San Juan 8:14 - Bible in Tzeltal Bachajón

¹⁴ La sjac' te Jesús: Aunque ho'on nix yac calbel jc'oblal, yu'un nix melel a, como jna'oj banti talemon soc banti ya xbohon; pero te ha'exe ma ba yac ana'ic banti talemon soc banti ya xbohon.

Nuevo Testamento Tzeltal de Amatenango

¹⁴ Te Jesuse la sjakꞌtalanbe: —Te tut ya kale bale stukel, aunke joꞌon nax mismo ya kal jba. Yuꞌun te joꞌone jnaꞌoj te ba talemone y jnaꞌoj te ba ya xboone. Yan te jaꞌexe ma xꞌanaꞌik ba talemon, y ma xꞌanaꞌik ba ya xboon.

Bible in Tzeltal de Oxchuc y Tenejapa

¹⁴ La yal te Jesuse: —Manchuc teme jo'on ya cal jc'oplal ta testigoe, ja'uc me to, smelelil te bila ya cale. Melel jna'oj te bay talemone soc jna'oj te bay ya xboone. Yan te ja'exe ma x'ana'ic te bay talemon soc te bay ya xboone.

San Juan 8:14 ပူးပေါင်းရင်းမြစ်များ

Proverbios 8:7

Ya cal bin smelelil, te que ya yihlay te bin chopol.

Números 12:3

Te winic Moisés mero peq'uel yo'tan ta winiquil, c'ax hich a te bin ut'il spisil winiquetic ayic ta bahlumilal.

San Juan 10:15

hich te bin ut'il ya sna'bon jba te Tatil soc te ya jna'be sba te Tatile; soc ya cac' jcuxlejal ta scuenta te tuminchijetique.

San Juan 10:36

¿ha xan te mach'a tsahbil yu'un Dios soc te ticombil tal ta bahlumilal yu'un, te ha'ex yac awalic: Yac abohlc'optaybel Dios, xchihex, ta scaj te la jcal: Ha Snich'anon te Diose, te xchihone?

San Juan 13:3

Sna'oj te Jesús te spisil a'bibil ta sc'ab yu'un te Tatil, soc te hahchem tal ta stojol Dios soc te ya suhtix bahel ta stojol Dios;

San Juan 14:10

¿Yu'un bal ma ba ach'uhunej te jun ayon soc te Tatil, soc te ha joc te Tatil? Te jc'op yac calbelex, ma jtuquel-o'tanuc nax yac calbel, pero te Tatil, te jun ayon soc, ha yac spasbel te a'tele.

San Juan 16:28

Talemon ta stojol te Tatil soc hulemon ta bahlumilal; yo'tic ya quihquitayix hilel te bahlumilal, ya xbohonix ta stojol te Tatile, xchi.

San Juan 17:8

como la jca'be te ac'op te la awa'bone; la yich'ic ta cuenta, soc sna'ojiquix ta lec te talemon ta atojol, soc sch'uhunejiquix te ha'at aticonejon tale.

San Juan 18:37

La yal te Pilato: ¿Melel bal hiche te ajwalilat? xchi. La sjac' te Jesús: Ha'at nix yac awal te ajwalilon. Ha scuentahil te ayinon soc ha scuentahil te talon ta bahlumilal, yu'un ya cal ta jamal te smelelil c'ope. Spisil te mach'atic ayic ta scuenta te smelelil c'op, ya ya'iybonic jc'op, xchi.

San Juan 5:31

Teme ho'onix ya cal jc'oblal, mayuc ta ich'el ta cuenta.

San Juan 8:42

Halbotic yu'un te Jesús: Te ha'uc atatic te Diose, c'ux yac awa'iyonic te hichuque, como talemon ta stojol te Dios soc li' ayon; ma jtuquel-o'tanuc nax te talemon, ha nix sticonejon tal te Diose.

2 Corintios 11:31

Te Dios, te Stat te Cajwaltic Jesucristo, te sbahtel q'uinal ay ta ich'el ta muc', sna'oj te ma ba ya ca'iy lot.

2 Corintios 12:11

Hich jpasoj jba te bin ut'il mach'a ma sna' q'uinal, pero ha'ex la awa'bonic te hich jpase. Ya sc'an te ha'uquex yac awalbonic lec jc'oblal, como ma ba peq'uel ayon yu'un te muc'ul jpuc-c'opetic, aunque mayuc jc'oblal te ho'one.

2 Corintios 12:19

¿Yu'un bal acuyojic te yac nax jcoltaybel jbahcotic ta c'op a? Ta stojol Dios c'opojemotcotic ta scuenta Cristo. Quermanotac te c'uxex ta co'tancotic, spisil te bintic ya jpascotic, yu'un hich ya yich' yip awo'tanic a.

Apocalipsis 1:5

soc yu'un te Jesucristo, te testigo te stalel jun yo'tan, te ba-nich'anil te cha'cuxaj tal ta yohlil mach'atic chamenic soc te ha jcuentahinwanej yu'un te ajwaliletic ayic ta bahlumilal. Ayuc me yutsilal soc yu'el sbahtel q'uinal te mach'a la sc'uxultayotic soc te la yac'otic ta libre yu'un te jmultic ta scuenta sch'ich'el,

Apocalipsis 3:14

Ts'ihbabeya te ch'ul a'bat yu'un te iglesia ta Laodicea: Hich ya yal te mach'a Hichuc, ha te testigo te stalel jun yo'tan soc te melel, te shahchibal te bintic pasticlambil yu'un Dios: