Jueces 3:3 - Bible in Tzeltal Bachajón

³ ha te ho'tuhl príncipaletic yu'un te filisteohetic, spisil te cananeo, sidón, soc te heveo te nahinemic ta wits Líbano, c'alal ta wits Baal-hermón ha to ya xc'oht ta Hamat.

Bible in Tzeltal de Oxchuc y Tenejapa

³ Jilic te jo'tul ajwalil filisteoetic, soc spisil te cananeoetic, sidonetic, soc heveoetic te ainemic ta witstiquil yu'un Líbano, c'alal ta wits Baal-hermón, ja' to c'alal ta bay ya xju' c'axel beel ta witstiquil ta lum Hamat.

Jueces 3:3 ပူးပေါင်းရင်းမြစ်များ

Génesis 49:13

Te Zabulón ya xnahin ta ti'ti'mar, ha yawil barcohetic ya xc'oht; te smojonil ya xc'oht c'alal Sidón.

2 Samuel 24:7

Patil bahtic ta ahnibal ts'ahc yu'un Tiro, soc ta spisil te pueblohetic yu'un te heveohetic soc cananeohetic. Ta slajibal bahtic ta Neguev yu'un Judá, ta Beerseba.

1 Reyes 8:65

Ta hich ora te Salomón la spas q'uin soc spisil Israel, mero bayel talemic c'alal ta yochibal Hamat ha to ta uc'um yu'un Egipto, la spasic q'uin ta stojol Jehová te Dios cu'untic scuenta huqueb c'ahc'al, soc huqueb xan c'ahc'al, ha chanlajuneb (14) c'ahc'al te q'uine.

1 Reyes 9:20

Spisil te pueblohetic te hilic yu'un te amorreo, heteo, ferezeo, heveo soc jebuseohetic, te ma ha'uc yu'un te snich'nab Israel,

Ezequiel 47:20

Te sti'il ta stojol smahlib c'ahc'al, ha sti'il ya xc'oht te Muc'ul Mar c'alal ta stojol te ochibal yu'un Hamat. Ha te sti'il ta stojol smahlib c'ahc'al.

Números 13:29

Te amalequetic nahinemic ta sq'uinal Neguev; te heteo, jebuseo soc amorreo nahinemic ta witsiltic; te cananeo nahinemic ta ti'mar soc ta ti'ti' muc'ul-ha' Jordán, xchihic hulel.

Números 34:8

ta wits Hor ya xc'ax bahel ta yochibal Hamat, tey ya xbaht c'alal ta Zedad,

Deuteronomio 1:7

Bahanic ta witsiltic yu'un te amorreohetic soc spisil te q'uinaletic ta sjoyobal, ta Arabá, ta witsiltic, ta spamlejetic, ta Neguev, ta sti'il mar, ta sq'uinal te cananeohetic soc ta Líbano, c'alal ta muc'ul-ha' Éufrates.

Deuteronomio 3:9

(Te sidonetic, ha Sirión sbihil yu'unic te Hermón; te amorreohetic, Senir sbihil yu'unic stuquel.)

Josué 11:19

Mayuc junuc pueblo te la schap sc'op scuenta lamal q'uinal soc te snich'nab Israel, ha nax te heveohetic te nahinemic ta Gabaón; spisil te yantic la stsalic ta scuenta guerra.

Josué 11:3

te cananeohetic te ayic ta stojol banti ya xloc' tal c'ahc'al soc ta stojol smahlib c'ahc'al, te amorreo, heteo, ferezeo, soc jebuseohetic te ayic ta witsiltic, soc te heveohetic ta ye'tal wits Hermón ta sq'uinal Mizpa.

Josué 13:3

c'alal Sihor te ay ta stojol banti ya xloc' tal c'ahc'al yu'un Egipto, ha to ta sti'il Ecrón ta stojol norte, te ha yu'un cananeohetic ta halele; te sq'uinal te ho'tuhl ajwaliletic filisteohetic ta Gaza, Asdod, Ascalón, Gat soc Ecrón; soc nix te sq'uinal te aveohetic

Josué 13:5

te sq'uinal te gibletic, soc spisil te Líbano ta stojol banti ya xloc' tal c'ahc'al, c'alal ta Baal-gad te ay ta ye'tal wits Hermón, ha to c'alal ta yochibal Hamat.

Josué 19:28

Ha yu'un ya smac te Hebrón, Rehob, Hamón soc Caná, ha to c'alal ta muc'ul Sidón.

Josué 9:7

Te winiquetic yu'un Israel la sjac'beyic te heveohetic: Repente nahinemex ta cohlilcotic; ¿bin ut'il ya xhu' ya jchap jc'optic? xchihic.

Jueces 10:12

te mach'atic yu'un Sidón, Amalec soc Maón? Te c'alal awonex ta jtojol ¿ma bal lajuc jcoltayex loq'uel ta sc'abic?

Jueces 10:7

Ha yu'un tihl yilimba Jehová ta stojol Israel, hich a'botic ta sc'ab te filisteohetic soc te amonetic.

Jueces 14:4

Te sme'stat ma ba la sna'ic te ha chahpambil yu'un Jehová, yu'un yac ta slehel bin ut'il ya scontrahin te filisteohetic; como ha yorahil a te cuentahimbilic yu'un te filisteohetic te Israel.

Jueces 18:7

Hich loq'uic bahel te ho'tuhl winiquetic, bahtic ta Lais. La yilic te jun yo'tan nahinemic te ants-winiquetic ta pueblo tey a, lamal yo'tanic, hich te bin ut'il stalel te sidonetic, mayuc mach'a ya x'uts'inotic yu'un, soc ma ba cuentahimbilic yu'un yantic. Soc namal yiloj sbahic soc te sidonetic, stuquel ayic.

Jueces 3:2

ha nax la yihquitay hilel yu'un ya snopic yaq'uel guerra te cajalcaj snich'nab Israel, te ya ya'be snopic mach'atic ma to sna'ic:

Jueces 4:2

Ha yu'un te Jehová la ya'be ta sc'ab Jabín ajwalil yu'un Canaán te la ya'iy cuentahinwanej ta Hazor. Te jtsobaw yu'un te soldadohetic yu'un, Sísara sbihil, nahinem ta Haroset-goim.

1 Samuel 13:5

Hich te filisteohetic la stsob sbahic ta ya'beyel guerra te Israel: oxpic soc ho'lajunbahc' (30,000) carretahetic yu'un guerra, ho'lajunbahc' (6,000) ta tuhl winiquetic cajajtic ta caballo, soc hich yipal soldadohetic te bin ut'il shi'al sti'il mar. Mohic talel soc la spasic scampamentohic ta Micmas, ta stojol banti ya xloc' tal c'ahc'al yu'un Bet-avén.

1 Samuel 29:2

Te príncipaletic yu'un te filisteohetic, c'alal yacalic ta behel bahel soc te ho'ho'winic (100) soc ta jujumil (1,000) ta tuhl soldadohetic yu'unic, te David soc te winiquetic yu'un yacalic ta behel ta slajibal soc Aquis.

1 Samuel 6:16

C'alal hich la yilic te ho'eb príncipaletic yu'un te filisteohetic, ha nix yorahil a suhtic bahel ta Ecrón.

1 Samuel 6:18

Soc hich yipal ch'ohetic pasbilic ta oro te bin ut'il jayeb pueblohetic yu'un te ho'tuhl príncipaletic yu'un te filisteohetic, ha te pueblohetic te ay sts'ahcul soc te tut pueblohetic te mayuc sts'ahcule. Te muc'ul ton te banti la scajanic te scaxahul te chapbil-c'op yu'un Jehová ay ta sq'uinal Josué ta Bet-semes c'alal ora.

1 Samuel 6:4

¿Bin mahtanil yu'un stahel falta ya ca'becotic? xchihic. Hich la sjaq'uic: Ho'eb sloc'omba siht'el pasbil ta oro soc ho'eb sloc'omba ch'o pasbil ta oro, hich yipal te jaytuhl príncipaletic yu'un te filisteohetic, como junax te chamel awich'ojic ta apisilic soc te príncipaletic awu'unique.