Jueces 4:9 - Bible in Tzeltal Bachajón

⁹ Ya joquinat bahel; pero ma ba ya x'ich'otat ta muc' yu'un te bin yac apas, como te Jehová ya me yac' ta sc'ab jtuhl ants te Sísara, xchi. Hich te Débora baht soc Barac ta Cedes.

Bible in Tzeltal de Oxchuc y Tenejapa

⁹ La yal te Débora: —Yacuc, ya joinat bael. Ja'uc me to, te bi yutsilal ya xc'ot ta pasel te ya ajache ma me ja'ucat awu'un stuquel, melel te Sísara ya x'ac'ot ta sc'ab jtul ants yu'un te Cajwaltique —xi'. Jich yu'un te Débora bajt' soc Barac ta Cedes.

Jueces 4:9 ပူးပေါင်းရင်းမြစ်များ

2 Crónicas 26:18

la stsac sbahic ta c'op, hich la yalic: Ajwalil Uzías, ma ha'ucat ay ta acuenta schiq'uel pom ta stojol Jehová, ha ay ta scuentahic te sacerdotehetic te ha sts'umbal Aarón, te ch'uhltesbilic yu'un schiq'uel te pom. Loc'an bahel ta ch'ul awilal, como la ata amul, ma ba ya yac'at ta ich'el ta muc' yu'un te Jehová, xchihic.

Jueces 2:14

Ha yu'un tihl yilimba Jehová ta stojol Israel, hich ac'otic ta sc'ab j'eleq'uetic te talic ta pojbeyel sbiluquic, soc chonticlanotic bahel ta stojol te scontrahic te ayic ta sjoyobal, te ma ba hu'ix yu'unic stsalele.

Jueces 4:8

Hich la sjac' te Barac: Ya xbohon teme yac ajoquinon bahel te ha'ate. Yan teme ma ba yac ajoquinon bahel, ma ba ya xbohon, xchi.

Jueces 9:53

ay jtuhl ants la sch'ojbe cohel ye molino ta sjol te Abimelec, la slombe sbaquel sjol a.

Jueces 9:54

Te Abimelec la yic' tal ta ora te jcuch-a'tejibal yu'un, hich la yalbe: Loq'uesa tal te espada awu'un, milawon a, scuenta yu'un ma hichuc ya xhalbot jc'oblal: Jtuhl ants milot yu'un, ma xchihuc. Ha yu'un te jcuch-a'tejibal yu'un la slow ta espada, hich laj.

1 Samuel 2:30

Ha scuentahil te hich ya yal te Jehová te Dios yu'un Israel: Calojix ta jamal te mach'atic ay awu'un soc te mach'atic ay yu'un atat ya me x'a'tejic ta jtojol spisil ora, te xchihe. Pero yo'tic ya yal te Jehová: Mayuc bin ora te hich ya jc'ohtes ta pasel, como ha ya quich' ta muc' te mach'atic ya yich'onic ta muc', yan te mach'atic mayuc jc'oblal ta yo'tanic, mayuc sc'oblal ya xc'oht cu'un.