San Juan 6:61 - Bible in Tzeltal Bachajón

⁶¹ Te Jesús la sna' te hahchic wulajanel yu'un te jnopojeletic yu'un, ha yu'un la yal: ¿Yu'un bal ma lecuc c'oht ta awo'tanic bin la jcal?

Nuevo Testamento Tzeltal de Amatenango

⁶¹ Te Jesuse la snaꞌ te tut mukul yipalik ta yalele. Jaꞌ yuꞌun la sjojkꞌolanbe: —¿Meꞌn ma tsaꞌamuk a kꞌot ta awoꞌtanik te tuti kale?

Bible in Tzeltal de Oxchuc y Tenejapa

⁶¹ Te Jesús la sna' stojol te yacalic ta smuquen-ayanel te bila la yale. Jich la sjojc'obey yaiy: —¿Yu'un bal amen c'ot ta awo'tanic te bila la cale?

San Juan 6:61 ပူးပေါင်းရင်းမြစ်များ

San Mateo 11:6

Bayel me yutsil te mach'a ma ba ya sc'ohchin sba ta jcuenta, xchi.

San Mateo 17:27

Pero, scuenta yu'un ma ba ya xbohlob yo'tanic ta jtojoltic a, bahan ta mar, ch'oja ochel te alucbal-taq'uin, te jcoht chay yac atsac loq'uel, hawbeya ye, tey yac ata a jun estatero-taq'uin. Ich'a bahel, a'beya, cheb cu'un, cheb awu'un, xchi.

San Juan 16:19

La sna' te Jesús te yo'tanuc ya sjoc'obeyic, ha yu'un la yalbe: ¿Ha bal talel c'axel yac ajoc'obe abahic yu'un te hich la jcal: Li' ta jts'ihn ma ba yac awilonic, soc jts'ihn xan ta patil ya me awilonic, te xchihone?

San Juan 21:17

Joc'obot xan ta yoxebal buelta: Simón, snich'an Jonás, ¿c'uxon bal ta awo'tan? xchi. Te Pedro la smel yo'tan yu'un te yoxebalix buelta te joc'obot: ¿C'uxon bal ta awo'tan? te xchihe. Ha yu'un hich la yal: Cajwal, ana'oj spisil; ana'oj te c'uxat ta co'tan, xchi. Halbot yu'un te Jesús: Mac'limbon te tuminchijetic cu'une.

San Juan 6:64

Pero ay cha'oxtuhlex te ma ba yac ach'uhunic, xchi (como ta shahchibal to tal sna'oj te Jesús mach'atic a te ma ba ya sch'uhunic soc mach'a a te ya x'ac'ot ta c'abal yu'une).

Hebreos 4:13

Mayuc bin pasbil te ma ba ya x'ilot yu'un Dios; spisil jamal chican ta ilel ta sit te Mach'a ya xc'ohotic ta pasbeyel cuenta yu'une.

Apocalipsis 2:23

Ya cac' lajuc te yalatac, hich spisil te iglesiahetic ya me sna'ic te ho'on ya jtsahtay te snopojibal yu'unic soc te bin ay ta yo'tanic. Ho'on ya ca'beyex jujutuhl ha chican bin yilel te awa'telique.