San Juan 8:46 - Bible in Tzeltal Bachajón

⁴⁶ ¿Ay bal jtuhlex te ya xhu' ya yal te ay jmule? Teme smelelil te bin ya cal, ¿bin yu'un ma ba yac ach'uhunonic?

Nuevo Testamento Tzeltal de Amatenango

⁴⁶ ¿Me ay jtulukex te ya yakꞌ ta ilel te ay jmule? Teme ya kal te tut batsꞌi jiche, ¿tuꞌun te ma xꞌachꞌuunik teꞌ?

Bible in Tzeltal de Oxchuc y Tenejapa

⁴⁶ ¿Ay bal jtuluc ja'ex ya atabonic te jmule? Teme smelelil te bi ya cale, ¿bistuc ma xach'uunbonic jiche?

San Juan 8:46 ပူးပေါင်းရင်းမြစ်များ

San Mateo 21:25

Te ich'-ha' yu'un te Juan, ¿banti tal? ¿Talem bal ta ch'ulchan o ta stojol ants-winic? xchi. Hich talel c'axel la yalbe sbahic: Teme ya caltic: Talem ta ch'ulchan, teme xchihotic, ya me yalbotic: ¿Bin yu'unix ma ba la ach'uhunic hiche? ya me yutotic.

San Marcos 11:31

Talel c'axel hahch yalbe sbahic: Teme ya caltic: Yu'un ch'ulchan, teme xchihotique, ya me yal: ¿Bin yu'unix ma ba la ach'uhunic a? ya me yutotic.

San Juan 14:30

Mayuquix bayel c'ahc'al ya jc'oponex, como yaquix ta talel te principal yu'un te bahlumilal. Mayuc bin yochelon a;

San Juan 15:10

Teme yac ach'uhunic spasel te mandariletic cu'un, hich jc'axel ya x'ayinex ta stojol a te sc'uxul co'tan, hich te bin ut'il jch'uhunej spasel te mandariletic yu'un te Jtat soc jc'axel ayon ta stojol te sc'uxul yo'tan.

San Juan 16:8

Te c'alal ya xtal, ya me ya'be sna'ic bin ut'il ay sc'oblal mulil te mach'atic ayic ta bahlumilal, soc bin ut'il ay sc'oblal toj-o'tanil soc schahpanel mulil.

San Juan 18:37

La yal te Pilato: ¿Melel bal hiche te ajwalilat? xchi. La sjac' te Jesús: Ha'at nix yac awal te ajwalilon. Ha scuentahil te ayinon soc ha scuentahil te talon ta bahlumilal, yu'un ya cal ta jamal te smelelil c'ope. Spisil te mach'atic ayic ta scuenta te smelelil c'op, ya ya'iybonic jc'op, xchi.

San Juan 8:47

Te mach'a yu'un Dios, ha ya ya'iybe sc'op te Diose; ha scuentahil te ma ba yac awa'iyic, como ma ba yu'unex te Diose, xchi.

San Juan 8:7

Te bin ut'il ma ba laj yo'tanic ta sjoc'obeyel, la stehc'an sba, hich la yalbe: Te mach'a mayuc smul, ha nahil ac'a sch'oj ta ton te antse, xchi.

2 Corintios 5:21

Te mach'a mayuc smul, a'bot te ha mulil c'oht ta jcuentatic, scuenta yu'un toj ya yilotic Dios ta scuenta.

Hebreos 4:15

Como te muc'ul sacerdote cu'untic ma yu'unuc ma sna'botic yo'bolil jbahtic yu'un te mayuc quiptic, como hich nix la ya'iy tsajel ta spisil hich te bin ut'il te ho'otic, pero ma ba stahoj smul stuquel.

Hebreos 7:26

Ya xtuhun cu'untic te muc'ul sacerdote te ch'ultesbil, te mayuc smul, parte ay yu'un jmulawiletic soc c'ax hich toybot sc'oblal a te bin ut'il te ch'ulchane.

1 Pedro 2:22

Mayuc la sle smul soc mayuc lotil c'op loc' ta ye.