San Juan 7:17 - Bible in Tzeltal Bachajón

¹⁷ Te mach'a ya sc'an ya spas te bin ya sc'an yo'tan te Diose, ya me sna' teme ha nohptesel yu'un Dios o teme jtuquel-o'tan nax ya xc'opojon.

Nuevo Testamento Tzeltal de Amatenango

¹⁷ Teme ay machꞌa ya skꞌan spasbe te sboluntar Diose, jich me ya snaꞌbe sluwar te tut ya kakꞌ ta nopele me talem ta stojol Dios o joꞌon nax ya jnop te tut ya kale.

Bible in Tzeltal de Oxchuc y Tenejapa

¹⁷ Te mach'a yo'tan ya spas te bila ya sc'an yo'tan te Diose, tey me ya sna' stojol a teme ja' nopjibal yu'un Dios te ya cac' ta nopele, o teme jo'on nax jc'op jtuquele.

San Juan 7:17 ပူးပေါင်းရင်းမြစ်များ

Salmos 119:10

Ta spisil co'tan ya jlehat; ma xawac' te ya xhowiyon ta stojol te mandariletic awu'une.

Salmos 25:12

¿Mach'a a te winic te ya yich' ta muc' te Jehová? Ha ya x'a'bot sna' yu'un te be te ya sc'an ya stsahe.

Salmos 25:14

Te Jehová jun yo'tan soc te mach'atic ya yich'ic ta muc', ya ya'be sna' te chapbil-c'op yu'une.

Proverbios 28:5

Te mach'atic chopol yo'tanic, ma xc'oht ta yo'tanic stojil chahpanel, yan te mach'atic ya slehic te Jehová ya xc'oht ta yo'tanic spisil.

Proverbios 3:32

Como Jehová ya yihlay te mach'a chopol yo'tan, pero jun yo'tan sba soc te mach'atic toj yo'tan.

Isaías 35:8

Soc ay me muc'ul be tey a, ha Ch'ul Be ya xc'oht te sbihile. Ma ba ya xc'ax jtuhluc tey a te bohloben sc'oblal, ha nax te mach'atic st'unojic te behe, ma ba ya xbehenic tey a te mach'atic ma sna'ic q'uinal.

Daniel 12:10

Ay tsobolic te lecubtesbil soc pocbil ya xc'ohtic; yan te mach'atic chopolic stalel schopol ya xhilic, soc mayuc ni jtuhluc te mach'a chopol yo'tan te ya sna'be scuentahil, pero te mach'atic p'ij yo'tanic ya me sna'beyic scuentahil.

Oseas 6:3

Ac'a jna'betic sba te Jehová; ya xtal ta jtojoltic hich smelelil te bin ut'il ya xloc' tal te c'ahc'ale; ya xtal ta jtojoltic hich te bin ut'il te ha'ale, hich te bin ut'il te ha'al ta yorahil sit soc ta yorahil shahchel snahtil c'ahc'al te ya yahts'es te q'uinale.

Miqueas 4:2

Ya xtal bayel nacionetic, hich ya yalic: La'ic, mohucotic bahel ta wits yu'un Jehová, ta sna te Dios yu'un Jacob, ha ya snohptesotic a te behetic yu'un, hich ya xbehenotic ta behetic yu'un, xchihic. Como ya xloc' tal ta Sión te Ley, ta Jerusalén ya xtal te sc'op Jehová.

Malaquías 4:2

Yan te ha'ex te awich'ojic ta muc' te jbihile, ya me xtihl ta atojolic te bin stojil ta pasel hich te bin ut'il sts'anabul te c'ahc'ale, soc ya yich' talel ta xic' te colele. Ya me xloq'uex bahel soc ya me xwihlawetex hich te bin ut'il tut wacaxetic te ya xloq'uic bahel ta snahic.

San Mateo 6:22

Te asit ha ya yac' sacubuc q'uinal ta abaq'uetal. Ha yu'un teme lec te asite, ay ta sacal q'uinal scohtol abaq'uetal.

San Lucas 8:15

Yan te c'oht ta lequil lum, ha sc'oblal te mach'atic lec soc toj yo'tanic te ya sq'uej ta yo'tanic soc spisil ora ya yaq'uic sit.

San Juan 3:21

Yan te mach'a ya spas te bin smelelil, ya xtal ta sacal q'uinal scuenta yu'un hich ya xchicnaj a te ha ta scuenta Dios te ya'tele, xchi.

San Juan 8:43

¿Bin yu'un te ma xana'beyic scuentahil te jc'ope? Como ma xhu' yac awa'iybonic te jc'ope.

San Juan 8:44

Te ha'exe, ha yu'unex te atatic, ha te pucuje, soc yac apasbeyic te bin ya sc'an yo'tan te atatique. Stalel jmilaw c'alal shahchibal, mayuc bin ora melel te sc'ope, como stalel mayuc smelelil c'op yu'un. C'alal ya ya'iy lot, ha nix sc'op ya yal, como mero jlot stuquel soc ha tatil yu'un lot.

San Juan 8:47

Te mach'a yu'un Dios, ha ya ya'iybe sc'op te Diose; ha scuentahil te ma ba yac awa'iyic, como ma ba yu'unex te Diose, xchi.

Hechos 17:11

Te mach'atic ayic ta Berea ha lec xan stalelic a te bin ut'il te mach'atic ayic ta Tesalónica, yu'un spisil yo'tanic la sch'uhunic te sc'op Diose. Jujun c'ahc'al la yo'tantayic yilel te bin ts'ihbabil ta Shun Dios teme hich nix ya yal a.