San Juan 8:15 - Bible in Tzeltal Bachajón

¹⁵ Ha'ex yac awilbeyic ya'tel yantic ta scuenta ch'ich'-baq'uet; yan te ho'one mayuc mach'a ya quilbe ya'tel.

Nuevo Testamento Tzeltal de Amatenango

¹⁵ Te jaꞌexe jaꞌ nax lek skꞌoplal awuꞌunik te machꞌa lek ya awilike. Yan te joꞌone makꞌ ya kal te tut yilel te genteetike.

Bible in Tzeltal de Oxchuc y Tenejapa

¹⁵ Te ja'exe ya alebeyic smul yan ta swenta nax te bi yilel ya awilique. Yan te jo'one ma'yuc mach'a ya calbey smul.

San Juan 8:15 ပူးပေါင်းရင်းမြစ်များ

Amós 5:7

¡Ay me awocol ha'ex te yac ac'atp'unic ta bin ch'a te stojil chahpanel, soc te yac ach'ojic ta lum te bin stojil ta pasele!

Amós 6:12

¿Ya bal x'ahnimajic ta tontiquil te cawuhetique? ¿Ya bal stuquic lum tey a soc j'a'tel-wacaxetic? Pero ha'ex la ac'atp'unic ta veneno te stojil chahpanel, soc la ac'atp'unic ta bin ch'a te sit te bin stojil ta pasele.

Habacuc 1:4

Ha yu'un mayuc yip te Ley, soc ma stojiluc ya xloc' te chahpanele; te mach'a chopol yo'tan ya sjoytay te mach'a toj yo'tan, hich ma stojiluc ya xc'oht te chahpanele.

San Lucas 12:14

Pero halbot yu'un te Jesús: Winic, ¿mach'a la ya'bon ca'tel ta juez o te ay bin ya jpucbeyex? xchi.

San Juan 12:47

Te mach'a ya ya'iybon jc'op pero teme ma ba ya sch'uhun spasel, ma ho'ucon ya quich'be sc'op, como ma ha'uc talemon yu'un ya quich' ta c'op te ants-winiquetic, ha talemon yu'un ya jcoltay te mach'atic ayic ta bahlumilal.

San Juan 18:36

La yal te Jesús: Te banti ay te cuentahinel cu'un, ma ha'uc li' ta bahlumilali. Te li'uc ay ta bahlumilal te cuentahinel cu'une, te a'batetic cu'un ya spasic guerra scuenta yu'un ma ba ya x'ochon ta c'abal yu'un te judíohetic te hichuque. Pero ma li'uc ay te cuentahinel cu'une, xchi.

San Juan 3:17

Te Dios ma ha'uc la sticon tal ta bahlumilal te Snich'an yu'un ya ya'be stoj smulic te mach'atic ayic ta bahlumilal, ha la sticon tal yu'un ya xcolic ta scuenta.

San Juan 7:24

Ma me xawilbe ya'tel yan ta scuenta nax bin yilel stalel, tojuc me xawa'iyic chahpanwanej, xchi.

San Juan 8:11

La sjac' te ants: Mayuc, Cajwal, xchi. Ni ho'ucon ya cac'at ta castigo. Bahan, ma me xalehix yan amul, xchi te Jesús.]

Romanos 2:1

Ha yu'un mayuc bin ya xmacawanat ta c'op a, ha'at te yac awich' ta c'op yan, como te bin ut'il yac awich' ta c'op yan, ha'at nix yac awalbel te ay amul, como te bin yac awich' ta c'op a te yane, ha nix hich yacat ta spasel.

1 Corintios 2:15

Yan te mach'a yich'oj te Espíritu, ya sna' stsahtayel spisil bintic ay, pero mayuc ta tsahtayel yu'un yantic stuquel.

2 Corintios 5:16

Ha yu'un yo'tic soc ta patil bahel mayuc mach'a ya jna'becotic sba ta scuenta ch'ich'-baq'uet, aunque ta nahil to hich la jna'becotic sba te Cristo, ma hichuquix ta ora ini.

Santiago 2:4

¿ma bal tsahbiluc nax awu'unic te mach'a yac awich'ic ta cuenta ta awohlilic, soc jchahpanwanejex c'ohemex te chopol bin anopojique?

1 Samuel 16:7

Pero halbot yu'un Jehová te Samuel: Ma me ha'uc xawil te bin yilel o te bin yilel snahtil, como ch'aybil cu'un. Como te Jehová ma ha'uc ya yil te bin ya yil te ants-winic, como te ants-winic ha ya yil te bin chican ta sit, yan te Jehová ha ya yil te bin yilel te o'tanile, xchi.