San Juan 8:32 - Bible in Tzeltal Bachajón

³² soc ya me ana'beyic sba te smelelil c'op, soc ha ya yaq'uex ta libre te smelelil c'ope, xchi.

Nuevo Testamento Tzeltal de Amatenango

³² Jich me ya anaꞌik te tut batsꞌi jiche, y te tut batsꞌi jiche ya me yakꞌex ta libre —xchi.

Bible in Tzeltal de Oxchuc y Tenejapa

³² Jich me ya ana'ic te bila melele. In te bila melele, ja' ya yaq'uex ta libre —xi'.

San Juan 8:32 ပူးပေါင်းရင်းမြစ်များ

Salmos 119:45

Libre ya xbehenon, como la jle te mandariletic awu'une.

Salmos 25:5

Tojobtesawon bahel ta scuenta te smelelil c'op awu'un, soc nohptesawon, como ha'at Diosat yu'un te jcolele, ha'at smuc'ulinejat co'tan sjunal c'ahc'al.

Proverbios 1:23

Suhtanic tal ta stojol te tojobtesel cu'un, ya me jmal ta atojol te espíritu cu'un, ya ca'beyex ana'ic te bintic jnopoj.

Proverbios 1:29

ta scaj te la yihlayic te p'ijil-o'tanil, soc ma ba la stsahic te ya yich'ic ta muc' te Jehová;

Proverbios 4:18

Te be yu'un te mach'atic toj yo'tanic hich ay te bin ut'il ya xhahch ta sacubel te q'uinal, te behbe ya sacub ha to c'alal ts'acal sacubix te q'uinale.

Isaías 2:3

Ya xtalic bayel pueblohetic soc hich me ya yalic: La'ic, mohucotic ta wits yu'un Jehová, ta sna te Dios yu'un Jacob. Ha ya ya'botic jnoptic te behetic yu'un, hich ya xbehenotic ta tut behetic yu'un, xchihic. Como ya xloc' tal ta Sión te Ley, ta Jerusalén ya xloc' tal te sc'op te Jehová.

Isaías 30:21

Teme ya xbahat ta wa'el o ta q'uexam, ya me awa'iy c'op ta apat te hich ya yalbat: Ha te be ini, t'una me, xchi.

Isaías 35:8

Soc ay me muc'ul be tey a, ha Ch'ul Be ya xc'oht te sbihile. Ma ba ya xc'ax jtuhluc tey a te bohloben sc'oblal, ha nax te mach'atic st'unojic te behe, ma ba ya xbehenic tey a te mach'atic ma sna'ic q'uinal.

Isaías 54:13

Spisil te awal-anich'nabic ya yich'ic nohptesel yu'un te Jehová, soc ya xp'ohl te lamal quinal ya ya'iyic te awal-anich'nabique.

Isaías 61:1

Ay ta jtojol te espíritu yu'un te Cajwaltic Jehová, yu'un ha la stsahon te Jehová. La sticonon bahel ta yalbeyel lec yach'il c'op te pobrehetic; ta spoxtayel te mach'atic pich'il yo'tanic, ta yalbeyel te ya xcolic ta libre te mach'atic ayic ta chuquel, soc ta yalbeyel te mach'atic chuquelic te jamalix te cárcel;

Jeremías 6:16

Hich la yal te Jehová: Tehc'ana abahic ta behbetic soc ilawilic, joc'oyahic te namey behetic, ha te banti ay te lequil be. Tey me ya xbehenex a, hich ya sta cux-o'tanil a te ach'uhlelic, xchi. Pero hich la yalic: Ma ba ya xbehenotic tey a, xchihic.

Oseas 6:3

Ac'a jna'betic sba te Jehová; ya xtal ta jtojoltic hich smelelil te bin ut'il ya xloc' tal te c'ahc'ale; ya xtal ta jtojoltic hich te bin ut'il te ha'ale, hich te bin ut'il te ha'al ta yorahil sit soc ta yorahil shahchel snahtil c'ahc'al te ya yahts'es te q'uinale.

Levítico 25:41

Ta hich ora libre ya xloc' bahel ta ana soc snich'nab, ya suht bahel ta stojol te mach'atic ay yu'un soc ta sq'uinal te me'iltatiletic yu'une,

Malaquías 4:2

Yan te ha'ex te awich'ojic ta muc' te jbihile, ya me xtihl ta atojolic te bin stojil ta pasel hich te bin ut'il sts'anabul te c'ahc'ale, soc ya yich' talel ta xic' te colele. Ya me xloq'uex bahel soc ya me xwihlawetex hich te bin ut'il tut wacaxetic te ya xloq'uic bahel ta snahic.

San Mateo 11:29

Ich'bonic te yugo cu'un soc nopbonic co'tan, como manso soc peq'uel co'tan, hich yac atahic cux-o'tanil yu'un ach'uhlelic a,

San Juan 1:14

Te C'opil la yich' sbaq'uetal soc nahin ta cohliltic, nojel ta yutsil-o'tanil soc ta bin smelelil. La jquilbetic yutsilal, hich yutsilal te bin ut'il yutsilal te hip jtuhl Snich'an te Tatile.

San Juan 1:17

como te Ley ha a'bot ta scuenta Moisés, yan te yutsil-o'tanil soc te smelelil c'op talic ta scuenta Jesucristo.

San Juan 14:6

La yal te Jesús: Ho'on te behon, ho'on te smelelil-c'opon, soc ho'on te cuxlejalon; mayuc mach'a ya xtal ta stojol te Tatil teme ma ha'ucon ta jcuenta.

San Juan 16:13

Pero te c'alal ya xtal te Espíritu yu'un te bin smelelil, ha me ya stojobtesex ta sna'el spisil te bin smelelil, como ma stuquel-o'tanuc ya xc'opoj, ha ya yal spisil te bin ya ya'iy soc ya ya'beyex ana'ic te bin ya xc'oht ta pasele.

San Juan 17:17

Ch'ulteslana ta scuenta te smelelil c'op; ha smelelil c'op te ac'ope.

San Juan 6:45

Hich ts'ihbabil yu'un te jalwanejetic: Spisilic ya me xp'ijubtesotic yu'un Dios, xchihic. Ha yu'un spisil te mach'atic ya ya'iyic te Tatil soc te ya yich'ic p'ijubtesel yu'une, ya me xtalic ta jtojol.

San Juan 7:17

Te mach'a ya sc'an ya spas te bin ya sc'an yo'tan te Diose, ya me sna' teme ha nohptesel yu'un Dios o teme jtuquel-o'tan nax ya xc'opojon.

San Juan 8:36

Ha yu'un teme ya yaq'uex ta libre te Nich'anil, yu'un nix libre ya xc'ohex ta melel a.

Romanos 6:22

Pero yo'tic, te bin ut'il libre c'ohemex yu'un te mulil soc te a'bat c'ohemex yu'un Dios, atahojic ch'ultesel te ya yac' cuxlejal sbahtel q'uinal.

Romanos 8:15

yu'un ma ba awich'ojic te espíritu yu'un mosohinel scuenta yu'un ya xiwex yan buelta, ha awich'ojic te espíritu yu'un al-nich'antayel, te ha ta scuenta ya caltic: ¡Abba, Jtat! xchihotic.

Romanos 8:2

como te ley yu'un te Espíritu te ya yac' cuxlejal ta scuenta Cristo Jesús la yac'onix ta libre yu'un te ley yu'un te mulil soc te lajele.

1 Corintios 7:22

Como te mach'a ay ta mosohil a te ic'ot yu'un te Cajwaltic, libre ay yu'un te Cajwaltic; ha nix hich te mach'a libre ay a te ic'ot yu'un te Cajwaltic, ha moso yu'un Cristo.

Gálatas 5:1

Te Cristo la yac'otiquix ta libre scuenta yu'un libre ayotic, ha yu'un jc'axel ayinanic ta libre, ma me xawac' abahic xan ta chuquel ta yugo yu'un mosohinel.

Gálatas 5:13

Ha'ex, quermanotac, ic'bilex scuenta yu'un libre ya x'ayinex; pero ma yu'unuc libre ayex ta spasel te bin ya smulan abaq'uetalic; ha me ya sc'an te talel c'axel yac awa'batin abahic ta scuenta sc'uxul awo'tanic.

2 Timoteo 3:7

te spisil ora yaquic ta snopel pero mayuc bin ora ya xhu' ya sna'beyic scuentahil te smelelil c'ope.

Santiago 1:25

Yan te mach'a t'ojol sit ya yil te lequil ley te ya x'ac'awan ta libre, teme hich ya spasulan, teme ma xch'ay ta yo'tan te bin ya ya'iy, teme ha ya spase, ha me bayel yutsil yu'un.

Santiago 2:12

Hich me xc'opojex soc hich me xapasic te bin ut'il mach'a ya x'ich'ot ta c'op yu'un te ley te ya x'ac'awan ta libre,

1 Pedro 2:16

Hich ac'a cuxajuquex te bin ut'il mach'a ay ta libre, pero ma me librehuc ayex ta spasel te bin chopole; hich ac'a cuxajuquex te bin ut'il a'batetic yu'un Dios.

2 Juan 1:1

Te anciano, ta stojol te ants te tsahbil soc te yalatac, te c'ux ta co'tan ta melel; ma jtuqueluc nax, ha nix hich c'uxat ta yo'tan spisil te mach'atic sna'beyijic sba te smelelil c'ope.