San Juan 8:55 - Bible in Tzeltal Bachajón

⁵⁵ Pero ma xana'beyic sba te Diose. Yan te ho'one, ya jna'be sba. Teme ya cal te ma jna'be sba, yacon ta lot hich te bin ut'il te ha'exe. Pero ya jna'be sba soc jcanantaybeyej te sc'ope.

Nuevo Testamento Tzeltal de Amatenango

⁵⁵ Pero te jaꞌexe ma xꞌanaꞌbeyik sba; yan te joꞌone ya jnaꞌbe sba. Teme ya kal te ma jnaꞌbe sba, jich jle-loton euk ya xkꞌoon, jich tutꞌil te jaꞌexe. Pero batsꞌi jich te ya jnaꞌbe sbae, sok jaꞌ ya kaꞌbe ta jkuenta te skꞌope.

Bible in Tzeltal de Oxchuc y Tenejapa

⁵⁵ Ja'uc me to, ma x'ana'beyic sba. Yan te jo'one, ya jna'bey sba. Te yacuc cal te ma jna'bey sbae pajal jpas-lototic ta jpisiltic te jichuque. Ja'uc me to, ya jna'bey sba ta mero melel. Soc ja' ya quich' ta muc' te bila ya yale.

San Juan 8:55 ပူးပေါင်းရင်းမြစ်များ

Jeremías 4:22

Ha sonso te pueblo cu'un, ma sna'bon jba; ha al-nich'anetic te mayuc bin ya sna'ic, ma sna'ic q'uinal. Ay sp'ijilic ta spasel te bin chopol, pero ma sna'ic spasel te bin leque, xchi te Jehová.

Jeremías 9:3

Chapal yu'unic yalel lot hich te bin ut'il t'ihmalte'; ha ya ya'iy tsalaw te lot ta q'uinal, ma ha'uc te smelelile; yac ta p'ohlel yu'unic te bin chopole. Ma sna'bonic jba, xchi te Jehová.

Oseas 5:4

Te ya'telic ma xyaq'uic te ya suhtic tal ta stojol te Dios yu'unique, como ha nax ya sc'anic antsiwej, ma sna'beyic sba te Jehová.

San Mateo 11:27

Spisil te bintic ay, a'bibilon ta jc'ab yu'un te Jtate; soc mayuc mach'a ya sna'be sba te Nich'anil, ha nax te Tatil te ya sna'be sba, soc mayuc mach'a ya sna'be sba te Tatil, ha nax te Nich'anil te ya sna'be sba soc te mach'atic ya sc'an ya x'a'botic sna'beyic sba yu'un te Nich'anil.

San Lucas 10:22

Spisil te bintic ay, a'bibilon ta jc'ab yu'un te Jtate; soc mayuc mach'a ya sna'be sba te Nich'anil, ha nax te Tatile; soc mayuc mach'a ya sna'be sba te Tatil, ha nax te Nich'anil soc te mach'atic ya sc'an ya x'a'bot sna'beyic sba yu'un te Nich'anile, xchi.

San Juan 1:18

Mayuc mach'a yiloj te Diose, pero te hip jtuhl Snich'an te jun ay soc te Tatil, ha la yac' ta na'beyel sba.

San Juan 10:15

hich te bin ut'il ya sna'bon jba te Tatil soc te ya jna'be sba te Tatile; soc ya cac' jcuxlejal ta scuenta te tuminchijetique.

San Juan 15:10

Teme yac ach'uhunic spasel te mandariletic cu'un, hich jc'axel ya x'ayinex ta stojol a te sc'uxul co'tan, hich te bin ut'il jch'uhunej spasel te mandariletic yu'un te Jtat soc jc'axel ayon ta stojol te sc'uxul yo'tan.

San Juan 15:21

Pero ya me spasbeyex spisil ini ta scaj te jbihile, como ma sna'beyic sba te mach'a la sticonon tale.

San Juan 16:3

Hich ya spasic ta scaj te ma sna'beyic sba te Tatil soc ma sna'bonic jba.

