San Juan 8:53 - Bible in Tzeltal Bachajón

⁵³ ¿Yu'un bal ha'at toyolat yu'un te jtatic Abraham, te cham? ¡Ha nix hich chamic te jalwanejetic! ¿Mach'a yac acuy aba a te ha'ate? la yutic.

Nuevo Testamento Tzeltal de Amatenango

⁵³ ¿Me yuꞌun wan jaꞌat mas kꞌaxemat ke te jtatik Abrahame? Cham stukel, y te jꞌalwanejetike laj chamik euk. ¿Jal tsꞌiin jaꞌate, machꞌa akuyoj aba a? —xyutik.

Bible in Tzeltal de Oxchuc y Tenejapa

⁵³ ¿Yu'un bal cajalat yu'un te jtatic Abrahame? Laj te Abrahame. Lajic uuc te j'alwanejetique. ¿Ja'xan te ja'ate, mach'a ya acuy aba a? —la yutic.

San Juan 8:53 ပူးပေါင်းရင်းမြစ်များ

Isaías 9:6

Como ayinemix jtuhl alal ta jcuentatic, a'bilotic jtuhl nich'anil, ha ya xc'oht ta stojol te cuentahinwanej. Hich ya x'a'bot sbihil: C'ax lequil J'ac'-o'tanil, Dios te ay yu'el, Tatil sbahtel q'uinal, Snich'an ajwalil yu'un lamal q'uinal.

San Mateo 12:6

Ya calbeyex te li' ay te mach'a c'ax hich sc'oblal a te bin ut'il te Templo.

San Mateo 3:9

Ma me hichuc xawal ta awo'tanic: Ha jtatcotic te Abraham, ma me xchihuquex, como ya calbeyex, te Dios ya xhu' ya sutp'in ta yal-snich'an Abraham ha'i tonetic ini.

San Juan 10:33

La sjaq'uic te judíohetic: Ma ha'uc ya jch'ojatcotic ta ton yu'un te lequil a'telil, ha ya jch'ojatcotic ta ton yu'un te yac abohlc'optaybel Dios, como ha'at winicat yac acuybel aba ta Dios, xchihic.

San Juan 12:34

Hich la sjaq'uic te ants-winiquetique: Ca'iyejcotic ta Shun Dios te stalel cuxul te Cristo. Ha yu'un ¿bin yu'un yac awal te ya sc'an ya yich' toyel hahchel te Nich'anil ay ta scuenta winic? ¿Mach'a a te Nich'anil ay ta scuenta winic yac awale? xchihic.

San Juan 19:7

La sjaq'uic te judíohetic: Ay ley cu'uncotic, tey ya yal a te ya me xlaj, como la yal sba te ha Snich'an Dios, xchihic.

San Juan 4:12

¿Ha'at bal muc' xan ac'oblal a te bin ut'il te jtatic Jacob, te la ya'botcotic hilel te pozo ini te banti la yuch' ha' soc snich'nab soc schansbahlam? xchi te antse.

San Juan 5:18

Ha scuentahil te judíohetic la ya'beyic xan yip ta schapbeyel sc'oblal ta milel; ma ha'uc nax yu'un te la sc'axuntay te sc'ahc'alel cux-o'tan, ha nix yu'un te la yal te ha Stat te Diose, hich la spajaltay sba soc Dios.

San Juan 8:58

Halbotic yu'un te Jesús: Tulan sc'oblal ya calbeyex, te c'alal ma to ayuc a te Abraham, jtalel ayon te ho'one, xchi.

Romanos 9:5

Ha yu'unic te namey tatiletic, soc ta scuenta ch'ich'-baq'uet tey talem a te Cristo, te ha Dios yu'un spisil bintic ay, te stalel ay ta ich'el ta muc'. Hichuc.