San Juan 6:37 - Bible in Tzeltal Bachajón

³⁷ Ya xtal ta jtojol spisil mach'a ya ya'bon ta jcuenta te Jtate, soc te mach'a ya xtal ta jtojol, ma ba ya jten loq'uel.

Nuevo Testamento Tzeltal de Amatenango

³⁷ Spisil te machꞌa ya yaꞌbon te jTate ya xtal ta jtojol; y te machꞌatik ya xtal ta jtojole, makꞌ ya jlokꞌes bael ta juera.

Bible in Tzeltal de Oxchuc y Tenejapa

³⁷ Spisil mach'a ya yac'bon te Jtate ya xtal ta jtojol. Te mach'a ya xtal ta jtojole ma ba jch'oj loq'uel.

San Juan 6:37 ပူးပေါင်းရင်းမြစ်များ

Salmos 102:17

Ya me yich' ta cuenta te bin ya xhalbot yu'un te mach'atic mayuc bin ay yu'unic; ma ba ya sp'aj te ya xhalbot wocol yu'unique.

Salmos 110:3

Te pueblo awu'un jun yo'tan ya yac' sba ta acuenta te bin c'ahc'alil yac awa'iy cuentahinwanej, ta scuenta ch'ultesel te ha t'ujbil. C'alal ta shahchibal te sacubel q'uinal yac awich' te sts'ujulel te aqueremil.

Isaías 41:9

yu'un la jloq'uesat tal c'alal ta sti'il te q'uinale, la jquic'at loq'uel tal ta namal q'uinal, hich la jcalbat: Ha'at a'batat cu'un, la jtsahat, ma ba la jch'ojat bahel.

Isaías 42:3

Ma ba ya slajin swaq'uel te jalal te cuts'bil, ma ba ya stup' te smechahil c'ahc' te c'un yac ta tihlele; ya me yac' chicnajuc stojil chahpanel.

Isaías 55:7

Te mach'a chopol yo'tan ac'a yihquitay te be yu'une, te mach'a ay mulil ta yo'tan, ac'a yihquitay te snopojibal yu'une; suhtanic tal ta stojol Jehová, hich me ya xc'uxultayot yu'un, suhtanic tal ta stojol te Dios cu'untic, te ha ya spas bayel perdón.

San Mateo 11:28

La'ic ta jtojol apisilic te luhbunex soc te ay awihcatsic, ho'on ya ca'beyex acux awo'tanic.

San Mateo 24:24

Como ya xchicnaj hahchel lotil cristohetic soc lotil jalwanejetic soc ya spasic muc' señahiletic soc jchahp a'teliletic yu'un ya slo'loyic te mach'a tsahbilic, te yacuc xhu' yu'unique.

San Juan 17:11

Ma ba ya x'ayinonix ta bahlumilal, yan stuquelic ya to x'ayinic ta bahlumilal, yan te ho'on ya xbohon tey ta banti ayat. Jch'ul Tat, canantaya ta scuenta abihil, scuenta yu'un junax ya xc'ohtic a, hich te bin ut'il jun ayotic te ho'otique.

San Juan 17:2

como awa'beyej ya'tel ta stojol spisil ch'ich'-baq'uet scuenta yu'un ya yac'ticlambe scuxlejal sbahtel q'uinal spisil te mach'atic awa'beyej ta scuentahe.

San Juan 17:24

Jtat, te mach'atic awa'beyejon ta jcuenta, ya jc'an te tey nix ya sjoquinonic a ta banti ayon, scuenta yu'un ya yilbonic te cutsilal te awa'beyejon, como stalel c'uxon ta awo'tan te c'alal ma to ayuc a te bahlumilale.

San Juan 17:6

La jca'be sna'bat aba te mach'atic li' ayic ta bahlumilal te la awa'bon ta jcuenta; ha'ic awu'un ta nahil, ha'at la awa'bon ta jcuenta, soc scanantayejic te ac'ope.

San Juan 6:39

Te bin ya sc'an yo'tan te Jtat te la sticonon tal, ha te spisil mach'a ya ya'bon ta jcuenta ma me xch'ay cu'un jtuhluc, ha ya jcha'cuxajtes ta slajibal c'ahc'al.

San Juan 6:65

Hich la yal xan: Ha scuentahil te la jcalbeyex te mayuc mach'a ya xhu' ya xtal ta jtojol teme ma ba ic'bil tal yu'un te Tatile, xchi.

San Juan 9:34

La sjaq'uic: Ta scuenta mulil te ayinat, ¿ha'at bal yac anohptesotcotic? la yutic. Hich la stenic loq'uel.

Romanos 5:20

Och te Ley scuenta yu'un ya xp'ohl te mulile; pero te c'alal bayel p'ohlix a te mulil, c'ax to xan hich p'ohl a te yutsil yo'tan Dios,

Filipenses 1:29

Como ma hipuc a te a'botex te yac ach'uhunic te Cristo, ha nix hich a'botex te ya xc'ax awocolic ta scuenta,

1 Timoteo 1:16

Pero ha scuentahil te la jquich' c'uxultayel, scuenta yu'un te Jesucristo ya xhu' ya yac' ta ilel te lec yo'tan te mayuc slajibal, te hich chican ta jcuenta, ho'on te c'ax bayel jmul, scuenta yu'un hich ya sna'ic a te mach'atic patil ya sch'uhunic Cristo soc ya yich' scuxlejalic scuenta sbahtel q'uinal.

2 Timoteo 2:19

Pero stalel ay te yich'o-ip yu'un Dios soc yich'oj te sellohil ini: Te Cajwaltic ya sna'be sba te mach'atic yu'une, xchi, soc: Ihquitayahic te bin chopol spisil mach'atic ya yich'ic ta muc' sbihil te Cristo, xchi.

Hebreos 4:15

Como te muc'ul sacerdote cu'untic ma yu'unuc ma sna'botic yo'bolil jbahtic yu'un te mayuc quiptic, como hich nix la ya'iy tsajel ta spisil hich te bin ut'il te ho'otic, pero ma ba stahoj smul stuquel.

Hebreos 7:25

Ha scuentahil te ya xhu' ya scoltay sbahtel q'uinal te mach'atic ya xnohpojic ta stojol Dios ta scuenta, como stalel cuxul yu'un ya xc'opoj ta scuentahic.

1 Juan 2:19

Loq'uemic hahchel ta cohliltic, pero ma junuc ayotic soc a, como te junuc ayucotic soc, la sjoquinotic te hichuque; pero loq'uic bahel yu'un tey chicnaj a te ma ba jun ayotic soc ta spisilic.

Apocalipsis 22:17

Te Espíritu soc te Jnuhpunel Ach'ix ya yalic: La' me, xchihic. Te mach'a ya ya'iybe sc'op, hich ac'a yal: La' me, xchihuc. Ac'a taluc te mach'a taquin yo'tan. Mach'ayuc a te ya sc'an, smahtan ac'a yuch' te ha' scuenta cuxlejal.