San Juan 8:44 - Bible in Tzeltal Bachajón

⁴⁴ Te ha'exe, ha yu'unex te atatic, ha te pucuje, soc yac apasbeyic te bin ya sc'an yo'tan te atatique. Stalel jmilaw c'alal shahchibal, mayuc bin ora melel te sc'ope, como stalel mayuc smelelil c'op yu'un. C'alal ya ya'iy lot, ha nix sc'op ya yal, como mero jlot stuquel soc ha tatil yu'un lot.

Nuevo Testamento Tzeltal de Amatenango

⁴⁴ Te atatik te jaꞌexe jaꞌ te pukuje; te jaꞌexe jaꞌ ya apasbeyik te tut ya skꞌan yoꞌtane. Te pukuje ja jmilaw kꞌalal ta slijkibal to tal. Makꞌ xtuun yuꞌun te tut batsꞌi jiche; maꞌyuk ya yal te tut batsꞌi jiche. Te kꞌalal ya sle lote, jaꞌ ya yal te tut stalel ay ta yoꞌtane. Porke loꞌlawane stukel y jaꞌ tatil yuꞌun te le-lote.

Bible in Tzeltal de Oxchuc y Tenejapa

⁴⁴ Te ja'exe, ja' atatic te pucuje, soc ya sc'an awo'tanic ya apasic te bila ya sc'an yo'tane. Te pucuje milawal ta xjajch'ibal to tel stuquel. Ma'yuc stuul ta yo'tan te bila smelelile, yu'un ma'yuc bila melel te ay ta yo'tane. Te c'alal ya spas lote, ja' ya yal te bila stalel ay ta yo'tane. Melel jpas-lot nanix stuquel a, soc ja' static spisil te jpas-lotetique.

San Juan 8:44 ပူးပေါင်းရင်းမြစ်များ

Génesis 3:15

Soc ya cac' te contra yac awil aba soc te antse, soc te ats'umbal contra ya yil sba soc te sts'umbale; ha ya yehchentesbat ajol, yan te ha'ate yit nax yoc yac awehchentesbe stuquel, xchi sc'oblal.

1 Reyes 22:22

Ya xloc'on bahel, ha lotil espirituhon ya xc'ohon ta ye spisil te jalwanejetic, xchi. Te Jehová la yal: Ya xhu' awu'un yac ajuc. Bahan, pasa, xchi.

1 Crónicas 21:1

Te Satanás hahch ta scontrahinel te Israel, la stijbe yo'tan te David te ya yahtay te Israel.

Job 1:11

Pero te yacuc ahach ac'ab yo'tic ta spojbeyel spisil te bintic ay yu'une, ya me awil teme ma ba ya sbohlc'optayat ta atojol, xchi.

San Mateo 12:34

¡Sts'umbalex jti'awal chanetic! ¿Bin ut'il c'an lecuc ac'opic te chopolexe? Como ya xloc' ta ehal te bintic nojel ta o'tanil.

San Mateo 13:15

como tonoben yo'tanic ha'i pueblo ini, wocol ya x'och c'op ta schiquinic, soc smuts'oj sitic; scuenta yu'un ma ba ya yilic ta sitic, ma ba ya ya'iyic ta schiquinic, ma ba ya xc'oht ta yo'tanic, soc ma ba ya suhtes yo'tanic, te ya jlecubtes te hichuque, te xchihe.

San Mateo 13:38

Te q'uinal, ha te bahlumilal; te lequil ts'unubil, ha te al-nich'anetic yu'un te cuentahinel yu'un te ch'ulchan, soc te ac, ha te yal-snich'nab te mach'a chopol.

San Juan 6:70

La sjac' te Jesús: ¿Ma bal lahchaytuhlex te tsahbilex cu'un? Pero ay jtuhl te ha pucuj, xchi.

San Juan 7:17

Te mach'a ya sc'an ya spas te bin ya sc'an yo'tan te Diose, ya me sna' teme ha nohptesel yu'un Dios o teme jtuquel-o'tan nax ya xc'opojon.

San Juan 8:38

Te ho'one ya cal te bin quiloj ta stojol te Tatile, soc te ha'exe yac apasic te bin awa'iyejic ta stojol te tatil awu'unique, xchi.

San Juan 8:41

Te ha'exe ha yac apasbelic ya'tel te atatique, xchi. La yalbeyic: ¡Te ho'otcotic ma ba yalotcotic j'antsinel-ants! ¡Junax te jtatcotic, ha te Diose! xchihic.

San Juan 8:55

Pero ma xana'beyic sba te Diose. Yan te ho'one, ya jna'be sba. Teme ya cal te ma jna'be sba, yacon ta lot hich te bin ut'il te ha'exe. Pero ya jna'be sba soc jcanantaybeyej te sc'ope.

