Jueces 15:5 - Bible in Tzeltal Bachajón

⁵ La stsunticlambe sc'ahc'al, la scoltay bahel te waxetic ta banti te yawil-ts'unubilic te filisteohetique. Hich c'ahc' te trigo te busajtic ta bojel soc te tec'ajtic to, soc nix te ts'usubiletic soc olivohetic.

Bible in Tzeltal de Oxchuc y Tenejapa

⁵ La stsumbey sc'aal te taje, la scoltay bael te waxetic ta bay te q'uinale ta bay strigoic te filisteoetique. Jich c'ajc' te trigoetic te busajtiquix ta set'ele soc te ma to set'biluque. C'ajq'uic uuc te ts'usubiletic soc te olivoetique.

Jueces 15:5 ပူးပေါင်းရင်းမြစ်များ

2 Samuel 14:30

Ha yu'un te Absalón hich la yalbe te a'batetic yu'un: Ilawilic, te sq'uinal Joab slac'oj sba soc te cu'une, ay sts'unoj cebada tey a. Bahan, tsumbeyahic sc'ahc'al, xchi. Hich te a'batetic yu'un Absalón, baht ya'beyic sc'ahc'al te q'uinale.

Éxodo 22:6

Teme ay ya shach c'ahc', teme ya stsac bahel c'ahc' te ch'ixileltic, teme ya schic' trigo te tomajtic o ay to ta yawil, o teme ya xlaj ta c'ahq'uel te bin ts'umbile, te mach'a la shach c'ahc' ya me stoj te bintic ya xlaj ta c'ahq'uel.

Éxodo 23:11

yan ta shuquebal ha'bil ya me awa'be scux yo'tan, mayuc bin ya yich' awel tey a, scuenta yu'un ha ya swe'ic te pobrehetic te ay ta alumal, soc te bin ya xhil yu'unic ha ya swe' te ha'mal chambahlametique. Ha nix hich xapas soc ats'usubil soc te olivo awu'une.

Jueces 15:4

Hich baht te Sansón, la stsac ho'lajunwinic (300) ta coht waxetic, la syomticlambe ta chuquel ta jujun sne soc la schucbe c'ahc' ta yohlil te chebcheb sne.

Jueces 15:6

Te filisteohetic la sjoc'oyic: ¿Mach'a la spas ini? xchihic. Ha te Sansón te snihal te timnat-winic, yu'un pojbot yihnam, ha a'bot yic' te mach'a sjoquinej te Sansón, xchihic. Ha yu'un te filisteohetic tal schiq'uic te ants soc te state.