuentahil te hich ya yal: Dios ya scontrahin te mach'a ya stoy sba, pero ya sc'uxultay te mach'a peq'uel ay, xchi.

1 Samuel 14:6

Hich te Jonatán la yalbe te jcuch-a'tejibal yu'un: La' me, sohlucotic bahel ta banti ay te jchahp soldado yu'un te mach'atic ma ba yich'ojic circuncisión; ay wan bin ya spasbotic te Jehová, como ma ba wocol ya ya'iy stuquel te ya yac' tsalaw, teme ay tsobolic o teme mayuc tsobolic, xchi.