Hechos 13:10

hich la yalbe: ¡Nojel ta awo'tan lo'loywanej soc spisil bintic chopol, yal-snich'anat pucuj, acontrahinej spisil te bintic stojil ta pasel! ¿Jc'axel bal ma xacom aba ta sjimbeyel te toj be yu'un te Cajwaltique?

Hechos 24:9

Ha nix hich te judíohetic la yalic te hich ay.

Hechos 5:3

La yal te Pedro: Ananías, ¿bin yu'un noj ta awo'tan te Satanás yu'un yac alotiy te Ch'ul Espíritu, te la awich' j'ohlil te stojol te q'uinale?

2 Corintios 11:3

Pero hich te bin ut'il te chan la smombe yo'tan ta lo'loyel te Eva, ya jxi' te ay wan bin ut'il ya showiytesbeyex te snopojibal awu'unic, te hich ma junuquix awo'tanic ta stojol Cristo.

1 Pedro 5:8

P'ijanic me soc wic'sitaya me abahic, como te acontrahic, ha te pucuj, bayuc yac ta behel, hich te bin ut'il choj, ta slehel mach'a ya slajin.

2 Pedro 2:4

Dios ma ba la spasbe perdón te ch'ul a'batetic te la sta smulic, la sch'ojticlan bahel ta infierno, la yac'ticlan ta chuquel ta yihc'al q'uinal te banti ya smahliyic ich'el ta c'op.

1 Juan 1:8

Teme ya caltic te mayuc jmultic, ya jlo'loy jbahtic, ma ba ay ta co'tantic te smelelil c'ope.

1 Juan 2:21

Ma ba ya jts'ihbabeyex yu'un te ma ba yac ana'ic te smelelil c'op, yu'un yac ana'ic, soc yu'un ma xloc' talel lot ta smelelil c'op.

1 Juan 2:4

Te mach'a hich ya yal: Ya jna'be sba te Diose, teme xchihe, pero teme ma ba ya sch'uhumbe smandar, yac ta lot, soc ma ba ay ta yo'tan te smelelil c'ope.

1 Juan 3:12

Ma me hichucotic te bin ut'il Caín, te ha yu'un te pucuj, te la smil te yihts'ine. ¿Bin yu'un te la smile? Yu'un chopol te ya'tel te Caín, yan te yihts'in toj ya'tel stuquel.

1 Juan 3:15

Spisil mach'a ya yil-o'tantay te yermano, jmilaw me c'ohem. Ana'ojic te mayuc jtuhluc jmilaw te ay scuxlejal scuenta sbahtel q'uinal.

Judas 1:6

Ha nix hich te ch'ul a'batetic te ma ba la scanantayic te ya'tel yich'ojic, la yihquitayic hilel te yawilic, ha q'uejbilic yu'un Dios ta yihc'al q'uinal, stalel chuculic ha to ta yorahil ich'el ta c'op ta smuc'ul c'ahc'alel.

Apocalipsis 12:9

La yich' ch'ojel cohel te muc'ul dragón, ha te antiguo chan, te Pucuj soc Satanás sbihil, ha te ya slo'loy spisil te bahlumilale. Ch'ojot cohel ta bahlumilal soc te a'batetic yu'une.

Apocalipsis 13:14

Ya slo'loylan mach'atic nahinemic ta bahlumilal ta scuenta te señahiletic ya x'a'bot spas ta stojol te chambahlam te xiweltic sba, ya spasticlan ta mandar te ya me spasbeyic sloc'ombahil te chambahlam te xiweltic sba te ehchentesot ta espada pero cuxaj.

Apocalipsis 2:10

Ma me xiwat yu'un teme ya xc'ax awocol. Ay me ya yotsesex ta cárcel te pucuj scuenta atsajelic; lajuneb c'ahc'al ya me xc'ax awocolic. Junuc me awo'tan ha to c'alal ya xlajat, ya me ca'bat te corona scuenta cuxlejal.

Apocalipsis 21:8

Yan te mach'atic ay xiwel ta yo'tanic, te ma sch'uhunic, te chopolic, jmilawetic, j'antsiwejetic, j'antsineletic, j'ilojeletic, mach'atic sch'uhunejic loc'ombahetic soc spisil jlotetic ha yu'unic ya xc'oht te banti yac ta tihlel pamal c'ahc' soc azufre. Ha te schebal buelta lajel abi, xchi te Diose.

Apocalipsis 22:15

Yan te ts'i'etic, te j'ilojeletic, j'antsiwejetic, j'antsineletic, jmilawetic, te mach'atic sch'uhunejic loc'ombahetic soc spisil mach'atic te ya smulanic te ya ya'iyic lot, ya me xhilic ta pat ts'ahc stuquelic.

Apocalipsis 9:11

Ha yajawic te jcanan-xahab, Abadón sbihil ta hebreo, Apolión sbihil ta griego.