Jueces 17:2 - Bible in Tzeltal Bachajón

² Hich la yalbe te snane: Te ho'lajunwinic yoxbahc' (1,100) ta sehp plata te la awich' elc'ambeyel, te la awalbe chopol c'oblalil yu'un, soc te la awalbon sc'oblale, ilawil, ho'on quich'oj, ho'on la jquelc'ambat, xchi. Hich la yal te snane: ¡Cal, ac'a ya'bat bendición te Jehová! xchi.

Bible in Tzeltal de Oxchuc y Tenejapa

^2-3 La yal sba ta jamal ta stojol sme': —Te jmil soc jo'winic (1,100) ta jsejp plata te ay mach'atic la yelc'anbate, te la awalbey amen sc'oplal te j'eleq'ue, jo'on quich'oj, jo'on xc'otuc quelc'anbat. Yo'tic ya jsujt'esbat. La caiyix stojol te yacat ta yalel te awac'ojix yu'unin te Cajwaltique, te ya yich' pasel jun loc'omba a te buen pasbil soc pac'bil ta plata —xi'. La sujt'esbey te plata, ja' yu'un te sme' la yal: —Cal, ac'a yac'bat bendición te Cajwaltique —xi'.

Jueces 17:2 ပူးပေါင်းရင်းမြစ်များ

Génesis 14:19

soc la ya'be bendición te Abram, hich la yal: Bayeluc me yutsil sc'oblal te Abram yu'un te Dios te mero toyol ay, ha te mach'a la spas te ch'ulchan soc te bahlumilal:

Nehemías 13:25

La jtijticlan ta c'op, la jcalbe chopol sc'oblalic, la jmajticlan, la jbulticlambe stsotsel sjolic, soc la jcaq'uic ta yalel ta jamal ta stojol Dios, soc hich la jcalbe: Ma me xawa'beyic te awantsil-nich'anic te snich'nabic, soc ma me xawic'beyic yantsil-nich'nabic yu'un te aquerem-nich'anic, soc ha nix hichex ma me xawiq'uic.

Salmos 10:3

Te mach'a chopol yo'tan ya stoy sba yu'un te bin ya sc'an te yo'tane, ya yalbe lec sc'oblal te mach'a jbic'tal-o'tan, soc ya yihlay te Jehová.

Éxodo 20:7

Ma me xatojoltabe ta halel sbihil te Jehová te Dios awu'un, como te Jehová ma ba ya yal te mayuc smul te mach'a ya stojoltabe ta halel te sbihile.

Proverbios 28:24

Te mach'a ya yelc'ambe sbiluc te stat o te snan soc te ya yal te ma muliluc, ha smohlol te mach'a ya xjinawan.

Jeremías 48:10

¡Ma me lecuc sc'oblal te mach'a ma ba jun yo'tan ya spasbe ya'tel te Jehová! ¡Ma me lecuc sc'oblal te mach'a ya scom ta smalel ch'ich' te espada yu'une!

San Mateo 26:74

Te Pedro hich hahch yalbe chopol sc'oblal soc ta yalel ta jamal: ¡Ma jna'be sba te winique! xchi. Hich ora oc' te tat mute.

Romanos 9:3

yu'un co'tanuc te ya xbohlob jc'oblal soc te pihtesbilon yu'un Cristo ta scaj te c'ux ta co'tan te quermanotac, ha te jmohlol-ts'ahquil ta scuenta ch'ich'-baq'uet;

1 Corintios 16:22

Te mach'a ma ba c'ux ya ya'iy ta yo'tan te Cajwaltic Jesucristo, ihlaybil me ac'a c'ohtuc. Talelix te Cajwaltique.

Deuteronomio 27:16

Chopol sc'oblal te mach'a ya sjimbe sc'oblal te sme'stat, xchihic. Hichuc, xchihic me spisil te pueblo.

2 Juan 1:11

Como te mach'a ya yalbe te lec te tale, pajal chopol ya'tel ya xc'oht soc.

Jueces 17:1

Ay jtuhl winic ta witsiltic yu'un Efraín, Micaía sbihil.

Jueces 17:3

Te c'alal la suhtbe te ho'lajunwinic yoxbahc' (1,100) ta sehp plata, hich la yal te snane: Ta scuenta te cal, jc'axel ca'beyejix Jehová te taq'uin scuenta spasel jun loc'omba pasbil ta c'abal soc yan pasbil ta uhltesbil taq'uin. Ya jsutbat te taq'uine, xchi.

Jueces 5:23

¡C'ambeyahic chopol c'oblalil te Meroz! xchi te ch'ul a'bat yu'un Jehová, c'ambeyahic tulan chopol c'oblalil te mach'atic nahinemic tey a, xchi; como ma ba tal scoltayic te Jehová, ma ba tal scoltay Jehová ta scontrahinel te mach'atic ay yipique.

Rut 3:10

Hich la yal te Booz: Ac'a ya'bat bendición te Jehová, cantsil-nich'an. Te bin la apas ta ora ini c'ax hich yutsil a te bin ut'il la apas ta nahil to, te ma ha'uc baht ale jtuhl querem, chican teme pobre o jc'ulej.

1 Samuel 14:24

Pero te winiquetic yu'un Israel ay swocolic ta hich ora, como te Saúl la yac' te ay bin ya yalic ta jamal te winiquetic, hich la yal: Bohlobuc me sc'oblal mach'ayuc a te ay bin ya swe' te ma to x'ihc'ub q'uinal a, te c'alal ma to ba ca'beyej spacol a te jcontrahe, xchi. Hich spisil te winiquetic mayuc bin la swe'ic.

1 Samuel 14:28

Patil c'oponot yu'un jtuhl soldado, hich halbot yu'un: Te atat hich la yac' ta halel ta jamal te winiquetic: Bohlobuc me sc'oblal te winic te ay bin ya swe' yo'tic, xchi. Ha yu'un te mayuquix yipic te winiquetique.

1 Samuel 15:13

Hich baht te Samuel te banti ay Saúl, hich halbot yu'un te Saúl: Ac'a ya'bat bendición te Jehová. C'ohtix ta pasel cu'un te bin la yal te Jehová, xchi.

1 Samuel 23:21

La yal te Saúl: Ac'a ya'beyex bendición te Jehová te bin ut'il la ana'bonic yo'bolil jba.

1 Samuel 26:19

Awocoluc, cajwal, a'iybeya sc'op te a'bat awu'une. Teme ha te Jehová te la yac' te yac acontrahinon, ac'a stsac te mahtanile; yan teme ha winiquetic, jc'axel me bohlobenuc sc'oblalic ta stojol Jehová, como la stenoniquix loq'uel scuenta yu'un ma ba ya xc'ohtix ta jcuenta te bin ya ya'botic te Jehová, hich ya yalbonic: Bahan, ac'a aba ta a'batinel ta stojol yantic diosetic, xchihic.