San Juan 9:22 - Bible in Tzeltal Bachajón

²² Hich la yal te sme'stat yu'un xi'ojic te judíohetic, como te judíohetic schapojic te ya yich' loq'uesel ta sinagoga te mach'a ya sch'uhun te ha Mesías te Jesús.

Nuevo Testamento Tzeltal de Amatenango

²² Te smeꞌ-state jich a yalik yuꞌun xiꞌik yuꞌun te juriyoetike. Jaꞌ yuꞌun te juriyoetik snopojikix te ya xchꞌojik lokꞌel ta sinagoga machꞌauk a teme ya yal te jaꞌ Cristo te Jesuse.

Bible in Tzeltal de Oxchuc y Tenejapa

²² Jich la yal te sme'-state scaj te la xi'ic te judioetique. Melel chajbanbilix yu'unic te ya yich' loq'uesel ta sinagoga chican mach'a a te ya yal te ja' Cristo te Jesuse.

San Juan 9:22 ပူးပေါင်းရင်းမြစ်များ

Proverbios 29:25

Te xiwel ta stojol ants-winiquetic, ha yaquil c'ohem, yan te mach'a ha smuc'ulinej yo'tan te Jehová, canantaybil stuquel.

Isaías 51:12

Ho'on, ho'on te ya jmuc'ubtesbat q'uinal yac awa'iyic. ¿Mach'ahat a te yac axi' te ants-winiquetic te ya xchamic, te ants-winiquetic te hich ayic te bin ut'il ac?

Isaías 51:7

A'iybon awa'iyic, ha'ex te yac ana'ic te bin stojil ta pasel, pueblohex te ay ta awo'tanic te ley cu'une. Ma me xaxi'ic te bin ya yalbeyex ta utel te ants-winiquetic, ma me xpehc'aj awo'tanic yu'un te labanel yu'unique.

Isaías 57:11

¿Mach'a yac axi', mach'a la xiwtesat, te la alo'loyon, te ma ba la ana'on, ni ma ba tal ta awo'tan? ¿Ma bal ha'uc yu'un te ch'abon ta namey tal, te hich ma ba axi'ojon?

San Lucas 6:22

Bayel me awutsilic c'alal ya sp'ajex te ants-winiquetic, ya stenex loq'uel, ya yixta'c'optayex, soc ya yihlaybeyex abihilic ta scaj te Nich'anil ay ta scuenta winic.

San Juan 1:19

Hich ay te testigo-c'op yu'un te Juan c'alal loq'uic tal ta Jerusalén te sacerdotehetic soc levitahetic te ticombilic yu'un te judíohetic yu'un ya sjoc'obeyic: ¿Mach'ayat a? xchihic.

San Juan 16:2

Ya me stenex loq'uel ta sinagogahetic; soc ya me sta yorahil te ya scuyic te yac spasbelic ya'tel Dios te mach'atic ya smilex.

San Juan 19:38

Ta patil, te José talem ta Arimatea, te ha jnopojel yu'un Jesús, pero muquen sch'uhunej yu'un la xi' te judíohetic, ha la sc'ambe te Pilato te yacuc yich'be bahel sbaq'uetal te Jesús; te Pilato la ya'be. Hich la yich'be bahel te sbaq'uetal te Jesús.

San Juan 20:19

Te c'alal ihc'ub q'uinal ta sba c'ahc'alil semana, macajtic a te puertahetic te banti stsoboj sbahic te jnopojeletic ta scaj te la xi'ic te judíohetic, tal te Jesús, la stehc'an sba ta yohlilic, hich la yal: ¡Lamaluc me q'uinal yac awa'iyic! xchi.

San Juan 7:13

Pero mayuc mach'a la yalbe sc'oblal ta comonsitil ta scaj te xi'ojic te judíohetique.

San Juan 9:18

Pero te judíohetic ma ba la sch'uhunic te ha ts'o'sit ta nahil to soc te jahmix te site, ha to c'alal la yic'beyic tal te sme'stat te mach'a jambot sit,

San Juan 9:21

Pero te bin ut'il ya yilix q'uinal ta ora ini, ma ba ya jna'cotic soc ma ba ya jna'cotic mach'a a te jambot sit yu'une. Joc'obeyahic, ayix ya'bilal, ha nix ya yal sba, xchihic.

San Juan 9:34

La sjaq'uic: Ta scuenta mulil te ayinat, ¿ha'at bal yac anohptesotcotic? la yutic. Hich la stenic loq'uel.

San Juan 9:35

La ya'iy te Jesús te tenot loq'uel te winique. C'alal la sta, hich la yalbe: ¿Ya bal ach'uhun te Snich'an Dios? xchi.

Hechos 4:18

Hich la sticonic xan ta iq'uel tal, la yalbeyic tulan mandar te ma me xc'opojiquix soc ma me xyaq'uiquix ta nopel ta scuenta sbihil te Jesús.

Hechos 5:13

te yantic ants-winiquetic mayuc mach'a tojol nax tal yac' sbahic soc; pero ich'bilic ta muc' yu'un te pueblo.

Hechos 5:40

Hich la sch'uhunic. Ha yu'un la sticonic xan ta iq'uel te jpuc-c'opetic; c'alal laj smajbelic a, la scomic te manchuc ya yalbeyic xan sc'oblal te Jesús, hich la scoltayic bahel.

Apocalipsis 21:8

Yan te mach'atic ay xiwel ta yo'tanic, te ma sch'uhunic, te chopolic, jmilawetic, j'antsiwejetic, j'antsineletic, j'ilojeletic, mach'atic sch'uhunejic loc'ombahetic soc spisil jlotetic ha yu'unic ya xc'oht te banti yac ta tihlel pamal c'ahc' soc azufre. Ha te schebal buelta lajel abi, xchi te Diose.