San Juan 8:48 - Bible in Tzeltal Bachajón

⁴⁸ La sjaq'uic te judíohetique: ¿Ma bal hichuc la jcalcotic te ha'at samaritanohat soc te ay pucuj ta awo'tan? xchihic.

Nuevo Testamento Tzeltal de Amatenango

⁴⁸ Te juriyoetike jich a yalbeyik: —Ay rason te ya kaltik te pajalat sok te samariaetike, y te ay pukuj ta awoꞌtane —xchiik.

Bible in Tzeltal de Oxchuc y Tenejapa

⁴⁸ La yalic te judioetique: —Melel xcaltic, pajalat soc samariaetic soc ay pucuj ta awo'tan —xiic.

San Juan 8:48 ပူးပေါင်းရင်းမြစ်များ

Isaías 49:7

Hich yaloj te Jehová, te J'ac'aw ta libre, te Ch'ul Dios yu'un Israel, hich ya yalbe te mach'a ihlaybil, te p'ajbil yu'un te nacionetic, te a'bat yu'un te tulan jcuentahinwanejetic: C'alal ya yilex ajwaliletic, ya me xhahchic, ya me squejan sbahic príncipaletic, ta scaj Jehová te stalel jun yo'tan, te Ch'ul Dios yu'un Israel te la stsahate, xchi.

Isaías 53:3

Ha ihlaybil soc p'ajbil yu'un te ants-winiquetique, ha jtuhl winic te bayel bin c'ux ya ya'iy, ya sna' bin ut'il ay wocol; hich c'ohem te bin ut'il mach'a ma ba la sc'an ya quilbetic sit yelaw, ha p'ajbil, soc ma ba la jquich'tic ta cuenta.

San Mateo 10:25

Tic'uc a te jnopojel te pajal ya xc'oht soc te maestro yu'un, soc te a'bat te pajal ya xc'oht soc te yajwale. Teme a'bot sbihilin Beelzebú te tatile, ¿ha'uc to balix a te mach'atic ay yu'un ta sna?

San Mateo 10:5

Te Jesús la sticonlan bahel te lahchaytuhl, hich la snohpteslan bahel: Ma me xbahex ta sq'uinal jyanlumetic soc ma me x'ochex bahel ta slumal samaritanohetic,

San Mateo 11:18

yu'un tal te Juan te ma ba we' uch', hich ya yalic: Ay pucuj ta yo'tan, xchihic.

San Mateo 12:24

Yan te fariseohetic, c'alal la ya'iyic, hich la yalic: Ha nax ta scuenta Beelzebú te yajaw pucujetic te ya sloq'ues a te pucujetique, xchihic.

San Mateo 12:31

Ha yu'un ya calbeyex, spisil muliletic soc spisil sbohlc'optayel Dios ay perdón yu'un; yan te sbohlc'optayel te Ch'ul Espíritu, mayuc perdón yu'un stuquel.

San Mateo 15:7

¡Jchebal-o'tanex! Smelelil te bin la yalbeyex ac'oblalic te Isaías te c'alal hich la yal:

San Juan 1:19

Hich ay te testigo-c'op yu'un te Juan c'alal loq'uic tal ta Jerusalén te sacerdotehetic soc levitahetic te ticombilic yu'un te judíohetic yu'un ya sjoc'obeyic: ¿Mach'ayat a? xchihic.

San Juan 10:20

Ay tsobolic la yalic: Ay pucuj ta yo'tan, sohquem sjol. ¿Bin stuc awu'un yac awa'iybeyic sc'op? xchihic.

San Juan 13:13

Ha'ex hich yac awalbonic: Maestro soc Cajwal, xchihex, lec te hich yac awalic, como ho'on nix a.

San Juan 4:9

La sjac' te Samaritana-ants: ¿Bin yu'un te ha'at judío-winicat yac ac'ambon awuch' ha' te samaritana-antson? xchi. (Como te judíohetic ma ba ya sc'opon sbahic soc te samaritanohetique.)

San Juan 7:20

La sjaq'uic te ants-winiquetic: Ay pucuj ta awo'tan, ¿mach'a yac schapbelat ac'oblal ta milel? xchihic.

San Juan 8:22

La yalic te judíohetic: ¿Yu'un bal ya smil sba, te hich ya yal: Te banti ya xbohon ma xhu' ya xbahex tey a, te xchihe? xchihic.

San Juan 8:52

La yalic te judíohetic: La jna'cotiquix te ay pucuj ta awo'tan. Cham te Abraham soc te jalwanejetic; pero ha'at yac awal: Te mach'a ya scanantaybon te jc'ope, mayuc bin ora ya xcham, xchihat.

Romanos 15:3

como ha nix hich te Cristo ma ha'uc la sle te bin lec yo'tan yu'un stuquel, hich te bin ut'il ts'ihbabil: Ha c'oht ta jtojol te ixta'c'optayel yu'un te mach'atic ya yixta'c'optayat, xchi.

Hebreos 13:13

Ha yu'un ac'a loc'ucotic bahel ta stahel ta sti'il te campamento, pajal ac'a cuhchuc cu'untic te p'ajel yu'une,

Santiago 2:19

Ha'at ach'uhunej te junax Dios ay; lec ay. Ha nix hich sch'uhunej te pucujetic, soc ya xnihc yo'tanic yu'un.