Jueces 13:3 - Bible in Tzeltal Bachajón

³ Chicnaj ch'ul a'bat yu'un Jehová ta stojol te ants, hich la yalbe: Te ha'ate, jma'alat, mayuc ayinem awal; pero ya me xhahch awal, ya me x'ayin aquerem-al.

Bible in Tzeltal de Oxchuc y Tenejapa

³ Te ants chicnaj ta stojol te ch'ul abat yu'un te Cajwaltique. Jich la yalbey: —Te ja'at ma'yuc ataoj awalatac; ja'uc me to, ya me x'alajat. Ay me ch'in querem awu'un ta patil.

Jueces 13:3 ပူးပေါင်းရင်းမြစ်များ

Génesis 17:16

Ya ca'be bendición, soc ya ca'bat anich'an ta scuenta. Hich, ya ca'be bendición soc ha nanil ya xc'oht yu'un bayel nacionetic; ya xchicnaj ta scuenta bayel ajwaliletic, xchi.

Génesis 18:10

Hich halbot yu'un: Jamal ya calbat, ya xcha'talon ta hich ora ta yan ha'bil, te awihnam Sara ya me x'ayin squerem-al, xchi. Te Sara yac ta ya'iyel te c'op ta sti'il te nahilpac' te ay ta spat.

Génesis 18:14

¿Ay bal bin wocol ta pasel ya ya'iy te Diose? Ya suhton tal ta atojol ta yorahil te la jcalbate, ha yorahil a te ya x'ayin squerem-al te Sara, xchi.

2 Reyes 4:16

Te Eliseo hich la yalbe: Ta yan ha'bil, ta hich ora, ya me apet awal, xchi. La sjac' te ants: Ma'uc, cajwal, winicat yu'un Dios, ma me xatse'lay te a'bat awu'une, xchi.

San Lucas 1:11

Chicnaj ta stojol Zacarías ch'ul a'bat yu'un te Cajwaltic, teq'uel ta wa'el ta schic'ojibal pom.

San Lucas 1:13

Pero hich halbot yu'un te ch'ul a'bat: Ma xiwat, Zacarías, yu'un a'iyotix ac'op ta stojol Dios; ya me x'ayin jtuhl squerem-al te awihnam Elisabet, Juan sbihil ya me xc'oht awu'un.

Jueces 13:10

Te ants ahnimal baht yalbe te smamalal: ¡Ilawil, chicnajix te winic te tal ta jtojol ta yan c'ahc'al! xchi.

Jueces 13:15

Ha yu'un te Manoa la yalbe te ch'ul a'bat yu'un Jehová: Awocoluc, ma to xbahat, ya jchahpambatcotic jcohtuc tensun, xchi.

Jueces 13:6

Te ants hich baht yalbe te smamalal: Ay jtuhl winic yu'un Dios te tal ta jtojol, hich yilel te bin ut'il ch'ul a'bat yu'un Dios, mero xiweltic sba. Ma ba la joc'obe ban talem, soc ma ba la yalbon te sbihile.

Jueces 13:8

Ha yu'un te Manoa la sc'opon te Jehová, hich la yalbe: Ay, Cajwal, te winic te la aticon tal, awocoluc ac'a taluc yan buelta ta jtojolcotic soc ac'a yac' jna'cotic bin ya sc'an ya jpascotic soc te alal te ya x'ayine, xchi.

Jueces 2:1

Te ch'ul a'bat yu'un Jehová loc' tal ta Gilgal, baht ta Boquim, hich la yal: Ho'on la jloq'uesex tal ta Egipto soc la jquiq'uex tal ta q'uinal te la jcalbe ta jamal te ame'atatic te ya ca'be, hich la jcalbe: Mayuc bin ora ya jlajimbe sc'oblal te chapbil-c'op cu'un ta atojolic;

Jueces 6:14

Te Jehová la yilbe sit, hich la yalbe: Bahan soc te awipe, coltaya te Israel ta sc'ab te madianetique. ¿Ma bal ho'ucon ya jticonat bahel? xchi.

1 Samuel 1:20

Hahch yal te Ana; c'alal ts'acay te tiempo ayin squerem-al, la ya'be sbihilin Samuel, yu'un la yal: La jc'ambe te Jehová, xchi.