San Juan 9:30 - Bible in Tzeltal Bachajón

³⁰ La sjac' te winique: Ha jchahp ya ca'iy a te ma xana'ic ban talem, pero la sjambon te jsite.

Nuevo Testamento Tzeltal de Amatenango

³⁰ Pero te winik la sjakꞌtalanbe: —Lom yan ya kaꞌi te ya awalik te ma xꞌanaꞌik ba taleme. Yan te joꞌone la sjambonix jsit.

Bible in Tzeltal de Oxchuc y Tenejapa

³⁰ La yal te winique: —Jchajp nax ya caiy a te ma x'ana'ic stojol ja'ex te bay taleme, melel la sjambonix te jsite.

San Juan 9:30 ပူးပေါင်းရင်းမြစ်များ

Salmos 119:18

Jambon jsit yu'un ya quil te yutsilal ta Ley awu'une.

Isaías 29:14

Ha yu'un yan xan buelta ya cac' ch'ayuc yo'tanic te pueblo ini ta scuenta jchahp a'teliletic; ya xch'ay te p'ijil-o'tanil yu'un te mach'atic p'ij yo'tanic, ya xtup' bahel te bin sna'oj te mach'atic ay bin ya sna'ic, xchi.

Isaías 29:18

Ta hich ora te cohquetic ya ya'iyic bin ya yal ta balbil hun, soc te jts'o'sitetic ya x'ilawanic ta yohlil te yihc'al q'uinal soc ta ahc'abal.

Isaías 35:5

Hich ya xjahm sit te ts'o'sitetic soc ya xjahm schiquinic te cohquetique.

San Mateo 11:5

Ya yiliquix q'uinal te ts'o'sitetic, ya xbeheniquix te coxo'etic, lecubtesbiliquix te jc'a'el-chameletic, ya ya'iyiquix q'uinal te cohquetic, la yich'iquix cha'cuxajtesel mach'atic chamenic, soc yaquix ta halbeyel ya'iy te lec yach'il c'op te pobrehetique.

San Mateo 21:42

Hich joc'obotic yu'un te Jesús: ¿Ma bal awilojic ta Shun Dios: Te ton ch'ayot hilel yu'un te jpas-nahetic, ha sjol yich'o-ip c'oht. Ha te Cajwaltic te hich la spas, bayel yutsil ya quiltic, te xchihe?

San Marcos 6:6

Xcham yo'tan yu'un te mayuc sch'uhunel yo'tanique. La sbehentay te tut pueblohetic ta sjoyobal, yac ta p'ijubteswanej.

San Lucas 7:22

Hich halbotic yu'un te Jesús: Bahanic, a'beyahic sna' te Juan te bintic la awilic soc te la awa'iyique: ha te ya yiliquix q'uinal ts'o'sitetic, ya xbeheniquix coxo'etic, ya yich'iquix lecubtesel jc'a'el-chameletic, ya ya'iyiquix q'uinal cohquetic, ya yich'ic cuxajtesel mach'atic chamenic soc yaquix ta halbeyel ya'iyic te lec yach'il c'op te pobrehetique.

San Juan 12:37

Aunque bayel señahiletic la spas ta stojolic, ma ba la sch'uhunic te Jesús,

San Juan 3:10

Ha'at maestrohat yu'un Israel, xchi te Jesús, ¿yu'un bal ma xana' bin ut'il ay ini?

San Juan 9:29

Jna'ojcotic te c'oponot yu'un Dios te Moisés, pero te winic ini, ma jna'cotic ban talem stuquel, xchihic.

San Juan 9:31

Jna'ojtic te ma x'a'iybot sc'opic yu'un Dios te jmulawiletique; yan te mach'a ha xi'oj te Dios soc te ya spasbe te bin ya sc'an yo'tan, ya x'a'iybot sc'op yu'un stuquel.

2 Corintios 4:6

Como te Dios te la yal mandar te ac'a sacubuc q'uinal ta banti ay yihc'al q'uinal, ha nix la yac' tal sts'anabul ta co'tantic scuenta yu'un hich ya jna'tic a te yutsilal Dios ta sit yelaw te Jesucristo.