Jueces 3:9 - Bible in Tzeltal Bachajón

⁹ Ha yu'un te snich'nab Israel awonic ta stojol Jehová, hich la slehbe jtuhl jcoltaywanej yu'un te snich'nab Israel te la scoltay, ha te Otoniel snich'an Cenaz, te yihts'in Caleb.

Bible in Tzeltal de Oxchuc y Tenejapa

⁹ ja' to c'alal la yalbeyic wocol te Cajwaltique. Jich la sle stuquel te mach'a tal ta coltayel yu'une. Ja' la yac' ta jcoltaywanej te Otoniel snich'an Cenaz, te ja' yijts'in Caleb.

Jueces 3:9 ပူးပေါင်းရင်းမြစ်များ

Nehemías 9:27

Ha yu'un la awac'ticlambe ta sc'ab te scontratac, te a'bot swocolic yu'une. Pero te c'alal ay swocolic a, la yawtayat, soc la awa'iybe sc'opic c'alal ta ch'ulchan; ta scuenta te smuc'ul sc'uxul awo'tan la aticombe jcoltaywanejetic yu'un ya scoltayic loq'uel ta sc'abic yu'un te scontratac.

Salmos 22:5

La yawtayat, hich colic ta libre; la smuc'ulinat yo'tanic, ma ba la stahic q'uexlal yu'un.

Salmos 78:34

Te c'alal ac'otic ta lajel yu'un Dios, hich hahch slehic, suhtic ta stojol, spisil yo'tanic la scha'lehic xan.

Josué 15:17

Te Otoniel snich'an Cenaz, te yihts'in Caleb, ha la stsal. Hich te Caleb la ya'be yihnamin te yantsil-nich'an Acsa.

Jueces 1:13

Ha la stsal te Otoniel te snich'an Cenaz, te yihts'in Caleb. Hich te Caleb la ya'be yihnamin Acsa te yantsil-nich'an.

Jueces 10:10

Ha yu'un te snich'nab Israel awonic ta stojol Jehová, hich la yalbeyic: Jtahoj jmulcotic ta atojol, yu'un la jquihquitaycotic hilel te Dios cu'uncotic, la jcac' jbahcotic ta a'batinel yu'un te baaletic, xchihic.

Jueces 2:16

Te Jehová la yac' chicnajuc juecetic te la scoltayic loq'uel ta sc'ab te mach'atic la spojbeyic bintic ay yu'unic.

Jueces 2:18

Te c'alal ya yac' chicnajuc juecetic te Jehová, joquimbil yu'un Jehová te juez, soc ya scoltay loq'uel ta sc'ab scontrahic te jayeb c'ahc'al cuxul te juez; como te Jehová ya sna'be yo'bolil sbahic c'alal ya ya'iybe yacanic yu'un te mach'atic uts'inotic soc te a'botic swocolic yu'une.

Jueces 3:15

Te snich'nab Israel awonic ta stojol Jehová; hich la slehbe jcoltaywanej yu'unic, ha te Aod snich'an Gera, sts'umbal Benjamín, ha q'uexam-c'ab winic. Te snich'nab Israel ay la ya'beyic yich' bahel patanil ta stojol Eglón ajwalil yu'un Moab.

Jueces 3:8

Ha scuentahil te tihl yilimba Jehová ta stojolic, la ya'be ta sc'ab Cusan-risataim ajwalil yu'un Mesopotamia. Waxaqueb ha'bil la yac' sbahic ta a'batinel yu'un.

Jueces 4:3

Ha yu'un te snich'nab Israel awonic ta stojol Jehová, como te Jabín ay ho'winic yoxbahc' (900) carretahetic yu'un te pasbilic ta taq'uin soc ay jtahb (20) ha'bil te la ya'be tulan swocol te snich'nab Israel.

Jueces 6:7

C'alal awonic ta stojol Jehová te snich'nab Israel ta scaj te madianetic,

1 Samuel 12:10

Pero awonic ta stojol Jehová, hich la yalic: La jta jmulcotic, yu'un la jquihquitaycotic hilel te Jehová, la jch'uhuntaycotic te baaletic soc te Astarot. Coltayawotcotic loq'uel ta sc'ab te jcontracotic, ya me jch'uhuntayatcotic, xchihic.