San Juan 7:37 - Bible in Tzeltal Bachajón

³⁷ Ta slajibal sc'ahc'alel te q'uin te tulan sc'oblal, la stehc'an sba te Jesús, tulan la yal: Te mach'a taquin yo'tan, ac'a taluc ta jtojol soc ac'a yuch'.

Nuevo Testamento Tzeltal de Amatenango

³⁷ Jaꞌ ben tulan skꞌoplal yuꞌunik te último kꞌaal yuꞌun te kꞌine. Te kꞌaal abi, te Jesuse tekꞌa jajchel, y tulan a kꞌopoj. Jich a yal: —Teme ay machꞌa takin yoꞌtane, a me taluk ta jtojol, a me tal yuchꞌ te jaꞌe.

Bible in Tzeltal de Oxchuc y Tenejapa

³⁷ Ja' bayal sc'oplal yu'unic te slajibal c'aal yu'un te q'uine. Jich ora te tejc'aj jajch'el te Jesuse. Tulan la yal: —Te mach'a ay ta taquinti'ile, ac'a taluc ta jtojol, ac'a yuch' te ja'e.

San Juan 7:37 ပူးပေါင်းရင်းမြစ်များ

Nehemías 8:18

Te Esdras jujun c'ahc'al la yil te libro yu'un te ley yu'un Dios, ta sba c'ahc'alil c'alal ta slajibal. Huqueb c'ahc'al la spasic q'uin, ta swaxaquebal c'ahc'al la spasic ch'ul tsoblej, hich te bin ut'il ay ta pasel.

Salmos 143:6

Ya jach jc'ab ta atojol, ay taquin ti'il ya ya'iy te jch'uhlel ta sc'anelat hich te bin ut'il taquin lumq'uinal. Selah

Salmos 42:2

Ay taquinti'il ya ya'iy te jch'uhlel ta stojol Dios, ha te cuxul Diose. ¿Bin ora ya xtal jtehc'an jba ta stojol te Diose?

Salmos 63:1

¡Dios cu'un, ha'at Diosat cu'un, soc spisil co'tan ya jlehat! Mero taquin co'tan ta atojol, hich ya sc'anat te jbaq'uetal te bin ut'il taquin q'uinal te banti mayuc ya'lel.

Proverbios 1:20

Te p'ijil-o'tanil ya x'awon ta callehetic, ya stoy sc'op ta plazahetic;

Proverbios 8:1

¿Ma bal ya x'awon te p'ijil-o'tanil? ¿Ma bal yacuc xc'opoj te bin ay ta na'el?

Proverbios 8:17

C'ux ta co'tan te mach'a c'uxon ta yo'tan, soc te mach'atic ya slehonic ya stahonic.

Proverbios 8:3

ta ochibaletic yu'un te pueblo, ta ochibaletic ya x'awon, hich ya yal:

Proverbios 9:3

La sticon bahel te criadahetic yu'un te ya x'awonic c'alal ta stoyolil te pueblo:

Cantares 5:1

Talemon ta ts'umbil q'uinal cu'un, quihts'inat, jlecolat; La jtsobix te mirra soc te perfumehetic cu'un, la jlo'ix te chab soc te schabec'al, la jcuch'ix te vino soc te leche cu'un. We'anic, ha'ex te jun co'tan jbahtic soc, uch'anic ta ban c'alal yac ac'anic.

Isaías 12:3

Soc yutsil awo'tanic yac aloq'uesic ha' ta sloq'uib-ha'etic yu'un colel.

Isaías 40:2

C'oponahic soc yutsil awo'tanic te Jerusalén, halbeyahic te ts'acayix te yorahil yu'une, te pasbotix perdón yu'un te smule, te cheb buelta stojol spisil smul la yich' ta sc'ab Jehová.

Isaías 40:6

Ay c'op te hich la yal: awonan, xchi. Ho'on la jac': ¿Bin a te ya cal ta aw? xchihon. La yalbon: Spisil te ants-winiquetic hich ayic te bin ut'il ac, soc spisil te yutsilalic hich ay te bin ut'il snich ha'mal ta q'uinal.

Isaías 44:3

Yu'un ya jmal ha' ta taquin q'uinal, be-ha'etic ta taquin lum. Ya jmal te espíritu cu'un ta stojol awal-anich'nab, te bendición cu'un ta stojol ats'umbal;

Isaías 55:1

¡Ha'ex te taquin awo'tanic, la'ic, la'ic ta banti ay te ha'e; ha'ex te mayuc ataq'uinic, la'ic, manahic soc we'anic! ¡La'ic, ma ta taq'uinuc yac amanic, mayuc stojol te vino soc te leche!

