San Juan 8:28 - Bible in Tzeltal Bachajón

²⁸ Ha yu'un la yalbe xan: Te c'alal ya yich' toyel hahchel te Nich'anil ay ta scuenta winic, tey to me yac ana'ic a te ho'on nix soc te mayuc bin jtuquel-o'tan nax ya jpas, ha nax ya cal te bin a'bibilon jnop yu'un te Tatile.

Nuevo Testamento Tzeltal de Amatenango

²⁸ Jaꞌ yuꞌun te la yaltalanbeye: —Te kꞌalal toyol ya ajojkꞌanik te Nichꞌanile, te me ya anaꞌbonik jba a te joꞌon nanix ae. Sok ya me anaꞌik te ma joꞌukon ya kichꞌ ta koꞌtan te tut ya jpase; jaꞌ nax ya kal te tut yakꞌojbon jnop te Tatile.

Bible in Tzeltal de Oxchuc y Tenejapa

²⁸ Ja' swentail te jich caj yalbey yaiyique: —Te c'alal ya ajijp'anic te Nich'anile, tey me ya ana'ic stojol te mach'aon a te jo'one. Soc ya me ana'ic te ma jtuquel-o'tanuc nax te bila ya jpase. Ja' nax ya cal stuquel te bila yac'ojbon jnop te Jtate.

San Juan 8:28 ပူးပေါင်းရင်းမြစ်များ

Éxodo 3:14

Dios la yalbe te Moisés: HO'ON TE JTALEL HICH AYON, xchi. Soc la yal xan: Hich me xawalbe te snich'nab Israel: ‘HO'ON AYON’ la sticonon tal ta atojolic, xchihan me, xchi.

San Mateo 24:5

como bayel me yich'beyejon jbihil ya xtalic, te hich ya yalic: Ho'on Cristohon, xchihic; bayel mach'atic ya slo'loylanic.

San Marcos 13:6

como ay tsobol ya xtalic ta scuenta jbihil, te hich ya yalic: Ho'on Cristohon, xchihic, hich ya slo'loyic tsobolic.

San Lucas 21:8

Halbotic yu'un Jesús: Tsahtaya me abahic te manchuc yac awich'ic lo'loyel, como ay tsobol mach'atic ya xtalic ta scuenta jbihil, te hich ya yalic: Ho'on Cristohon, xchihic, soc: Nopolix yorahil, xchihic. Pero ma me xat'unic.

San Juan 11:42

Jna'oj te spisil ora yac awa'iybon jc'op, pero hich la jcal yu'un te tsobol ants-winiquetic li' sjoytayejonic, scuenta yu'un hich ya sch'uhunic a te ha'at aticonejon tal, xchi ta sc'oponel Dios.

San Juan 13:19

Ya calbeyex yo'tic te ma to ba c'ohem ta pasel a, scuenta yu'un te c'alal ya xc'oht ta pasel ya me ach'uhunic te ho'on ayon.

San Juan 16:10

ya ya'be sna'ic bin ut'il ay sc'oblal toj-o'tanil, como ya xbohon ta stojol te Tatil soc ma ba yac awiloniquix xan;

San Juan 18:32

Hich la yalic scuenta yu'un ya xc'oht ta pasel te bin yaloj Jesús te la yac' ta na'el te bin lajel ya ya'iy.

San Juan 19:18

Tey c'oht sjihpanic ta cruz soc cha'tuhl winiquetic, jujutuhl ta jujujehch, ta ohlil ay te Jesús.

San Juan 3:11

Tulan sc'oblal ya calbat, ha yac calbelcotic te bin jna'ojcotic, soc ha ya calcotic ta jamal te bin quilojcotic, pero ma xawich'ic ta cuenta te bin ya calcotique.

San Juan 3:14

Hich te bin ut'il te Moisés la sjihpan te chan ta jochol taquin q'uinal, ha nix hich ya yich' jihpanel te Nich'anil ay ta scuenta winic,

San Juan 4:26

Ho'on abi, te yac sjucbelat ta c'op, xchi te Jesús.

San Juan 5:19

La sjac' te Jesús: Tulan sc'oblal ya calbeyex, mayuc bin ya xhu' ya spas ta stuquel-o'tan nax te Nich'anil, ha nax te bin ya yil yac spasbel te State. Como spisil te bin ya spas te Tatil, ha nix hich ya spas te Nich'anil,

San Juan 5:30

Mayuc bin ya xhu' ya jpas ta jtuquel-o'tan nax; te bin ya ca'iy, hich ya jchahpan; soc toj ya ca'iy chahpanwanej, como ma ha'uc ya jle binti ya sc'an co'tan, ha ya jle te binti ya sc'an yo'tan te Jtat te sticonejon tale.

San Juan 6:38

Como cohemon tal ta ch'ulchan, ma ha'uc yu'un te ya jpas te bin ya sc'an co'tan, pero yu'un ya jpas te bin ya sc'an yo'tan stuquel te mach'a la sticonon tale.

San Juan 8:24

Ha scuentahil te la jcalbeyex te ay amulic a ya xchamex. Teme ma ba yac ach'uhunic te jtalel ayon, ay amulic a ya xchamex, xchi.

San Juan 8:27

Pero ma ba la sna'ic te la yalbe sc'oblal te Tatile.

San Juan 8:58

Halbotic yu'un te Jesús: Tulan sc'oblal ya calbeyex, te c'alal ma to ayuc a te Abraham, jtalel ayon te ho'one, xchi.

Hechos 2:41

Te mach'a la sch'uhumbeyic te sc'ope, ac'ticlambot yich'ic ha'; ta hich ora ay wan p'ohl lajunwinic swaxacbahc' (3,000) ta tuhl.

Hechos 4:4

Pero tsobol te mach'atic la ya'iyic te sc'op Dios, la sch'uhunic; ay wan lajunwinic yoxlajunbahc' (5,000) ta tuhl winiquetic.

Romanos 1:4

soc ta scuenta te Ch'ul Espíritu halot ta jamal te ha Snich'an Dios te ay yu'el, ta scuenta te cha'cuxaj tal ta yohlil mach'atic chamenic.

Deuteronomio 18:18

Ya cac' chicnajuc jalwanej yu'unic ta yohlil te yermanotac, hich te bin ut'il te ha'ate; ya ca'be ta ye te jc'op soc ha ya yalbe ya'iyic spisil te bintic ya calbe.