San Juan 6:9 - Bible in Tzeltal Bachajón

⁹ Li' ay jtuhl querem te yich'oj ho'pehch pan pasbil ta cebada soc cha'coht bic'tal chay; pero ¿tic' bal a ini yu'un te ipal ants-winiquetic? xchi.

Nuevo Testamento Tzeltal de Amatenango

⁹ —Liꞌ ay jtul chꞌin kerem to te ay joꞌpejch sebada-waj y sok chaꞌkojt chay. Pero ¿ba wan kꞌan juꞌuk a te bayal genteetike? —xchi.

Bible in Tzeltal de Oxchuc y Tenejapa

⁹ —Ay ch'in querem li'to te yich'oj jo'pejch' cebada-waj soc cha'cojt' ch'in chay. Ja'uc me to, ¿banti c'an ts'acajuc a te bayalique? —xi'.

San Juan 6:9 ပူးပေါင်းရင်းမြစ်များ

1 Reyes 4:28

Soc la yich'ic tal cebada soc ac yu'un te cawuhetic soc te yantic cawuhetic yu'un ihc'atsijel, chican te banti lugaril ya xhalbot; hich xmelmon la spasic ta tuhlultuhl.

2 Reyes 7:1

Ha yu'un la yal te Eliseo: A'iya awa'iyic te sc'op te Jehová. Hich ya yal te Jehová: Ta hich ora pajel, jsehp nax plata stojol te jun seah lequil harina, soc jsehp nax plata stojol te cheb seah cebada ta yochibal te Samaria, xchi.

Salmos 147:14

Ha ya yac' lahmajuc q'uinal ta spahmal alumal, ya yac' nojuc ach'uht ta lequil trigo.

Salmos 78:19

Hich la yalic ta scontrac'optayel te Diose: ¿Ya bal xhu' ya schahpan we'elil te ya yac' ta mesa ta jochol taquin q'uinal?

Salmos 78:41

Bayel buelta la stsajic te Diose, la shachbeyic yo'tan te Ch'ul Dios yu'un Israel.

Salmos 81:16

Pero Dios ya ya'be swe'elinic mero lequil trigo te pueblo yu'un, soc ya snojesbe sch'uhtic ta chab te ya xloc' ta tontiquil.

Ezequiel 27:17

Te Judá soc te sq'uinal Israel la ya'iyic mambajel chombajel ta atojol, la sjelbat abiluc ta trigo yu'un Minit, pastel, chab, aceite soc bálsamo-te'.

San Mateo 14:17

Mayuc bin quich'ojcotic, hip ho'pehch pan soc cha'coht chay, xchihic.

San Mateo 16:9

¿Ma to bal c'ohem ta awo'tanic, ma bal yac ana'ic te ho'pehch pan we' a te lajunwinic yoxlajunbahc' (5,000) ta tuhl winiquetic soc te jayeb moch sobra la atsobic?

San Marcos 6:38

Joc'obotic yu'un te Jesús: ¿Jaypehch pan awich'ojic? Bahan, ilawilic, xchi. C'alal la sna'ic, hich la yalic: Ay ho'pehch soc cha'coht chay, xchihic hulel.

San Marcos 8:19

Te c'alal la jxeht' te ho'pehch pan ta yohlil te lajunwinic yoxlajunbahc' (5,000) ta tuhl, ¿jayeb moch noj a te xeht'elul pan la atsobique? xchi. Lahchayeb (12), xchihic.

San Lucas 9:13

Hich halbotic yu'un te Jesús: A'beyahic swe'el ha'ex, xchi. La yalic: Hip nax ho'pehch pan soc cha'coht chay quich'ojcotic, ma tic'uc a, ha nax teme ya xbaht jmancotic tal we'elil yu'un spisil te ants-winiquetique, xchihic.

San Juan 11:21

Te Marta hich c'oht yalbe te Jesús: Cajwal, te li'uc ayate, ma ba cham te jbanquil te hichuque.

San Juan 11:32

C'alal c'oht ta banti ay Jesús te María, c'alal la yil, la squejan sba ta ye'tal yoc, hich la yalbe: Cajwal, te li'uc ayate, ma ba cham te jbanquil te hichuque, xchi.

San Juan 21:10

Hich halbotic yu'un te Jesús: Ich'ahic talel cha'oxcohtuc te chay te la atsaquique, xchi.

San Juan 21:13

Tal te Jesús, la stsac te pan, la spucticlambe, ha nix hich la spucticlambe te chaye.

San Juan 21:9

C'alal c'ohtic ta ti'ha', la yilic tey tsajuben ac'al a soc tey cajal jcoht chay a, soc ay pan.

San Juan 6:11

Te Jesús la stsac te pan, la sc'opon Dios yu'un soc la spucticlambe te mach'atic huhcajtique. Ha nix hich la spas soc te chay, la yac'ticlambe ha chican ban c'alal la sc'anic.

San Juan 6:7

La sjac' te Felipe: Ma tic'uc ya xwe'ic jujutebuc a ta lajunwinic (200) denario pan, xchi.

2 Corintios 8:9

Ana'ojiquix te yutsil yo'tan te Cajwaltic Jesucristo, aunque jc'uhlej, ha pobre c'oht ta acuentahic, scuenta yu'un ha'ex jc'uhlejex ya xc'ohex ta scuenta spobrehil.

Deuteronomio 32:14

la ya'be swe' mantequilla yu'un wacaxetic soc leche yu'un me' tuminchijetic, te sjuhp'el jcolel tuminchijetic soc tat tuminchijetic yu'un Basán soc tat tentsunetic, buen lequil trigo, soc la awuch' vino te ha sch'ich'el te ts'usube.

Deuteronomio 8:8

ha q'uinal te banti ya xcol trigo, cebada, ts'usubiletic, higuerahetic, soc granadohetic, te banti ya yac' aceite te olivohetic soc te ya xloc' chab;

Apocalipsis 6:6

La jca'iy ay mach'a c'opoj ta yohlil te chaneb bintic cuxajtic, te hich la yal: Jun denario stojol te jun litro trigo, soc jun denario stojol te oxeb litro cebada, pero ma me xawixtalan te aceite soc te vino, xchi.