Isaías 55:3

Jama achiquin, la'ic ta jtojol; a'iya awa'iyic yu'un hich ya xcuxaj ach'uhlelic a. Ya jpas chapbil c'op ta atojolic te sbahtel q'uinal ay, ha te sc'uxul co'tan ta stojol David te stalel ay.

Isaías 58:1

¡Tulan x'awonat, ma xacom aba, toya ac'op hich te bin ut'il corneta! ¡Halbeya ya'iy te pueblo cu'un te stoybahil, soc te smulic te mach'atic yu'un Jacob!

Jeremías 16:19

Jehová, ha'at quipat soc toyol ts'ahcat cu'un, soc j'ahnibalat cu'un ta yorahil wocol, ya me xtal ta atojol te nacionetic c'alal ta sti'il bahlumilal, hich me ya yalic: Ha nax lotil te a'bot yich'ic te jme'jtatic, ha te bin ma xtuhun, te mayuc bin la stahic a.

Jeremías 2:2

Bahan, halbeya te Jerusalén te hich ya yal te Jehová: Ya jna' te c'alal ach'ixat to a jun awo'tan ta jtojol, te c'uxon ta awo'tan te c'alal jmacojat a, te la at'unon bahel ta jochol taquin q'uinal, ta q'uinal te mayuc bin ts'umbil tey a.

Ezequiel 47:9

Spisil te bintic cuxajtic te ya xnuxinic ta bayuc ya xbahtic te cheb muc'ul-ha'etic, ya xcuxajic; c'ax bayel chayetic ya xc'oht como tey ochem a te ha'e, como ya xlecub te ha' yu'un. Ya xcuxaj spisil bayuc ya xbaht te muc'ul-ha'.

Levítico 23:36

Huqueb c'ahc'al yac awa'beyic chic'bil mahtanil te Jehová; ta swaxaquebal c'ahc'al ay ch'ul tsoblej awu'unic soc yac awa'beyic chic'bil mahtanil te Jehová. Ha q'uin, ma me xapas awa'telic a.

Levítico 23:39

Ta yo'lajunebal c'ahc'al ta shuquebal u, te c'alal tsobilix awu'unic a te sit ya yac' te lumq'uinal, ya me apasic q'uin huqueb c'ahc'al ta stojol Jehová. Ya me acux awo'tanic ta sba c'ahc'al soc ta swaxaquebal c'ahc'al.

Miqueas 6:9

Te sc'op te Jehová ya yawtay te pueblo, ¡ha p'ijil-o'tanil te xi'el te abihile! Ich'ahic ta cuenta te castigo soc te mach'a ya yaq'ue.

Zacarías 9:15

Te Jehová te scuentahinej spisil ya me scanantay te mach'atic yu'un, ya me slajinic soc ya me sts'o'ic ta teq'uel te tonetic yu'un jihmuch'il; ya me yuch'ic soc ay me xjuyetic hich te bin ut'il yuch'ojic vino, ya xnoj sch'uhtic hich te bin ut'il muc'ul taza, hich te bin ut'il te xulubiletic yu'un te scajtajib ta chiq'uel mahtanil.

Números 29:35

Ta swaxaquebal c'ahc'al ya me apasic tsoblej te bayel sc'oblal, ma me xapasic awa'telic a.

San Mateo 11:28

La'ic ta jtojol apisilic te luhbunex soc te ay awihcatsic, ho'on ya ca'beyex acux awo'tanic.

San Mateo 3:3

Ha nix te mach'a halbot sc'oblal yu'un te jalwanej Isaías: Ha sc'op te mach'a hich ya x'awon ta jochol taquin q'uinal: ¡Chahpambeyahic sbe te Cajwaltic, tojobtesbeyahic te behetic yu'une! xchi.

San Mateo 5:6

Bayel me yutsilic te mach'atic ya xwi'najic soc ya xtaquij yo'tanic yu'un te bin stojil ta pasele, como ts'acal ya x'a'botic.

San Juan 1:23

La sjac' te Juan: Ho'on te sc'op mach'a hich ya x'awon ta jochol taquin q'uinal: Tojobtesbeya sbe te Cajwaltic, hich te bin ut'il la yal te jalwanej Isaías, xchi.

