Jueces 17:4 - Bible in Tzeltal Bachajón

⁴ Hich te Micaía la suhtbe te taq'uin te snane, te ha la yich' bahel lajunwinic (200) ta sehp plata, baht ya'be te j'ultesej-taq'uin te la spas ta loc'omba pasbil ta c'abal soc ta uhltesbil taq'uin. La yich'ic aq'uel ta sna te Micaía.

Bible in Tzeltal de Oxchuc y Tenejapa

⁴ Te bit'il la sujt'esbeyix staq'uin sme' te Micaía, jich yu'un te sme' la stsac bael lajunwinic ta jsejp plata, ba yac'bey te jpas-caldera, swenta yu'un ya spas jun loc'omba a, te buen pasbil soc te pac'bil ta potsel ta plata. Ta patil ba yac'bey ta sna te Micaía.

Jueces 17:4 ပူးပေါင်းရင်းမြစ်များ

Isaías 30:22

Ha bohlobtesbil sc'oblal ya xc'oht awu'unic te loc'ombahetic awu'unic te potsbilic ta plata, soc te awahcananic macalic ta oro. Yac ach'ojticlanic bahel hich te bin ut'il pac' te bohloben sc'oblale, hich yac awalic: ¡Loc'anic bahel! xchihex.

Isaías 44:13

Te carpintero ya sp'is ta sp'isojibal, ya sjisbe srayahil; ya schahpan ta cepillo, ya sp'is ta compás. Ya spas ta sloc'omba winic, yich'beyej st'ujbilal winic, yu'un ya yac' nahinuc ta na.

Habacuc 2:18

¿Bistuc te loc'omba te pasbil yu'un te mach'a ya sna' spasel, te uhltesbil loc'omba te ya yac' ta nopel lot, yu'un ha ya smuc'ulin yo'tan te ya'tel ta spasel loc'ombahetic te ma xc'opojique?

Deuteronomio 27:15

Chopol sc'oblal te mach'a ya spas te bin lop'taylambil, o loc'omba pasbil ta uhltesbil taq'uin, ha ya'tel te mach'a ya sna' spasel, te muquen ya stehc'an, ha ihlaybil yu'un Jehová, xchihic. Hichuc, xchihic me spisil te pueblo.

Jueces 17:3

Te c'alal la suhtbe te ho'lajunwinic yoxbahc' (1,100) ta sehp plata, hich la yal te snane: Ta scuenta te cal, jc'axel ca'beyejix Jehová te taq'uin scuenta spasel jun loc'omba pasbil ta c'abal soc yan pasbil ta uhltesbil taq'uin. Ya jsutbat te taq'uine, xchi.

Jueces 17:5

Hich te Micaía ay sna banti ya sch'uhuntay te diosetic yu'une. La spas jun efod soc loc'ombahetic yu'un na, soc la yotses ta sacerdote jtuhl snich'an.

Jueces 18:17

Te ho'tuhl winiquetic te yilojiquix te q'uinale ochic bahel, la stsaquic te loc'omba pasbil ta c'abal, te efod, te loc'ombahetic yu'un na, soc te loc'omba pasbil ta uhltesbil taq'uin, te c'alal ay ta yochibal te puerta a te sacerdote soc te j'ohlil scha'bahc' (600) winiquetic chapalic soc ya'tejibic yu'un guerra.