San Juan 17:25

Jtat te toj awo'tan, ma ba sna'beyejat aba te mach'atic ayic ta bahlumilal, pero ho'on ya jna'bat aba, soc te mach'atic li' ayic sna'ojiquix te ha'at la aticonon tale.

San Juan 6:46

Ma yu'unuc te ay mach'a yiloj te Tatile, ha nax te mach'a talem ta stojol Dios, ha yiloj stuquel te Tatile.

San Juan 8:19

La yalbeyic: ¿Banti ay te Atate? xchihic. La sjac' te Jesús: Ma xana'bonic jba, soc ma xana'beyic sba te Jtate. Te yacuc ana'bonic jba, yac ana'beyic sba te Jtat te hichuque, xchi.

San Juan 8:29

Como sjoquinejon te mach'a la sticonon tale; ma ba spihtesejon te Tatil, como spisil ora ya jpas te bin lec yo'tan yu'un stuquel, xchi.

San Juan 8:44

Te ha'exe, ha yu'unex te atatic, ha te pucuje, soc yac apasbeyic te bin ya sc'an yo'tan te atatique. Stalel jmilaw c'alal shahchibal, mayuc bin ora melel te sc'ope, como stalel mayuc smelelil c'op yu'un. C'alal ya ya'iy lot, ha nix sc'op ya yal, como mero jlot stuquel soc ha tatil yu'un lot.

San Juan 8:51

Tulan sc'oblal ya calbeyex, te mach'a ya scanantaybon te jc'ope, mayuc bin ora ya xcham, xchi.

San Juan 8:52

La yalic te judíohetic: La jna'cotiquix te ay pucuj ta awo'tan. Cham te Abraham soc te jalwanejetic; pero ha'at yac awal: Te mach'a ya scanantaybon te jc'ope, mayuc bin ora ya xcham, xchihat.

Hechos 17:23

Como te c'alal c'axon bahel ta yilel banti ya yich' ch'uhunel te diosetic awu'unic, la jta jun scajtajib ta chiq'uel mahtanil ta banti hich ts'ihbabil: TE DIOS MA NA'BILUC SBA, te xchihe. Te bin yac ach'uhunic te ma xana'beyic sba, ha te ya calbeyex sc'oblale.

2 Corintios 4:6

Como te Dios te la yal mandar te ac'a sacubuc q'uinal ta banti ay yihc'al q'uinal, ha nix la yac' tal sts'anabul ta co'tantic scuenta yu'un hich ya jna'tic a te yutsilal Dios ta sit yelaw te Jesucristo.

1 Juan 1:6

Teme ya caltic te ha jun co'tan jbahtic soc te Diose, pero teme yacotic ta behel ta yihc'al q'uinal, ya ca'iytic lot soc ma ba yacotic ta spasel te bin ya yal te smelelil c'ope.

1 Juan 2:22

¿Mach'a a te ya ya'iy lot? Ha te mach'a ya yal te ma ha'uc Cristo te Jesús. Ha te anticristo abi, ha te mach'a ya smuc ta yo'tan te Tatil soc te Nich'anile.

1 Juan 2:4

Te mach'a hich ya yal: Ya jna'be sba te Diose, teme xchihe, pero teme ma ba ya sch'uhumbe smandar, yac ta lot, soc ma ba ay ta yo'tan te smelelil c'ope.

1 Juan 5:10

Te mach'a ya sch'uhun te Snich'an Diose ay ta yo'tan te testigo-c'op ini; yan te mach'a ma ba ya sch'uhun Dios, ha yac ta lot te Dios ta sc'op, como ma ba sch'uhunej te testigo-c'op yu'un Dios te yalbeyej sc'oblal te Snich'ane.

Apocalipsis 3:9

Te mach'atic ta sinagoga yu'un Satanás, te ha judío ta sc'opic, pero ma ha'uc, ya me cac' taluc squejan sbahic ta ye'tal awoc soc ya me sna'ic te c'ux la jca'iyat ta co'tane.