Jueces 3:4 - Bible in Tzeltal Bachajón

⁴ Ha ta scuentahic te la spas ta prueba te Israel, yu'un tey ya sna' a teme ya sch'uhunic spasel te mandariletic yu'un Jehová te la ya'be te sme'static ta scuenta Moisés.

Bible in Tzeltal de Oxchuc y Tenejapa

⁴ Ja'ic te lumetic jilic swenta yu'un ya yac'bey prueba te Cajwaltic ta stojolic a te israeletic, yu'un la sc'an yil teme ya xch'uunic te mandaliletic te yac'ojbey te antiguo sme'-static ta swenta Moisés.

Jueces 3:4 ပူးပေါင်းရင်းမြစ်များ

Éxodo 15:25

Ha yu'un te Moisés la yawtay te Jehová, hich a'bot yil jtehc' te' yu'un; la sch'oj ochel ta ha', hich chi'ub te ha'e. Te Jehová tey la ya'be mandaril soc tey la ya'iybe yo'tanic a,

1 Corintios 11:19

Hich yac ac'anic te wohc'owohc' yac awac' abahic scuenta yu'un ya xchicnaj ta awohlilic mach'atic a te tsahbilic ta ac'opic.

Deuteronomio 33:8

Hich la yalbe sc'oblal Leví: Te Tumim soc Urim awu'un, ha'ic yu'un te winic te jun yo'tan ta atojol, ha te la apas ta prueba ta Masah, te mach'a la awut aba soc ta ha'etic yu'un Meriba;

Deuteronomio 8:2

Ya me ana' spisil te be banti la yic'at tal te Jehová te Dios awu'un te cha'winic (40) ha'bil ta jochol taquin q'uinal yu'un la ya'bat apehc'an aba, la yilbat awo'tan, yu'un hich ya sna' a te bin ay ta awo'tan, teme yac apas o ma ba yac apas te mandariletic yu'une.

Jueces 2:22

Hich ya jpas ta prueba te Israel teme ya st'unic o ma ba ya st'unic te be yu'un Jehová, hich te bin ut'il la st'unic te sme'statique, xchi.

Jueces 3:1

Hich ay te nacionetic te la yihquitay hilel Jehová scuenta yu'un ya spas ta prueba spisil te mach'atic ayic ta Israel te ma ba la yilic guerra ta Canaán;