San Juan 14:6

La yal te Jesús: Ho'on te behon, ho'on te smelelil-c'opon, soc ho'on te cuxlejalon; mayuc mach'a ya xtal ta stojol te Tatil teme ma ha'ucon ta jcuenta.

San Juan 4:10

Te Jesús la yalbe te antse: Te yacuc ana'be sba te mahtanil yu'un Dios soc te mach'a a te hich ya yalbat: A'bon cuch' ha', te xchihe, ha'at la ac'ambe awuch' ha', soc ha ya ya'bat awuch' te cuxul ha' te hichuque, xchi.

San Juan 4:11

Tatil, mayuc bin yac alic loq'uel tal a, como c'ubul te pozo. ¿Banti ay awu'un te cuxul ha'?

San Juan 4:14

Yan te mach'a ya yuch' te ha' te ho'on ya ca'be, mayuc bin ora ya xtaquij xan yo'tan. Te ha' te ho'on ya ca'be, hich ya xc'oht te bin ut'il sloq'uib ha' te ya x'oquin scuenta cuxlejal sbahtel q'uinal, xchi.

San Juan 5:40

pero ma xac'an ya xtalex ta jtojol yu'un yac awich' acuxlejalic.

San Juan 6:35

Halbotic yu'un Jesús: Ho'on te panon scuenta cuxlejal. Te mach'a ya xtal ta jtojol, mayuc bin ora ya xwi'najix, soc te mach'a ya sch'uhunon, mayuc bin ora ya xtaquijix yo'tan.

San Juan 6:37

Ya xtal ta jtojol spisil mach'a ya ya'bon ta jcuenta te Jtate, soc te mach'a ya xtal ta jtojol, ma ba ya jten loq'uel.

San Juan 6:55

Como te jbaq'uetal ha mero we'elil soc te jch'ich'el ha mero uch'balil.

San Juan 7:28

Yac ta p'ijubteswanej ta Templo a te Jesús, hich tulan la yal: Ana'beyejonic jba soc ana'ojic ban talemon. Ma jtuquel-o'tanuc talemon, pero te mach'a la sticonon tal ha smelelil, ha te ma xana'beyic sbahe.

1 Corintios 10:21

Ma xhu' yac awuch' te copa yu'un Cajwaltic soc te copa yu'un te pucujetique; ma xhu' ya xwe'at ta smesa te Cajwaltic soc ta smesa te pucujetique.

1 Corintios 10:4

soc pajal la yuch'ic te ha' scuenta espíritu; como la yuch'be ya'lel te muc'ul ton scuenta espíritu te joquimbilic yu'une. Te muc'ul ton ha te Cristo.

1 Corintios 11:25

Ha nix hich, c'alal laj yo'tanic ta we'el, la stsac te copa, hich la yal: Ha copa ini, ha te yach'il chapbil-c'op scuenta jch'ich'el; hich me xapasic te jujun buelta yac awuch'ic, scuenta jna'ojibal, xchi.

1 Corintios 12:13

Como ta scuenta junax Espíritu te junax baq'uet c'ohotic ta scuenta ich'-ha', teme ha judíohetic, griegohetic, mosohetic o mach'atic libre ayic; ta jpisiltic ac'ot cuch'tic junax Espíritu.

Efesios 5:18

Ma me xyacubex yu'un vino, te ha ya xbohlobteswan; ha'uc me nojel ta awo'tanic te Ch'ul Espíritu.

Apocalipsis 21:6

Soc hich la yalbon xan: Hu'ix. Ho'on te Alfa soc te Omega, te shahchibal soc te slajibal. Te mach'a taquin yo'tan, smahtan ya ca'be yuch' ha' ta sloq'uib-ha' scuenta cuxlejal.

Apocalipsis 22:1

Patil te ch'ul a'bat la ya'bon quil te muc'ul-ha' scuenta cuxlejal, xleblon sjahts' hich te bin ut'il cristal, te yac ta loq'uel tal ta stojol te smuc'ul-huctajib Dios soc ta stojol te Jcolel Tuminchij,

Apocalipsis 22:17

Te Espíritu soc te Jnuhpunel Ach'ix ya yalic: La' me, xchihic. Te mach'a ya ya'iybe sc'op, hich ac'a yal: La' me, xchihuc. Ac'a taluc te mach'a taquin yo'tan. Mach'ayuc a te ya sc'an, smahtan ac'a yuch' te ha' scuenta cuxlejal.